在《搜下留情》扮鵪鶉妹，成宅男女神外，更跟羅仲謙傳出緋聞。

巴辣新寵

憑「鵪鶉妹」彈出的宅男女神黃智雯，近日在無綫電視劇《缺宅男女》做巴辣關二嫂（梁烈唯老婆）惡到出汁，雖然演技有人認同，但亦有觀眾留言鬧餐飽，為免流失宅男粉絲，女神再度出擊，繼早前著低胸喱士裙做鳳姐sell身材後，今次著埋泳衣騷40吋長腿，搞到同場對手高鈞賢都忍唔住又摸又按摩。

做好準備
最近正為電視劇《女警愛作戰》開工的《缺宅》巴渣二嫂黃智雯，日前抵冷與高鈞賢拍落水戲，全晚大部分時間浸在暖水泳池中，首次在熒幕著泳衣的黃智雯，凍到騰騰震，就算唔使埋位，都唔肯上水，寧願留在暖水池中不斷狂跳暖身，劇中與她是一對的高鈞賢，則喪游保持體溫。「Mandy（黃智雯）為咗呢場戲，特登一個月前去咗曬燈，將皮膚曬黑，感覺會健康啲，之後又自己請健身教練操肌肉，佢驚自己身形唔夠firm，又有bye bye肉，所以要練靚個身形。」知情者說。拍完三個鐘頭水中戲，劇情接住再講黃智雯大腿抽筋，高鈞賢英雄救美幫她按摩，要濕住身拍，二人雖然凍到硬晒，高鈞賢甚至凍到三魂唔見七魄，導演嗌cut叫停，他依然冇停手，繼續按。


拍《女警愛作戰》，黃智雯跟高鈞賢有游水戲，大騷40吋長腿的她，在劇中更被高鈞賢又摸又按。


拍游水戲當晚只得十幾度，未叫埋位，黃智雯跟高鈞賢一直浸在暖水池取暖。

趕收工
「大家都著住泳衣，唔想掂到對方唔應該掂嘅部位，所以roll機前後，我哋都不停咁試戲，總之要拍得安心！（事先有冇同翠翠報定案？）呢啲係工作，唔使講嘅。」高鈞賢說。至於首次著泳衣上鏡的黃智雯，則說當晚只想盡快收工：「我哋都係想快啲收工，嗰晚真係好凍，我一直都唔上水，因為一上水就凍到頭痛，所以試好位就即刻拍，Matthew（高鈞賢）知道我唔舒服，所以都係想快快手搞掂。」

靠辣出位
現年27歲的黃智雯（Mandy），演藝學院舞蹈系畢業，07年參選港姐加入無綫，曾演出《東山飄雨西關晴》、《巴不得爸爸》等多齣劇集，前年憑劇集《搜下留情》鵪鶉妹一角彈出，與樂瞳、糖妹（黃山怡）等齊齊成為高登女神。在新劇《缺宅男女》演大肚婆，潑辣關二嫂大受師奶歡迎，無綫更特別為她補拍宣傳片，催谷收視。 ####

 
憑巴辣關二嫂人氣勁升的黃智雯，日前拖住梁烈唯行年宵，即被檔主「圍攻」叫買嘢，搶爆鏡。（《蘋果日報》圖片）

 

 

 


早前因人氣升被揭爺爺係演藝學院校長，事後黃智雯否認其事，只表示家姐是補習天后，媽咪開化妝品店。


入行四年多，黃智雯已經有份角逐去年度「飛躍女藝人」一獎，不過最後輸給同是港姐出身的馬賽。


宅男女神在《搜下留情》扮鵪鶉妹，成宅男女神外，更跟羅仲謙傳出緋聞。

 
楊怡接班人在《潛行狙擊》做臥底扮鳳姐，演技被大讚，更視為楊怡接班人。


打得好在《缺宅男女》演出，就連在劇中被老公梁烈唯摑一巴，都有網民大讚做得好。


索差婆新劇《女警愛作戰》雖然扮差婆，但有機會著泳衣騷40吋長腿，繼續留宅男粉絲。

arrow
arrow
    全站熱搜
    創作者介紹
    創作者 stinglife 的頭像
    stinglife

    娛樂八掛大放送★

    stacylife 發表在 痞客邦 留言(0) 人氣()

    E-mail轉寄