中信泰富前主席榮智健姪女榮文蔚，早前報警稱遭35歲公屋男模顧志雅（Don）盜用其信用卡，一個多月內狂碌五十八部iPad和一部攝影機。然而有指警方懷疑有人因發現顧志雅結識其他女子而報復，最終亦遭警方帶署問話，正保釋候查。

事件曝光後，網上即湧現大量顧志雅穿上三角褲的私密照片，有人更在微博留言數臭他，大爆其財色賤招，連名模姚書軼前男友曾朗鳴（Sunny）亦曾中招。

近日有網站轉載了榮文蔚與男模顧志雅外遊圖片，二人一起穿上黑色情侶裝，戴上黑超玩自拍。

名模Sunny：差啲領嘢！

網名「塵小姐」的Elsie在微博大爆顧志雅十一年前臭史，「佢開始時會同你稱兄道弟，跟手會話屋企死人冧樓問借錢……顧志雅你都有今日，善惡到頭終有報！」

Elsie提及名模姚書軼前男友曾朗鳴Sunny也是受害者之一，記者於是致電Sunny求證，他直認不諱說：「我只係差啲領嘢啫，冇借到錢畀佢（顧志雅），亦冇損失。已是十年前嘅事，記得有日佢突然打電話嚟問我借錢，話佢阿媽入咗養和醫院，要幾千蚊找數，叫我過畀佢先，我當時覺得好奇怪，入得養和，埋單點止幾千蚊？咁啱我嗰日冇帶提款卡喺身，第二日一早又去歐洲做嘢，最終一蚊都冇借到畀佢。」

被控以十八項欺騙罪的顧志雅上周出庭應訊，離開時見傳媒拍照，立即以手提電腦遮面，拔足而途。

借錢幾千無回頭

Sunny續說：「事隔一年，我同班模特兒朋友食飯，期間有人突然問起：『阿Don有冇問大家借過錢？』點知十個有九個都借過，但全部都係一借無回頭，大家即時醒晒啦。阿Don嗰時都叫有頭有面又有job做，一班朋友諗住幾千蚊啫，點會走數呀？加上大家又有口德，唔係嗰次飯局，有個朋友好火滾咁講起，大家都唔知。阿Don好醒o架，每次借錢，數目都係幾千蚊，等你負擔到，又唔好意思拒絕佢。不過，次次都屋企人有病，好似全家都患晒絕症咁。有次佢又同朋友講去旅行，又問人借部DV cam，最終亦冇還到。」

Sunny

網上流傳不少顧志雅在台灣工作的照片，身高185cm的他高大健碩，拍照時更情不自禁摸雀。

顧志雅報稱職業模特兒，在其模特兒網站可找到其資料及照片。他的心願是希望成為藝人拍劇。