我咁靚仔，點解會甩頭髮？（設計想髮）

無論喺香港定北上，許冠文大部分時間獨來獨往。早排《壹》仔响中環見佢老人家自由行，去完置地廣場，再walk入娛樂行。入鋪頭睇完紅酒，許冠文戴番副眼鏡睇真啲，之後再兜路閃，避開《壹》仔。許冠文對眼精靈，八珍亦都心水清，留意到佢當日前額頭髮，比平日上鏡見人稀疏得多，數數手指，其實許冠文已經六十九歲，能夠保持到呢個數量，都唔使專登戴假髮充撐場面。

 
許冠文keep得唔錯，反而佢姪仔許懷谷就未老先衰。MC Jin歐陽靖喺中環拍MV，其中一位攝影師係許懷谷，得33歲，已經出現M字額，仲因為頭髮太稀疏，要電爆炸頭，企圖令視覺上可以茂盛啲。為咗頭上一片天，兩個各施髮術，究竟點樣play hard play work hard又有頭髮，係咪要請教吓任達華呢！ ####

 


許冠文出街，以基本髮見人，但上個月出席周美鳳响有線做主持嘅清談節目，就點都要响前額做手腳。


知道俾人跟住影相，許冠文只係有時間戴番副眼鏡，方便睇真啲《壹》仔响邊，至於頭頂嘅假髮，八珍估計應該冇攞出街。


幫歐陽靖拍MV，許懷谷現M字額，就算電咗爆炸頭，頭頂位置依然好通透。


曾幾何時，許懷谷都擁有過一頭濃髮。

arrow
arrow
    全站熱搜

    stacylife 發表在 痞客邦 留言(0) 人氣()

    E-mail轉寄