最醜
唱到全首歌都走音，阿 Sa仲話呢排有練歌，如果冇練的話，我幻想唔到你會唱成點囉，好在你兩位 fans救一救，因為佢 哋同你合唱時，你終於冇走音！
同你吟一吟
走音歌星紅白鬥
無 綫上個禮拜六晚（七月七日）大鑼大鼓搞《 2012翡翠歌星紅白鬥》，原本想振興收視，不過事與願違，埋單得 19點。拍板要搞《紅白鬥》 嘅余詠珊冇「飛屎」，觀眾睇完都想打爆部電視機。
五大唱片問題未解決，無 綫都算醒目，請 嚟台灣 嘅炎亞綸、倪安東、 LOLLIPOP F、閻奕格撐場，個個唱得跳得，但拍埋香港班歌手，高下立見，尤其係 LOLLIPOP F又唱現場又跳舞，比起 local班女歌手，跳舞要咪嘴，醜死！不過醜極都唔及阿 Sa，簡單一首《下一站天后》都可以唱到冇一粒音準，佢班 fans連日微博洗版撐偶像，阿 Sa反而知衰，留言話：「做得好的時候，人們會說好！做得不好的時候，人們會說不好！……所以一定要加倍地好好裝備自己……」
要加倍努力仲有佢 honey陳偉霆，被編排同倪安東、洪卓立合唱。身為台灣歌唱節目《超級星光大道》 PK王，倪安東歌藝唔使多講，但佢當晚愈唱愈細聲，擺明遷就唱到冇氣 嘅陳偉霆、洪卓立，兩個冇走音算係執身彩。話時話，連關淑怡都甩音， 19點收視，好合理！
雞仔聲
合唱部分，來自台灣 嘅倪安東（左）愈唱愈細聲，明顯讓賽，怕自己 嘅歌聲冚晒洪卓立同陳偉霆把雞仔聲！
最惡頂
農夫、狄易達、莊冬昕一齊 rap歌，點知各有各 rap一 啲都唔合拍，最惡頂都係莊冬昕，又 嚟唱佢首洗腦膠歌《軟雪糕》。
真唱
LOLLIPOP F跳住唱現場，反而班所謂女歌手，全部咪嘴，最慘係預先錄定音都唱得難聽。
假唱
如果連容祖兒都要咪嘴，關淑怡都冇氣，學家駒話齋：香港冇樂壇，只有娛樂圈！
全站熱搜
留言列表
{{ article.title }}
