跟密友唐貝詩（Lydia）爆出斷背情的模鍾采羲（Iris），出道以來力sell天然35E驕人上圍，早前更公開寸爆死敵何佩瑜（Jeana）由頭到腳都係僭建，字字珠璣，又講明自己唔會整容。不過，有口話人冇口話自己的Iris，除了近日自爆後天加工「人造酒凹」，本刊找來幾張她入行前的照片，發現原來早於3年前，她已照住正版超蓮靚樣進行大執工程。Jeana對於死敵比自己更早變臉，寸爆回應：「整完唔認係咪手術失敗，我介紹個整容醫生俾佢，不過唔會俾折佢喎。」

11年執上癮
爆E超蓮每次被追問有否整容時，她都氣定神閒說自己真材實料，更多次轉移視線指死敵Jeana五官才愈執愈靚，但記者發現早前爆E超蓮出席活動時，五官愈執愈精緻，鼻樑上升、鼻翼收窄，尖下巴更插得死人。


現年24歲的鍾采羲（Iris），自三年前由英國回流後，即豪拋天然巨胸加入模行列，憑有錢家底及複製何家千金靚樣，獲得「爆E超蓮」稱號。今年七月書展期間，她以傳媒有知情權為由，力數死敵Jeana醜女大翻身。想不到近日輪到自己自打嘴巴，動手術加製酒凹。


寸嘴Jeana平時寸人唔使本，之前遭爆E超蓮狂砌是整容人，新仇舊恨，當Jeana睇過死敵的改造前後相後，隨即發炮狂轟說：「呢啲咪肉酸囉，我隆胸都會認啦，啲人整咗唔認咪out囉！」

全臉改造
過去力撐靚樣、身材純屬天然的Iris，手術後接受訪問時曾說：「次次提起個酒凹，就好似俾人話我換面，其實整酒凹都唔算係整，如果五官嘅話，我會等下世先囉。因為接受唔到人哋指指點點。」爆E超蓮整容唔使等下一世，本刊發現她早年在英國留學期間，原屬單眼皮、扁鼻樑，跟出道後的大眼、間尺鼻、心形嘴、sweet到漏酒凹有很大分別，五官幾乎面目全非，變臉程度跟死敵Jeana不相伯仲。

10年倒模超蓮
三年間，鍾采羲忽然開眼，由單眼皮變雙眼皮，包包面變瓜子臉，倒模超蓮大致完成。今年，她更加整埋酒凹（小圖），與本身亦有酒凹的超蓮十足孖生姊妹。

Jeana:佢好out
據知出身富貴的她，一向對自己樣貌唔滿意，據其身邊人透露：「Iris份人好貪靚，成日覺得自己雖然天生身材好，不過就嫌對眼細唔夠靚，讀書時已經戴晒假睫毛、大眼仔返學，佢諗住返嚟香港做model，所以索性把心一橫，整好晒先入行見人。」早前被爆E超蓮追住打兼句句踩到盡的Jeana，近日索性簽約整形公司，做埋隆胸代言人。對於「好姊妹」原來亦是同道中人，Jeana睇過對方改造前後的相片後，先冷笑一聲，繼而再寸爆Iris：「有口話人冇口話自己，整容依家係一個潮流，整完唔認咪仲out。佢唔認係咪因為整容失敗，我可以介紹佢去我代言嗰間嘅整容醫生俾佢，手勢唔錯㗎，不過冇諗過俾折佢喎。」搵到位反擊，梗係要踩盡啲！

斷背錫嘴
早前，本刊拍得爆E超蓮與金蘭姊妹唐貝詩夜蒲蘭桂坊，二人更情不自禁在酒吧內狂咀，傳出斷背情。爆E超蓮自製酒凹，唐亦讚她靚。

富貴模
Iris有別於一般賣肉為脫貧的模，有個從事金融業父親的她，家住市值逾億的淺水灣獨立屋，曾就讀英國London College of Fashion，跟不少當地升學的富二代如賭王千金何超盈混熟，當中跟唐貝詩更friend到疑似斷背。有錢、有身材的她，入行全為興趣，賺錢買bra戴。 ####


08年包面大細超
爆E超蓮鍾采羲三年前從英國返港加入模大軍，08年未進行改造的她，雙眼即使戴上大眼仔兼黐上眼睫毛，仍難掩單眼皮及大細超，加上一塊包包面，當時在模界中並不起眼。


09年面變尖
記者在爆E超蓮私相簿中發現一張她揸住煙托頭扮憂鬱的照片，當時其面形已開始變尖，腮骨亦冇早年般凸出。


呢啲咪肉酸囉！(真實對白)


老翻


正版


《壹週刊》圖片


Iris　何超盈《壹週刊》圖片

arrow
arrow
    全站熱搜
    創作者介紹
    創作者 stinglife 的頭像
    stinglife

    娛樂八掛大放送★

    stacylife 發表在 痞客邦 留言(0) 人氣()

    E-mail轉寄