終於嫁得出!﹙設計對白﹚湯盈盈近日被指兩年前拍攝《天與地》涉嫌停牌期間違例駕車, 但待嫁新娘的心情完全無受影響。只是忙辦嫁妝而失策地無剃乾淨腋毛。

46歲錢嘉樂同36歲湯盈盈拍拖四年,中間夾着個拍拖八年已達談婚論嫁的前度李珊珊,「樂盈戀」離離合合,終於修成正果,定於明年五月結婚。盈盈父母和外婆,亦專程從加拿大返港,洽談女兒的終身大事。湯父提及未來女婿,即流晒口水激讚:「好好!好滿意!」默認女兒的婚事。湯盈盈笑談婚期之際,錢嘉樂前女友李珊珊亦在微博晒新戀情示威,為舊愛婚訊贈興。

 
錢嘉樂、湯盈盈已定於明年五月結婚,一直恨飲女婿茶的湯盈盈父母及外婆,原來十二月中特意由加拿大返港,商討湯盈盈終身大事。據知來港當日,未來女婿錢嘉樂充當柴可夫司機去接機,即晚準女婿更安排飯局,與未來外父外母商討婚事。婚嫁飯局中,還有錢嘉樂的兄長錢小豪出席,不過素來搞笑的錢嘉樂,竟在飯局突然變拘謹,既怕醜又內斂,反而由湯盈盈講笑緩和氣氛。


知情者話︰「婚禮細節仲未傾,但禮金就有共識,有七位數字。女方家長好易話為,好多嘢都交俾新人決定。其實盈盈父母成日都催個女結婚,依家可以了結心事。佢哋好多親戚都唔喺香港,香港呢邊一切從簡。不過盈盈父母喺加拿大有四間餐館,人面好廣,所以會返加拿大再擺酒。」上周四,湯父同盈盈婆婆外出飲茶,本刊向湯父求證婚事。對於未來女婿是否滿意,湯父笑嘻嘻:「好好,好滿意。(明年結婚搞成點,禮金傾好未?)唔知,佢哋後生決定啦!」樂樂盈盈終於修成正果,可喜可賀,但四年間感情曾反反覆覆。錢嘉樂過往戀人如李麗珍、關秀媚和李珊珊,都是大方承認,唯獨對湯盈盈多年來卻不肯給予名份,但湯盈盈一直不離不棄,就算錢跟李珊珊關係欲斷難斷,她仍然啞忍。拉扯多年,去年九月,湯盈盈終於心灰意冷,以進修戲劇為由,與錢嘉樂分手,避走美國治情傷,其好友透露:「佢哋分開咗先發覺最愛對方,三個月後盈盈返嚟,大家先知道要珍惜對方。依家佢哋成日連體嬰出現,以前嘉樂喺朋友面前,唔會同盈盈做啲親密動作㗎。」

今年12月重返愛巢
家住北角寶馬山的湯盈盈,現已進駐錢嘉樂的西貢匡湖居寓所, 自出自入,座駕則泊樓下,儼如女主人。

認可女友名份
今年五月,錢嘉樂被指在吉隆坡跟短裙索女行得好埋,事後,向來只稱湯盈盈為朋友的他,亦緊張解畫:「一睇就知單嘢流啦,邊有新女!(即係仲係同湯盈盈?)仲係呀,我講到咁白仲唔放過我?」而湯盈盈亦表現百分百信任未來老公:「我哋一路都好好,無打風又無落雨。」十月,錢嘉樂到上海參加慈善賽車比賽,與李珊珊同場之餘,更雙雙奪得男女子組冠軍,但錢嘉樂刻意跟前度保持距離,全程無交流,明顯要向湯盈盈派定心丸。被問到婚事,湯盈盈禁不住喜悅心情:「係五月呀……不過唔知幾時嘅五月之嘛!(錢嘉樂求咗婚啦!)我都未向佢求婚,哈哈哈。(父母嚟香港傾婚事?)佢哋嚟香港過節啫。(雙方父母食飯見面?)日日都有食飯㗎喎,睇吓同邊個!」湯盈盈笑談結婚的同時,李珊珊亦不忘在微博出招,明示有新歡,隔日就將男友燭光晚餐、送禮物及十指緊扣同眠相放上網,鬥晒幸福,似要向舊愛示威。

湯父大讚
湯母陪盈盈開工,湯父則同外母到北角嘆茶。一提準女婿錢嘉樂,湯父笑到見牙唔見眼, 不停大讚。

李珊珊微博晒新戀情
李珊珊當年狠撇錢嘉樂,之後堅決表示沒有復合機會, 剖白會當他如家人般永遠愛錫和支持。之不過「樂盈戀」好事近,李珊珊近日卻突然在微博高調晒新戀情。

分分合合
湯盈盈、錢嘉樂一起四年,有傳錢嘉樂不捨舊愛李珊珊,搞到關係亂晒龍。今年尾「盈樂戀」終於轉入直路,並計劃明年五月結婚。

07年獎門人撻着
錢嘉樂06年中遭拍拖八年的李珊珊狠撇,而湯盈盈亦自06年跟富商男友分手。兩人回復單身,07年尾到台灣拍攝《獎門人》時撻着。08年被本刊踢爆,湯盈盈夜訪錢嘉樂的西貢匡湖居寓所,戀情正式曝光。

09年好友爆分手
09年4月錢嘉樂買粥探生病中的李珊珊,有傳錢嘉樂不滿女友湯盈盈四處放電而提出分手。同年10月錢被拍到與李珊珊結伴出席成都慈善賽車時,眉來眼去,三角關係一直拉扯中。

去年12月翻撻
去年7月湯盈盈的生日會上,身為男友的錢嘉樂竟然無影,出席的江欣燕爆響口話二人已分手。兩個月後,湯盈盈遠走美國治情傷。三個月後,湯盈盈返港主動以湯水絕招,成功搶回男友。 ####

 


感情愈見穩定,今年一月錢嘉樂(左下)帶埋女友湯盈盈(左二)出席洪金寶生日飯局,湯母(左一)亦一起出席,實行一家親。


湯父母本月從加拿大返港傾女兒的婚事,湯盈盈開工,湯母亦陪伴左右,爭取時間見面。


錢嘉樂、湯盈盈相識多年,各自重回單身後,07年到台灣拍攝《獎門人》而撻着。


一直長居加拿大的外婆,亦因為緊張外孫女的婚事,特地來港見孫女婿。


好好!好滿意!﹙真實對白﹚


我要活得比你好!﹙設計對白﹚


收窩心禮物


為表現再見亦是朋友,09年李珊珊和錢嘉樂大方出席活動,中間還隔着當時的緋聞男友馬漢華,但李珊珊目光一直注視着錢嘉樂。態度曖昧,關係糾纏不清。


與男友同眠

arrow
arrow
    全站熱搜
    創作者介紹
    創作者 stinglife 的頭像
    stinglife

    娛樂八掛大放送★

    stacylife 發表在 痞客邦 留言(0) 人氣()