國台扮 趙薇、周迅兩位國產名旦响新戲《畫皮Ⅱ》入面，戲內爭仔、戲外爭排位踢櫈幾乎大打出手，令電影未上畫已經夠晒話題性。
鐵定6月28日全國公演，電影公司到而家都唔肯公布故事內容，只係話同上集《畫皮》內容完全無關，唯一冇變，周迅繼續飾演狐妖「小唯」，繼續同趙薇、陳坤發展糾纏不清三角關係。
上集周迅剝皮一幕成為戲中亮點，今集輪到趙薇發威，靠水中全裸製造話題，繼續同仇家周迅鬥生鬥死。

幾乎毀容
《畫皮Ⅱ》入面，趙薇扮演武功高強嘅「靖公主」，細細個因意外令右邊面毀容，所以性格相當自卑。後來佢愛上飾演「霍心」嘅陳坤，因對方拒愛，趙薇以為自己生得醜有關，其實係陳坤唔敢高攀一國公主。
失戀趙薇後來遇上飾演狐妖「小唯」嘅周迅，決定同佢換皮，希望換個靚樣可以令陳坤對佢死心塌地，點知周迅從中搞搞震，卒之搞出三角戀。
劇情需要，趙薇每日開工都要戴住金色面罩遮住疤痕，初期面罩用鋁合金製造，再用膠水黐上面，兩三日之後，趙薇塊面開始出現敏感、出紅點，隻眼腫到擘唔大要停工，唔想趙薇真毀容，於是劇組走去訂造純金面罩， 棄膠水，面罩改用髮夾固定位置，塊面唔使再受苦。

 
兩大名旦傳出踢櫈不和消息，於是响化妝間排排坐扮好姊妹粉碎傳聞，其實佢哋戲中仲會半裸浸浴，真係交戲交少啲，都好難拍落去。

日服捱轟
不過趙薇毀容並唔係重點，反而佢做咗人阿媽，居然肯拍水中全裸鏡頭，就算三點不露，外界起碼Like評如潮，焦點攞滿分。反而今集嘅周迅，剝皮唔再係新鮮事，造型打扮就算比上一集更加華麗高貴，但由於多套戲服同髮型激似日本藝伎，周迅一時間被「愛國分子」鬧佢點解扮日本人。記得當年趙薇嘅日本軍服事件，只係幫時裝雜誌影相，都搞到俾人淋屎，周迅呢身造型，電影公司解釋靈感同設計來自「中國風」，但我睇嚟睇去都唔覺囉！ ####


 


趙薇全裸水中戲，成為《畫皮Ⅱ》焦點，風頭終於蓋過上集靠剝皮出位嘅周迅。


因為趙薇有金屬敏感，所以劇組改用純金幫佢做面具遮住面上疤痕，聽聞個純金面具有二兩重。


為咗扮狐妖，周迅花咗唔少時間做特技化妝，效果真係幾嚇人。


俾人鬧造型似㗎妹，好老實，周迅呢個look，我真係諗起《藝伎回憶錄》。

《畫皮Ⅱ》首發正式預告趙薇造型魅惑人妖難辨 (轉優酷網)

arrow
arrow
    全站熱搜
    創作者介紹
    創作者 stinglife 的頭像
    stinglife

    娛樂八掛大放送★

    stacylife 發表在 痞客邦 留言(0) 人氣()

    E-mail轉寄