為了這套露臍 opening歌衫， Fiona唔食嘢餓住唱。尾場她更 high爆，忽然拉開拉鏈露銀 bra，平胸的她𠌥晒身依然無嘢睇，露出排骨胸。
探熱針
薛凱琪開騷 病父撐場
快將三十一歲的薛凱琪（ Fiona），入行八年，上星期終首踏紅館，舉行兩場演唱會。 Fiona的跟得媽咪在後台貼身打點，而前幾年與母親離異的薛父，也現身為女兒打氣。
今年初，因父親心臟病而開始食齋的 Fiona，一直高度關注病情，薛父睇完騷後大讚女兒孝順乖巧。「其實我心瓣一直有事，有食開藥，醫生話最好做手術，等個女忙完，我就會做，唔使佢再擔心。」紅館騷順利完成，稍後父親會入院開刀， Fiona一次過放下兩顆心頭大石。
媽咪代拜神
首踏紅館舉行個唱， Fiona心情緊張。開騷前兩小時，演出團隊在後台拜神切燒豬，已是基督徒的 Fiona只祈禱，由媽咪代她燒香拜神。
完成儀式後， Fiona返回後台 set頭化妝，化妝間的大鏡上，貼滿當年助她捱過抑鬱症的三頭愛貓暖暖、 Tissue及 Panyo大頭相。
「我好想帶埋佢哋嚟，同我一齊過呢個重要時刻，但動物唔入得紅館，所以我 print晒啲相，當佢哋陪住我。」 Fiona說。
大哥 Panyo，細佬 Tissue同細妹暖暖，都是與 Fiona合作過舞台劇的梁祖堯送給她的，當時 Fiona患上抑鬱症，三隻愛貓陪伴她度過低落時期。
零食放滿枱上， Fiona只能吃雪梨及香蕉等醫肚，而力保健及寶礦力則助她補充體力，還點了香薰讓她鬆弛神經。
力保健補氣
為了 keep住瘦身形， Fiona開騷前禁食，只在彩排時吃了幾隻媽咪帶來的水餃及補氣湯水。「唔係佢（媽咪）親手包㗎！佢只係煮熟俾我食。之前 Thomas Chan（設計師）攞咗件衫俾我試，點知凸咗個肚腩仔出嚟，所以我今晚唔可以再食嘢。」
無飯落肚，但演出需要大量體力， Fiona唯有狂食蕉再加力保健頂肚餓。枱面上放滿的零食，全是 Fiona友人所送，她有得睇無得食，只好分發給工作人員。
開騷前半小時，身穿銀灰色西裝的薛父突然現身後台， Fiona見到父親開心到又攬又錫，不過當年與前夫意見不合而離婚的薛母，則閃離化妝間。薛父當晚搵朋友做伴，還做埋「龍友」，攞住相機不停為女兒拍照，完騷後，記者上前跟他傾了一陣。
Fiona化妝間又貓相又零食，還堆滿了果籃花籃。
薛父與友人在觀眾席研究鏡頭，準備幫女兒影靚相。
唔想個女擔心
壹：你俾囡囡幾多分？
父：一百分！
壹：你心臟有事， Fiona為你食齋？
父：係呀！佢好乖女，其實呢個病唔係近期嘅事，都有咗一段長時間。
壹：係咪要通波仔？有報導話 Fiona要為你籌醫藥費？
父：唔係通波仔，係心瓣出咗問題，我經濟無問題，一直有食藥，不過醫生話做手術最好，等 Fiona做完個騷，無咁忙嘅時候，我就會去做手術，唔想佢呢段時間擔心。
兩場處女騷， Fiona請來鄭秀文、陳奕迅、舊愛房祖名及方大同做嘉賓，房祖名在台上送長頸鹿，給一直被取笑「長頸」的 Fiona做禮物，在後台化妝間接受訪問時，他得戚地說：「我就係佢最佳禮物！成個人送俾佢，我專登喺北京飛返嚟兩日做佢嘉賓。」
大會拜神，薛母代女燒香及燒衣紙， Fiona合十祈禱。
尾場 Eason上台扮房祖名， Fiona還鬼馬地扯住 Eason眼角扮豆豉眼。
Fiona獻唱了《字花》、《小黑與我》及《給十年後的我》時眼濕濕（小圖），原因是歌詞道盡她失戀、患病及父母分開的迷惘心情。
陪玩天光
據知，對房祖名又愛又恨的 Fiona，最初邀請前度做嘉賓被拒，後經雙方身邊人幫口，房祖名才答應。
「我未試過咁樣做人嘉賓，覺得好奇怪，所以最初推咗；後來又覺得識咗 Fiona咁耐，好應該幫佢。」房祖名說。
送佛送到西，做完星期日（七月八日）尾場，房祖名去埋慶功宴，再陪 Fiona及工作人員去唱 K，玩天光！
去完慶功宴， Fiona與工作人員到尖沙咀夜店再狂歡，房祖名在凌晨二時許到達，齊齊玩天光。
三催四請先肯做嘉賓，房祖名在台上與 Fiona合唱八年前合作「撻着」的電影《早熟》主題曲《不知不覺》，房全程拖實舊愛， Fiona不停冧笑。
開胸 Sammi做首場嘉賓，與 Fiona合唱一曲《煞科》。據聞當年 Fiona患抑鬱症， Sammi以過來人身份勸她信主，彼此私下成為教友及好姊妹。
留言列表
{{ article.title }}
