曾參選立法會議員的名媛林依麗，近年是非多多，出位言論辣着不少火頭。上周香港旅客在馬尼拉發生的流血事件，不但全城關注，至今港人仍瀰漫着哀痛。事件發生後，不少藝人歌手紛紛發表悼念言論，容祖兒與其他藝人也先後開腔呼籲大家不要因事件仇恨菲律賓人，沒想到林依麗突然對祖兒開火，揶揄她只是歌星仔，沒資格評論，惹來群星反駁，但林依麗至昨晚接受本報訪問時仍堅稱自己言之有物。

其他娛樂名人影片

近日 YouTube流傳多段出位名媛林依麗的訪問片段，其中一條於上周四上載、長約兩分半鐘的短片中，林依麗被問到對容祖兒近日發表切勿仇視菲律賓人之言有何意見時，她雙手交叉放胸前，語氣不屑地說：「佢有乜嘢資格言論啫，呢啲咁嘅歌星仔。」林依麗說到激動處，更叫容祖兒返去唱歌咪多嘴，直至昨晚截稿為止，約有一萬人次瀏覽過該短片。

放大圖片

林依麗昨晚在她任職的地產公司接受訪問時，仍堅稱自己言論正確。

放大圖片

娛樂圈中人對馬尼拉事件也十分關注，前日更在港台活動上手牽手以歌曲《一點燭光》哀悼遇害港人。

林依麗認自行拍片放上網

記者昨日聯絡林依麗，她直認片段是由她任職的地產公司同事替她拍下並放上網，又指拍片當天是因看到容祖兒的言論才有感而發。林依麗昨在電話中說：「容祖兒幾歲？佢細個咪歌星仔，做乜啫？鄭秀文同梅艷芳喺我心目中先係大歌星。」林依麗又指容祖兒呼籲港人不要仇恨菲律賓人的行為不當，她說：「喺呢個咁痛苦嘅時候，死咗八個港人，唔係八隻蟻，暫時真係唔應該提菲律賓，香港人好快會淡忘，但容祖兒仲提，咁會喺人哋傷口灑鹽。」林依麗網上鬧爆容祖兒短片熱播，話題瞬即傳遍微博，尤以圈中人反應最熱。事件女主角容祖兒昨日先在微博貼出海報自嘲為歌星仔，她留言：「等我這個『歌星仔』為自己打打氣先！加場啦！我只是就（做）出我認為是對的東西，冇佢咁好氣。」祖兒好友楊千嬅也回應謂：「係！我係超齡歌星仔，咁又點？支持祖兒！」

放大圖片

楊千嬅為聲援容祖兒，自嘲是超齡歌星仔。資料圖片

放大圖片

左起：黃耀明、何韻詩和林海峰昨日提到林依麗的言論，都忍不住冷嘲熱諷。

何韻詩：係咪透氣都唔得

何韻詩也同樣在微博借自嘲力撐死黨容祖兒說：「哎呀死啦，我都係歌星仔噃，又淨係只可以唱我嘅歌啊，咁係咪即係透氣食飯冲凉瞓覺都唔可以啊？」昨日何韻詩與林海峰和黃耀明出席商台活動時，她再說：「如果容祖兒都係歌星仔，咁我哋呢啲係歌星嬰兒。」林海峰抵死附和：「咁我係微塵㖭。」黃耀明則說：「好似我哋係戲子，唔可以 comment呢個社會。呢啲人咁講嘢嘅，送何韻詩首《明目張膽》畀佢，呢個人講咁嘅嘢，講到惹起種族間仇恨，竟然講啲咁嘅嘢。」填詞人黃偉文昨日也力撐祖兒在微博反擊林依麗之言，他寫道：「喂，容祖兒聽到沒？你這種『歌星仔』沒資格評論時事呀！那麼你們這些只會唱歌的，應該連投票權、知情權、議事權、乜權物權也被一併取消吧！我只是個『填詞人仔』，哪有資格說這些呢？不知道林小姐到底是『××仔』所以有權講話那麼權威呢？」

