嗰晚天寒地凍，千嬅十一點未夠就起身走人。有啲腳腫嘅佢，出到紅館仲要揸實隻手保暖。丁生，做乜唔攬實老婆呀？

話咁快，又一年！媽咪姐喺呢度祝各位新一年賺多啲靚多啲開心多啲！係呀，做人千祈咪貪心，每樣都有啲，已經係幾生修來嘅福份。你睇我哋嘅樂壇天后楊千嬅同陳慧琳都話，依家乜都唔重要，佗到BB已經係天賜嘅最好禮物！

 
其實呢，做媽咪真係非一般偉大㗎。好似平日跳跳紮、鍾意出去同朋友仔飲番杯嘅丁太，依家要安坐（甚至瞓）喺家中養胎，偶然先可以同老公仔去紅館睇場騷，仲要明明十一點半先散場，佢十一點未夠已經要返屋企唞！又好似劉太陳慧琳咁，出晒名勁貪靚，唔俾自己有半點肥肉，但為咗佗B，就勇往直前！生完蝦餃仔劉昇無耐，再佗孖女。好唔好彩，今年三月孖女胎死腹中，但Kelly唔放棄，依家又佗B五個月嘞！面尖尖嘅佢，開始有啲水腫，一向fit爆嘅天后，即刻要諗計遮一遮。不過，迎接新生命嘅來臨，點計都係開心事！媽咪姐希望依家喺美國安胎嘅思琦妹，都可以得到真正嘅幸福㗎。各位準媽媽，加油呀！

變髮術
星期三（28日），Kelly大住個肚去尖沙嘴福臨門拍《May姐有請》，抵冷都要着番條單膊裙，但手腳同塊面腫腫哋。所以，劉太特登攞啲頭髮遮住兩邊面，仲全程無撥開過，果然係貪靚到暈！ ####

 


星期五晚（23日），丁氏伉儷拍住拖去睇城城演唱會，以勁歌熱舞做胎教！但佢哋全程齋坐無起身嗌吓，佗住丁家血脈喎！要乖啲。


始終係37歲嘅高齡孕婦，千嬅一上車，疲態畢現，難怪佢要請長假安胎。


城城胎教丁太，你真識貨！（設計對白）


馮美基見到劉太，即刻讚佢靚，仲話：「我個肚腩仲大過你啦！」到Kelly鬼咁開心。


39歲嘅Kelly，自知胎不可失，訪問前都特登飲成大杯水，非常滋陰。

arrow
arrow
    全站熱搜
    創作者介紹
    創作者 stinglife 的頭像
    stinglife

    娛樂八掛大放送★

    stacylife 發表在 痞客邦 留言(0) 人氣()

    E-mail轉寄