佢（樊少皇）冇呃我！（真實對白）
本周一（ 27日）， JJ與母親到新都城廣場的超市購物。其間，本刊記者訪問賈母，賈母承認非常擔心女兒會出事。當問到賈母如何評價樊少皇為人， JJ即出言制止，可見她非常維護男友。
滾熱辣
JJ攬實人夫樊少皇 阿媽山東來港斬孽緣
在《怒火街頭 2》中，賈曉晨（ JJ）飾演有情有義的「骨妹」錢心心，為愛情主動爭取到底。現實中，她亦勇敢承認與比她大 10年的打星樊少皇拍拖一個月。
上周男方被踢爆有個同居廿載的正印陳少霞，更育有一對仔女。
樊少皇急發聲明，強調未婚， 4年前與舊愛已分開。經傳媒連日報道，背負「小三」之名的 JJ，精神陷於崩潰。
本刊收到消息，愛女情切的賈母，急急由山東飛來港，目的為勸 JJ考慮清楚，是否堅持繼續與人夫樊少皇交往。
情困 JJ孖阿媽超市掃貨散心
29歲的宅男女神賈曉晨（ JJ），今年 3月在洪天明的婚宴上邂逅樊少皇，一個月前開始拍拖。上周三（ 22日），樊少皇的「背妻棄兒」報道出街， JJ忽然變「小三」。當晚她接受娛樂新聞台電話訪問時，更哽咽說：「未揭發樊少皇有太太前，我有諗過同佢認真發展，但件事曝光後我接受唔到，好想等件事搞清楚。」
不過男方翌日發聲明後， JJ隨即心軟轉軚：「愛一個人係要包容佢 嘅過去，佢冇結過婚，同埋已經係好耐之前 嘅事。我拍拖係想有將來，就係結婚生仔。我所知 嘅同佢 嘅聲明內容一樣，佢冇呃過我！」 JJ處處維護男友，情根深種令經理人頭痛不已。
因財反目
上周，樊少皇發聲明指自己未結婚兼與舊愛陳少霞（下圖）已分手 4年。最近，有另一個報道指阿霞多年來不斷向樊母借錢，又趕樊母出門口，令樊少皇相當不滿，兩人因財失義。
我冇結婚！（真實對白）
經理人鬧爆
JJ成功憑《怒火 2》中骨妹一角洗脫花瓶形象，其經理人公司 Snazz當然不希望她行差踏錯。爆出「小三」事件後，經理人力勸她斬纜，不過 JJ力撐樊少皇已與女友分手，自己不是第三者。經理人文迪表示：「我鬧到 JJ喊。公司唔係唔俾佢拍拖，只係想佢搞清楚 啲關係先。」公司棒打鴛鴦，令賈曉晨徬徨無助，心情直墜谷底，猶幸得父母體諒。
知情者透露：「件事國內傳媒都有報道， JJ媽咪擔心個女 喺屋企會胡思亂想，即刻飛 嚟香港，萬一有事都有照應，亦會勸 JJ諗清楚係咪要舂個頭去樊少皇度。」心傷 JJ更向公司請了一星期假，留家休息。
懶理途人
JJ與母親掃貨後，隨即返回寓所。雖然她戴上黑框眼鏡及衣着密實，沿途仍有不少街坊認得她， JJ亦見慣不怪，直行直過行返寓所。
心不在焉
在超市掃貨期間， JJ心不在焉，頻頻低頭望住電話發短訊。最後她買了粟米片、牛奶及蔬果離開，食得健康。
賈母貼身照顧
舊愛力撐
有傳男友沈震軒與國產模劉羽琦合作電影《喜愛夜蒲 2》撻着， JJ失望分手。近日，她與樊少皇戀上，被指錯愛人夫。舊愛沈震軒亦代她出頭，呼籲大家不要破壞她與樊少皇的關係。
本周一（ 8月 27日）， JJ現身將軍澳新都城廣場，戴上黑框眼鏡兼紮髻的她，繑實母親去超市購物。兩人購物後，亦大方停低接受訪問。
記者問賈母今次來港是否睇實 JJ，她說：「對！我來照顧她，煲湯弄飯給她。」賈母更表示看過 JJ與樊少皇的報道，並說：「嗯！我當然擔心她出事。」這時 JJ欲阻止記者再追問賈母：「你哋唔好問我媽咪啦！有乜就問我！」
記者：記賈： JJ
記：樊少皇有仔女，你真係唔介意？
賈：唔可以話完全唔介意，如果佢結 咗婚，我一定會斬纜。
記：屋企人知道件事後有乜嘢反應？
賈：佢 哋非常擔心我。我同佢 哋講 咗我所知 嘅同聲明一樣。
記：有冇覺得揀錯人？
賈：冇，我 哋開始 嗰陣佢都講 咗佢 嘅故事我知。（知道佢有女友同仔女仲同佢一齊？）佢段感情過 咗好耐，每個人都有過去，我選擇去包容。我冇後悔，呢件事令雙方都好大壓力，我都好辛苦。
記：你 哋依家 嘅關係冇變？
賈：冇，仲會電話溝通。
男方形象一鋪清袋
樊少皇的溝女戰績愈爆愈有，近日再有報道指他在內地收埋一女友之餘，亦搭上女助手。正在青島拍內地劇《盛夏晚晴天》的他，形象直插谷底。
樊少皇是否前妻口中的負心漢？只有當事人才清楚。而 JJ慶幸以往形象純如蒸餾水，繼續劇接劇冇停手。繼下月在無 綫新劇《好心作怪》與主角苗僑偉及萬綺雯大演對手戲外，有傳金牌監製李添勝（添哥）亦有意找她做下套劇集的女主角。
本周二（ 28日）記者致電李添勝，他表示：「下年二月我會開套民初劇，講日治時代 嘅亂世。男主角係黎耀祥同蕭正楠，女主角仲未落實。（係咪想搵 JJ？）都係，佢同馬賽都係呢個年代人（民初），有古典美。睇下公司肯俾邊個我囉！」添哥睇中，希望 JJ可以快 啲解決感情煩惱，重新投入工作。
微博表明心跡
微博本來是 JJ與樊少皇傳情的地方，早前樊少皇不時在微博打上有「晨」字的字句，之後更分別大晒同款情侶帽。「小三」事件發生後，樊少皇即留言保護 JJ，而 JJ亦表明心跡，放上喊到眼腫的自拍照，支持男友到底。
力撐愛郎
眼腫自拍
暗交
保女友清譽
吸金打仔
留言列表
{{ article.title }}