放大圖片

黃偉文在微博力撐祖兒，並揶揄言論出位的林依麗。資料圖片

放大圖片

大罵林依麗的白韻琴，前日有份參加悼念遊行。

藍奕邦：擺到明好想出名

藍奕邦也寸爆林依麗愛出位，他說：「呢位阿姐，擺到明好想出名咁噃，咁我就成全佢轉發。」除了微博議論頻頻外，不少圈中人均關注此事，陳慧琳（ Kelly）認為無論歌星或普通市民都有表達自己感受的權利，希望大家尊重他人的言論自由，她昨在電話中說：「香港旅客喺菲律賓被槍殺事件已經令港人好哀傷，唔好再令到呢件事咁複雜化啦！」鄧麗欣則直斥惡意批評不對，她說：「大家都知今次係菲律賓政府唔啱，唔可以針對菲傭，好多歌星都好關心社會，發放正面訊息係冇錯，我冇睇到條片，但覺得其他人唔應該惡意批評。

白韻琴：歌手行為比佢好

林峯昨日也就此事回應說：「祖兒對事件回應態度好正確，我都希望以正確心態面對件事，我屋企都有菲傭，佢睇到件事都好傷心，今次係一件事件，唔應該針對成個民族，其他言論就唔回應啦。」此外，林依麗早前與謝偉俊不咬弦，謝偉俊太太白韻琴昨日也在電話中狂轟林依麗，她說：「歌星有權講任何嘢，佢（林依麗）冇權干涉，歌手都係成年人，佢哋有自由發表意見，又唔係犯法，自己負番責任咪得。」白韻琴續說：「不過我認為林依麗絕對冇資格去批評人，佢憑乜嘢去管人，係都管吓自己唔好去屈人，唔好做架樑，歌手嘅行為比佢良好得多，唔該佢咪去『薑葱屈鯉』，佢咁批評容祖兒簡直係越級挑戰。」採訪：馬建華、王連連、比華利攝影：陳順禎、李志明

林依麗：歌星咪唱你嘅歌囉！

容祖兒日前呼籲港人不要因香港旅客在菲律賓被槍殺事件，遷怒在港工作的菲律賓女傭，沒想到竟被落選議員兼名媛林依麗譏諷她是歌星仔，指她沒資格言論，以下為林依麗之言原文照錄。問：容祖兒呼籲香港人唔好遷怒於菲律賓女傭，唔好炒佢哋，你對佢嘅言論有乜嘢睇法？林：佢有乜嘢資格言論啫？呢啲咁嘅歌星仔，係咪吖！即係唔話睇小佢，即你係歌星咪唱你嘅歌囉！

人物誌：是非名媛虛報胸襲

有歧視本地歌手之嫌的名媛林依麗，現年 51歲，曾任仁濟及保良局總理。向來作風高調及激進的她，曾兩度參選立法會選舉，尤以爭取包二奶刑事化的政綱聞名。去年她登報指賭王四姨太梁安琪違反香港一夫一妻制，反對她連任保良局總理，被賭王恥笑「遲咗出身 100年」。

與謝偉俊不和 放大圖片

林依麗也不時惹上官非，如早前為商台節目做嘉賓，其間與謝偉俊發生口角。另外，她訛稱今年 4月遭保安員胸襲，日前在九龍城裁判法院被裁定虛報罪成，判監兩個月，緩刑一年半（圖）。


容祖兒前日出席公開活動時，手繫黃絲帶悼念馬尼拉遇害港人。

群星挺祖兒狠插林依麗

曾因虛報非禮罪被判緩刑的地產顧問林依麗日前於自家製作的短片中，提到菲律賓挾持人質事件時，竟然狠批樂壇天后容祖兒（Joey）只是「歌星仔」，無資格批評炒菲傭事件，立即引起娛樂圈中人群起插爆，指林依麗貶低「歌手」身份，又間接剝削歌手的言論自由，紛紛站出來力撐Joey。

容祖兒連續三年為REEBOK擔任代言人。

港人於菲律賓被挾持事件引起廣泛討論，不少藝人歌手都就事件表達意見，前日有一段林依麗接受訪問的短片於微博流傳，她被問到對於Joey勸港人切勿遷怒菲傭的言論時，竟在鏡頭前說：「有咩資格言論啫啲歌星仔，唔係話睇小佢，但你係歌星咪唱你嘅歌囉……」她續以激烈語氣狂插菲律賓人，言談之間表示怒炒菲傭是名正言順的事。

