Maggie轉行做鞋sale，聽講佢手上儲咗班熟客，唔憂交唔到數。
曾幾何時，英皇旗下小花鼎盛，但時至今日部分已經各散東面，包括嫁咗人嘅何嘉莉、葉佩雯，至於2000年成立嘅3T，除咗Yumiko捱到今時今日，Mandy蔣雅文，早年去咗台灣做設計師，另一位以前經常有機會陪住老闆楊受成出席大小場合嘅Maggie劉思惠，同樣已經脫離娛樂圈。

 
當年有翻版王菲之稱嘅Maggie，05年已經同英皇解約，之後同朋友夾份响尖沙咀利時開時裝店賣日本水貨，不過生意麻麻，冇耐就執笠。近呢兩年，Maggie決定做番打工仔，响中環置地廣場一間高級鞋店做sale。話晒都做過星，八珍聽班闊太講，佢專門服侍圈中人同熟客，生面口客人入到嚟，聽講Maggie連眼尾都唔會望。係㗎，幾白鴿眼！ ####

 


只會招呼熟客嘅Maggie，踎低湊客鞋盒入袋全程一腳踢。


Maggie當年非常得寵，去到邊都有楊受成傍住，但無助佢事業發展。



arrow
arrow
    全站熱搜

    stacylife 發表在 痞客邦 留言(0) 人氣()

    E-mail轉寄