水袋嚟嘅！（設計對白）
識穿咗添！（設計對白）
娛圈風化案接二連三，無綫新劇《法網追擊》食住上，由森美負責做鹹豬手，當街胸襲陳敏之。去年在《怒火街頭》做雞做到攞埋女配角獎的陳敏之，今次「重操故業」，兼且重遊舊地深水埗，可謂手到拿來；但處男下海拍劇的森美，一邊做鹹豬手一邊驚俾老婆鬧，全程硬晒軚。

驚到縮
一NG，監製文偉鴻教路，叫森美放膽啲，陳敏之索性捉實森美隻手唔放，要佢keep住擺喺其胸上warm up，森美驚爆：「點同我老婆交代呀！」

公園阿伯當真
去年大病，現時仍要定期到公立醫院做檢查的陳敏之，埋位開工依然搏到盡，劇中飾演女警要喪跑捉賊，又要扮「鳳姐」放蛇，撩森美揸胸。拍攝當日，深水埗街頭人來人往，仲有公園阿伯到實，負責做鹹豬手的森美表現尷尬，要勞煩陳敏之幫手帶入戲，連NG完都唔俾森美隻手離開，要他繼續摸住，真係大犧牲。拍摸胸戲，陳敏之用盡丹田當街大嗌：「非禮呀，非禮呀！」原本埋頭在涼亭捉棋的公園阿伯，當堂嚇親當係真，得知原來只是拍戲，被打擾的阿伯發晒爛渣：「挑，嗌乜非禮呀，嘈生晒！」鬧還鬧，見到四十二吋長腿陳敏之背心短褲誘惑街坊，阿伯同一班麻甩紛紛圍埋勁，有人更趁她𠌥低身睇play back漏事業線，攞住手機狂影。

森美怕老婆嬲
扮鹹豬手的森美前後摸了二十幾take，特登落場督工的監製文偉鴻才肯收貨。問森美胸襲感受，他口花花說：「唔摸唔知佢（陳敏之）係禾稈冚水袋！呢啲場口擺明監製益我啦，一take過咪好嘥！監製，幾時加場床戲再益吓我呀！」被森美爆僭建，陳敏之反駁：「我係堅料無整過㗎！今日為咗扮雞，用咗nude bra托大半cup，等你好揸啲咋！」可以過手癮，森美原本接令要「揸正嚟做」，但他卻有所顧忌。「前一晚同森美商量過，究竟佢隻手應該擺喺敏之邊個位，係上半吋還是下半吋，咁緊張擺得正唔正，並唔係怕敏之介意，而係森美要同老婆交代。」被監製即場踢爆怕老婆，森美以笑遮尷尬。為報答陳敏之讓他摸胸廿次，森美大賣口乖。「我唔係咩花旦都肯拍，我好揀擇㗎！要靚又要型，見對手係身材均勻嘅陳敏之，我先肯接㗎！」

連環風化
近期娛圈連環爆出風化事件，繼傳出梁烈唯非禮關詠珊，早前又有單廿三歲無綫女藝員報警，聲稱在錄音室遭非禮，音樂人李銘豪（右圖右二）涉嫌捲入該案。 ####  


事業線暴晒為扮身材惹火的妓女，陳敏之上圍加墊升半cup，營造33C事業線。


2012《法網》金雞陳敏之以背心短褲上陣，為新劇《法網追擊》再扮妓女，其長腿依然苗條。


患腎炎康復的陳敏之，早前去公立醫院做抽血檢查，開工時時又帶住廿幾粒保健藥品狂啪。


2011《怒火》金雞前年在《怒火街頭》首次演妓女，一晒四十二吋長美腿，引來網民宅男激讚。



arrow
arrow
    全站熱搜
    創作者介紹
    創作者 stinglife 的頭像
    stinglife

    娛樂八掛大放送★

    stacylife 發表在 痞客邦 留言(0) 人氣()

    E-mail轉寄