Chilam响新劇入面要同付夢妮飾演情侶，當晚兩個 响外灘拍攝一場男 孭女 嘅浪漫鏡頭，靚靚居然冇留低上海監場，奇景！
同你吟一吟
袁詠儀睇漏眼
家陣個個港星北上拍劇，就連張智霖都唔例外，佢正身處上海為劇集《大叔，我愛你》開工。劇情講已經四十歲 嘅 Chilam，戀上十八歲少女付夢妮，展開一段忘年戀。
之前父親節，張太袁詠儀專登帶埋仔仔魔童到上海探班，一家三口一齊過節，但靚靚冇留低陪老公，兩母子玩 咗幾日就飛返香港。
一直有傳靚靚分分秒秒都會睇實 Chilam，今次佢咁放心話走就走，睇 嚟佢對今年二十三歲、歌唱比賽出身 嘅付夢妮完全冇戒心，但八珍聽聞有「萌版 Angelababy」之稱 嘅付夢妮，參加「快樂女聲」期間一直走純情玉女路線，成為電車男新女神，但之後俾人揭發又煙又酒喜愛夜蒲，佢索性唔做玉女做肉女，影過唔少胸圍底褲性感相，不過最大問題係付夢妮被傳過做小三，介入台灣藝人高山峰婚姻。信不信由你，最緊要係靚靚信得過 Chilam囉！
為 咗套劇染黑頭髮扮玉女，但付夢妮真人其實同香港班剝衫模冇分別！
父親節期間，靚靚帶埋魔童到上海探班，兩父子仲 响酒店房玩雜技。
唓！我使驚！（設計對白）
全站熱搜
留言列表
{{ article.title }}
