《今日我至扁》
阿 Sa出名扁唔係今日先知，但前晚佢唱 live前一刻比平時更扁，講緊係佢個嘴啫。
無綫日前舉行《紅白鬥》，蔡卓妍（阿 Sa）獨唱《下一站天后》全程走音，前晚她再到將軍澳電視廣播城錄影《勁歌金曲》，現場唱冠軍歌《明明》，甫開口先深呼吸四次，結果快速唱了兩分鐘，總算過關，其男友陳偉霆則拜託不要因一次錯失，定女友死罪。
蔡卓妍和男友陳偉霆（ William）前晚先後到電視城錄影《勁歌金曲》， William先到錄影首集，阿 Sa緊接錄第二集，兩人未有同場合照。阿 Sa到場神色凝重，跟往常的輕鬆完全不同，木無表情。上台錄影前阿 Sa先接受訪問，問她是否有很大壓力？她說：「唔係，我 feel到呢幾日好多朋友家人都想我好，真心對我好，我會更加努力，不過亦有一啲係想打沉我，但我唔會。」阿 Sa聲言善意的批評會虛心學習，但惡意的會加以過濾，自己也盡量不想太多，以免加添壓力。
阿 Sa前晚錄影《勁歌》又要唱現場，她緊張到不停調節耳機。
William當晚跟阿 Sa分開錄影，他希望觀眾不要一次即判女友死罪。
新人蔚雨芯勁歌熱舞，結果搞到貞子上身，反而更加搶鏡。
僅唱兩分鐘
公司有否要求多點上堂學唱歌？阿 Sa強調自己一直都有，又說：「近日有人打畀我嘅唱歌老師，佢叫 Jeffery，其實我唔想話係邊個教，唔想影響人哋，好咗先同人講，但家都冇辦法。」好姊妹鍾欣桐掛着到台灣會吳克羣，結果阿 Sa單拖上陣出事，她坦言不想拖人落水。
訪問完阿 Sa錄影現場唱《明明》，音樂未起她先深呼吸四次，又不停搞耳機，表現超緊張，不過最終一 take搞掂，其實阿 Sa只唱了約兩分鐘，未有把整隻歌唱畢，總算過關，阿 Sa才稍展笑容。再問阿 Sa是否很緊張？她直認不諱：「我不停叫自己唔好緊張，又用手捉住另一隻手定驚。」
至於 William表示對阿 Sa有信心，記者叫他在台下大叫「 SaSa我愛你」為她打氣，他聞言說：「呢啲冇用，我信佢會唱得好，佢咁有經驗。」雖有無數上台經驗，但阿 Sa依然走音，同一套音響下，毫無出鏡經驗的男 fans唱得比她還好， William繼續為她講好話：「唔好一次就判佢死刑。」
昨日有讀者報料指阿 Sa在拍 Y2K港台劇年代，曾同樂隊 Mr.主音 Alan拍拖，難怪日前 Alan為阿 Sa走音講好話。
採訪：何慧斯 攝影：葉君海
留言列表
{{ article.title }}
