我得寵：暴戾貓大整蠱 雨僑踩地雷 
雨僑用毛毛吉祥，但貓咪似乎不理睬主人。
雨僑家中的三隻貓咪十分反斗，牠們趁主人出埠工作時，最愛搗蛋，將家裏大反轉，為宣洩不滿會將便便撒在門後，雨僑每次回港踏入家門都遭殃踩屎，令她又愛又恨。雨僑更揚言有意追求她的男士必定要愛小動物，否則冇得傾。
撰文：卓寶花攝影：仇志德場地提供：阿貓地攤
雨僑（前名羽翹）飼養了三隻異國短毛貓，日前帶同其中兩母女「吉祥」和「閃電」出動，由於七個月大的閃電首次出街，令雨僑手足無措，拍照時更硬生生被閃電抓得滿身傷痕，令雨僑大呼：「大家姐（指閃電）真係暴戾，細細個飲奶時都要撥開晒啲兄弟姊妹，所以我都慣咗俾佢抓。」
首次出街的閃電乖乖伏在雨僑膊上，擺甫影相。
【閃電】
年齡：7個月大
品種：異國短毛貓
性別：雌性 
雨僑家中養了三隻貓，吉祥最淡定。
【吉祥】
年齡：2歲
品種：異國短毛貓
性別：雌性 搗蛋宣洩不滿
原來閃電是雨僑家中最難搞的一頭貓，她說：「佢係話唔聽，又過份活躍唔瞓覺，最鍾意搞事，反而佢父母就喝得停，我都冇佢符，尤其我唔喺屋企幾日就慘，佢哋會搗亂屋企，又會喺門後留低啲大，搞到我每次一返去就中招。其實已經有三個廁所，佢哋係話畀我聽有不滿唔開心、扭計，所以我離開香港盡量會叫朋友幫我睇住佢哋。」
選擇養貓是因為較易打理，雨僑更親自為貓咪接生剪臍帶，但每次將貓BB拿走時都會很心酸。吉祥早前參與拍攝一間攝影公司廣告，雨僑自稱當星媽，不過她愛貓如命，不捨得貓咪辛苦，還說：「雖然拍廣告有收錢，但我唔想佢哋辛苦。」雨僑愛貓如命，最捨得花錢在牠們身上，高峰期家中有九隻貓，月花8,000元，現時只養三隻貓，支出節省至大約2,000元。
吉祥樣子可愛，雨僑帶牠出街更為她帶來異性緣。 寵物情緣勁冧
飼養寵物又曾為雨僑帶來寵物情緣，她說：「試過帶佢哋出街，因為佢哋個樣得意，有男性搭訕，個男仔仲係好靚仔。」雨僑擇偶首要有愛心及愛護小動物，她說：「想同我拍拖嘅男仔一定要鍾意我啲貓，唔鍾意就冇得傾。」
雖然雨僑經常被愛貓抓傷，但對牠們依然不離不棄。 反對情侶送寵物
寵物為人類帶來歡樂，每個主人決定飼養寵物前，其實都要慎重考慮能否照顧牠們一生，所以雨僑已經立下決心，要照顧寵物直至牠們百年歸老，所以她十分反對情侶間將寵物當作禮物送給對方，很多個案間接造成寵物被遺棄。
雨僑說：「好多時啲情侶送寵物畀對方，到分手後就唔想養，搞到好多寵物被遺棄，好可憐，所以覺得呢個想法係好錯，唔應該買一個生命送畀人。」
留言列表
{{ article.title }}
