安仔細心聆聽攝影師要求他做的表情，平面廣告拍攝五小時，近百萬酬勞好易賺。
坐定笠六
安仔講婚期：唔會等到世界末日！
許志安與鄭秀文復合後，屢傳婚訊，上星期，二人同日分別為飲品及護膚品拍攝廣告，講起女友，許安笑晒：「兩個字，開心！」
拍拖生活如魚得水的許志安聲稱近年愛跑街，有時若情況許可，甚至會孖咇拍住拖跑街；無論做運動習慣或信仰，均與 Sammi逐步同化，二為一體！
一齊銀
Sammi在同日為護膚品拍攝新一輯廣告，對於自己的長曲假髮 look十分滿意。
前排 Sammi抱恙停工休息，在家中不停親手整上海及地道美食，安仔口福不淺。
孖咇跑街
安仔自爆近期愛上跑街，更在微博上載跑到汗流滿面的照片（左），與熱愛運動的 Sammi同聲同氣。
各自搵食
許志安以接近百萬酬勞，接替張敬軒及 𡃁模 Evelyn蔡穎恩拍淳茶舍電視及平面廣告，電視廣告分別在木廠及皮革廠埋位，許安飲住茶同製茶人員傾偈；硬照簡單得多，安仔只要做出享受回味表情，易過借火。攝影師要他瞇晒眼扮享受，許安自嘲說：「唔使瞇 㗎啦，我隻眼咁細，唔碌大已經好似。」
同一日， Sammi在另一影樓為代言的護膚品 Glycel拍新一輯廣告，帶了長曲假髮的 Sammi拿 着相機自拍，春風滿面。
同 Sammi分頭銀，飲住茶送腸仔炒飯做午餐的許安說下半年要到多個地方做巡迴演唱，因此要 Keep住飲食，晚上六點後不吃澱粉質，日日跑步 keep住身形。
「早排晚晚睇波，但好多時撐到四點（半夜）頂唔順 瞓 着。今日就算開工，但我九點就起身落街跑步，都跑 咗八公里！跑街好過跑機好多，流好多汗，跑完成個人精神晒。」
另一輯在皮革廠拍攝的電視廣告，安仔能近距離觀賞衫、袋及帽的製造過程，令他大開眼界。
廣告商事前做足功課，準備好圖文並茂的 storyboard，方便安仔跟住做。
劈爛琴
在木廠拍攝的電視廣告，有一座經師傅改裝過的鋼琴。去年在演唱會上表演彈琴的安仔，原來一直有 keep住練，當日見到鋼琴忍唔住彈兩手。
增高
揸住支茶扮有型呢啲 hard sell甫士唔少得，安仔還要站在木箱上「增高」。
信埋耶穌
要影大頭，化妝師及髮型師緊張地為安仔補妝整頭，反而他自己不太在意：「男人老狗，冇乜所謂啦。」
搬近 Sammi的許志安，曾多次被街坊目睹情侶咇一齊跑步，對此，他只笑不語，免得惹女友不滿。
說到好友容祖兒、劉浩龍同何韻詩的「三角戀」，許安說不便亂俾意見，人同此心，其實外界也有不少批評指他配不起 Sammi，安仔坦言已經睇化，加上女友不時向他傳福音，令他不再執着。
「信耶穌基督真係好正，人 哋同你祈禱 嘅力量好大，而家我唔會再理 啲新聞，都係過眼雲煙，唔需要執着。我已經決 咗志，仲搵緊返邊間教會 嘅浸禮班。（返 Sammi嗰間？）唔係 㗎！要真係 啱自己先得 㗎。」
讀完浸禮班，許志安便可正式受浸成為基督徒，外傳年尾與 Sammi到外地教堂註冊結婚，他 冧笑說：「我唔會等到世界末日 嗰日，世界末日到了麼，問我終結會如何？……總之，順其自然啦！」
借舊歌《愛妳》轉移話題，如許志安所說，唔會等到末日，換句話講，婚期在今年十二月二十二日前。這張期票，隨時兌現。
留言列表
{{ article.title }}