黃偉文轉發林依麗短片為Joey抱不平。

黃偉文率先轉發

短片由著名填詞人黃偉文（Wyman）於昨日凌晨率先轉發，他更向Joey報告事件說：「Joey聽到沒？你這種『歌星仔』沒資格批評時事呀！那麼你們這些只會唱歌的，應該連投票權、知情權、議事權、乜權物權也被一併取消吧！」隨即不少歌手陸續轉載，表現得非常勞氣，力撐Joey並非「歌星仔」之餘，更表示歌手都有發言權利。

相反被貶的主角Joey直至昨日下午反而幽自己一默，於微博上以輕鬆心情宣布演唱會加場：「等我這個『歌星仔』為自己打打氣先！加場啦！」又稱只是講出認為對的事，本報致電Joey，她說：「我唔會回應林小姐嘅言論喇，呢個時候，我想香港人化悲憤為力量，唔好再搞咁多仇恨出嚟啦！」

林堅拒公開道歉

林依麗接受本報電話訪問時，表示短片由助手拍攝並放上網：「佢（Joey）係歌星仔喎，得嗰廿幾三十歲，小朋友唔好講咁多嘢，佢聽到覺得唔舒服嘅，我咪叫番佢做大歌星囉，（歌手有言論自由？）唔係冇資格評論，人人都可以講，不過唔係呢個時候囉，大家個傷口仲係咁痛，遲啲先講啦！」她表示一向「好倔」，認為毋須公開道歉：「傻呀咩？道咩歉？鬧咩吖鬧？香港人依家應該互相團結，真正大歌星唔會介意一句半句『歌星仔』囉，叫佢有番啲信心啦！」

林依麗被全城圍插，昨晚9時許她自拍短片擺上網撲火：「我想奉勸一句煮豆燃豆箕，相煎何太急。8個人命啱啱搞出嚟，你哋啲歌星博出位，冇謂將件事搞大，希望Jason快啲好番。」不過，林依麗卻辣埋有牙齒印的白韻琹：「白婆婆年紀大血壓高，唔想畀啲人博出位。」另林依麗亦拍了一短片批評成龍言論。

至於曾與林依麗有糾紛的立法會議員謝偉俊（Paul），他在電話中表示：「唔想評論，唔想同佢相提並論！」而他的太太白韻琹說：「阿Paul當佢冇存在，我覺得唔好報道呢單嘢，咪盞益咗佢？簡直係越級挑戰，踩住容祖兒上。」

林依麗自製短片在網上播放，指樂壇天后容祖兒是「歌星仔」，引起藝人不滿。

林依麗

Joey宣布喜訊演唱會將加開一場。

報喜個唱加一場

另外，Joey前晚完成三場Summer Pop音樂會演出，她在慶功宴上表示演唱會內部認購爆滿，宣布加開一場：「依家加埋一共五場，希望可以平到上次十場嘅紀錄，睇大家反應如何！」她自爆為演出開始飲菜湯修身，希望以最佳狀態示人，而她日前為REEBOK拍攝全新一輯的秋冬廣告，挑戰多個高難度甫士。

藝人興爆還擊

林依麗一番不禮貌言論，辣慶不少圈中人，群起對她作出還擊。

楊千嬅

楊千嬅：係！我係超齡歌星仔，咁又點吖！支持祖兒！

袁彌明

袁彌明：雖然林依麗有言論自由，但唔明佢出發點，「歌星仔」好貶意，容祖兒係天后，畀人叫做「歌星仔」有冇搞錯，咁講好冇禮貌，點解睇小人，佢連議員都唔係，可以叫佢××仔。

