年屆四十六歲的吳君如，自○六年為陳可辛誕下女兒陳是知後，曾坦言為了「再造人計劃」，一直不設防，可惜經過多番努力，加上她和陳可辛工作排得密麻麻，至今亦未有起色。

最近正忙於宣傳賀歲片的她，再被問及追生孩子時，雖然表示自己年紀大，生BB有難度，但據知情者表示，曾想過放棄再生的她，經過多位懷着龍B的圈中好友鼓勵下，令她也想趕及在今年內造人，近日更密密光顧中西醫，為懷孕前調理身子，看來小是知應該好快會多個細佬或妹妹！

君如和陳可辛的女兒是知，已五歲，多年來，兩人均希望為她多添弟弟或妹妹。

在登記處等取藥物時，君如不期然流露出一臉愁容，似在擔心甚麼。

無病求診

早前一個下午，吳君如完成當日工作後，便獨個兒乘保母車往沙田光顧好友曾華倩胞兄曾華廣所開設的診所。

當日看來精神奕奕的君如，在登記櫃台前登記完畢，便在診所內四處踱步，又坐在角落位對着牆上的鏡子整理頭髮、把玩電話，完全不似有病在身。

據一位知情者表示，最近她只要有空，便會光顧不同醫生，主要目的不是診症，而是為「再造人」調理身子。「君如同Peter（陳可辛）都好鍾意細路仔，佢哋生咗是知後，都好想有第二個，等囡囡有個伴，唔使咁悶。本來君如最想喺四十五歲前生，但佢同Peter都咁忙，成日都見唔到面，就算幾年嚟不設防，都冇乜動靜。」

為再生育調理身子，君如近日光顧不同醫生，包括了老友曾華倩的胞兄曾華廣。

曾經放棄

而事實上，君如在○六年四十歲時誕下女兒陳是知後，已不時對外表示想要第二胎，雖然幾年來屢傳懷孕，但全屬空歡喜一場。直至二○一○年中，君如更特意推掉兩部電影、暫停所有工作，三個月專心「造人」，當時她說：「我以依家呢個年紀（四十五歲）挑戰生BB，實在有難度，今次可以話係盡地一煲，如果呢三個月都冇成績、唔成功，就收工喇！」可惜三個月後，始終也未能成事，令她和陳可辛感到心灰意冷。

「佢哋嗰陣真係好沮喪，已經諗住放棄再生，但係外界仲成日問佢生多個嘅問題，搞到佢成日都同好朋友講，呢啲感受有苦自己知。」

等取藥期間，君如看着牆上的育嬰單張看得十分入神。