玩激流時， Emma仍戴住黑超，表現淑女。坐喺身後嘅 Andrew則大細路上身，狂嗌狂叫，完全唔顧明星身世。
出外埠
蜘蛛俠去咗迪士尼
試想像堂堂「蜘蛛俠」走咗去迪士尼，會係點？上周末，新一代「蜘蛛俠侶」 Andrew Garfield同 Emma Stone就親身示範。
原來早前係 Andrew生日，女友為慶生，上周五（ 8月 24日）先帶男友去海灘慶祝，之後一日（ 8月 25日）到迪士尼過一個童話式生日。就當日所見，兩人童心未泯，玩咗唔少機動遊戲。喺「巴斯光年」嘅射擊遊戲中， Andrew更以 9萬高分，大比數擊敗女友，貫徹「蜘蛛俠」嘅靈活身手。
佢哋一人一頂公仔帽去迪士尼玩，好鬼 cute。
巴斯光年嘅機動遊戲，媽咪姐都玩過，結果同 Emma一樣，只得幾千分。 Andrew就犀利囉， 9萬分，高過女友多多聲。
上周五（ 8月 24日）， Emma到海灘慶祝男友 Andrew 29歲生日。 Emma更着上一件寫上「 Happy Fxxking Birthday」嘅生日粗口 tee，粗鄙兼且有心思。
25歲嘅 Emma當日冇着泳衣，但照舊落海玩水，心情 high爆。
Honey，你去迪士尼都咁有型！（設計對白）
全站熱搜
留言列表
{{ article.title }}