周子揚：佢應該尊重番歌手囉，唔應該干涉人哋嘅言論。

張敬軒：EQ低的人千萬不要從政，要不然連IQ都無埋！

杜汶澤：冇需要咁侮辱人，佢咁講係冇邏輯、冇腦，充分反映佢野蠻，簡直係小丑行為，只有三個字形容：法西斯。

周柏豪咁我咪係「流星仔」？一瞬即逝。

鄭希怡：我支持祖兒，唔可以因為一小撮人而仇視菲傭，之前我同霆鋒去山東拍戲，大家都着晒黑衫，尋日霆鋒生日都冇慶祝。

陳少琪：菲律賓人喺香港係做傭人，唔係奴隸，咁嘅言論，依麗判處無知罪名成立。

藍奕邦：呢位阿姐擺到明好想出名咁喎！咁我就成全佢，轉發，祝你早日人見人憎！

周子揚

張敬軒

杜汶澤

周柏豪

何韻詩抵死回應：咁我係乜？

Joey的好友何韻詩睇到Wyman的微博轉發後，禁不住作出抵死回應：「哎呀死啦，我都係歌星仔噃，即係透氣食飯沖涼瞓覺都唔可以啊？」阿詩昨日跟林海峰、黃耀明為9月26日的拉闊音樂會舉行記者會，提到Joey被貶「歌星仔」一事，阿詩笑言：「如果容祖兒係歌星仔，咁我都唔知自己係乜，唔通好似清朝咁話賣藝嘅係戲子咩？賣藝就唔能夠呼吸？」

黃耀明（左起）、何韻詩、林海峰均對林依麗言論覺反感。

林海峰笑稱只屬一粒「微塵」，他表示今次音樂會將會大唱社會問題，將「阿珍」、「陰公男」等熱門話題唱出來，建議屆時向林依麗送上一曲《萬人迷》，而黃耀明對事件並不知情，當他得知後說：「呢個人點會咁樣嘅？咁明目張膽咁樣講嘢！」

林依麗虛報非禮判緩刑

現年51歲的林依麗不止一次報稱「被非禮」，其中最經典一事為今年五月，出席電台選舉論壇時與謝偉俊發生身體碰撞，以胸部撞向對方後自稱被非禮。早前向警方虛報遭一名大廈男保安非禮被裁定罪名成立，被判入獄兩個月，獲准緩刑年半。現為地產顧問，曾兩度參選立法會選舉落敗。

謝偉俊拒就事件回應，白韻琹則狠插林依麗。

祖兒回應慘劇無辜被嘲歌星仔

早前因虛報非禮被判緩刑、立法會補選落敗的林依麗，竟借菲律賓挾持人質慘劇辣火頭，出言嘲樂壇天后容祖兒是「歌星仔」，激發群星狂插。

昨日凌晨填詞人黃偉文將一段2分34秒的短片在微博轉載，片段中林依麗疑似在地產公司環境下拍攝，有一把女聲談到慘劇後港人對菲律賓人有偏見，而容祖兒呼籲不應遷怒於女傭時，問林依麗有何睇法？她說：「有乜資格言論啫！啲歌星仔，唔係睇小佢，即係歌星仔咪唱佢嘅歌囉……」片段在微博流傳後，何韻詩、楊千嬅和張敬軒等紛紛留言「寸爆」林依麗。

何韻詩與林海峰昨日出席活動，一致撐祖兒。



林依麗提及祖兒的片段於網上流傳，引起各界關注，祖兒不欲展開罵戰，只留言表示冇佢咁好氣！

軒仔鬧EQ低勿從政阿澤轟侮辱！

周子揚：

佢應該尊重返（番）歌手，唔應該干涉人哋嘅言論。

白姐姐斥冇資格挑戰Joey

現年51歲的地產顧問林依麗，早前在立法會補選電台論壇上，以胸部撞向謝偉俊（Paul）自稱被非禮，之後她虛報被看更非禮，被判緩刑一年半。對於林依麗的言論，昨日記者致電Paul，他不屑提起對方：「唔想評論佢！」隨即將電話交予老婆白韻琹，白姐姐狂插林依麗：「阿Paul當佢唔存在，評論佢盞益咗佢，佢冇資格越級挑戰容祖兒，佢冇權咁講，佢最鍾意『薑葱煀鯉魚』，屈完阿Paul又屈看更非禮佢，唔好報道佢啦！容祖兒又青春又靚女，天差地別！」

我支持祖兒，唔可以因為一小撮人而仇視菲傭。