感同身受
隋棠成為「國民人妻」典範，形象入晒屋，廣告搵錢機會浪接浪，相反，飾演背妻偷食 嘅溫昇豪，由於做得太賤格，搞到損失 500萬台幣廣告合約，仲成日俾人鬧賤男人、負心漢，證明觀眾真係睇得好投入。
收視最高，俾人狂鬧 嘅其中一場戲，係講隋棠撞車入院，溫昇豪居然攞住份離婚協議書去醫院，叫隋棠即刻簽，嘩！咁冇人性都做得出，呢 啲橋老土得 嚟又到肉，唔怪之得觀眾邊睇邊鬧。
劇中名模演員仲有蔡淑臻，知道舊情人兼同事溫昇豪背妻偷食，決定助隋棠趕走狐狸精朱芯儀，仲約對方上天台鬧交，最後反被朱芯儀陷害，幫人冇好報！
四角關係
劇情講佔有慾強 嘅朱芯儀從美國返台灣，寄居表姐隋棠、溫昇豪家中，最後同表姐夫日久生情，搞到兩夫婦離婚，遭逢家變 嘅隋棠，得到好友宥勝鼓勵積極做人，點知宥勝竟然鍾意 咗隋棠。家陣劇迷希望佢兩個可以得到幸福將來，唔想睇到兩公婆和好如初 嘅 happy ending。
《犀利人妻》經典對白
故事有共鳴，加上估你唔到 嘅對白，令《犀利》收視愈 嚟愈犀利。
•不能消滅狐狸精的女人，不是好女人；不能保護老公的人妻，不是好人妻。
•人妻最怕撞三件事，撞車、撞鬼、撞小三（台灣語解：第三者）。
•妳是不是捨不得吃、捨不得穿、捨不得花錢作臉（台灣語解：做 facial）？我勸妳，女生還是對自己好一點，一旦妳累垮了就會有別的女人去住妳的房子、花妳的錢、打妳的小孩、睡妳的老公。
•其實我一點都不恨你，因為我根本不是第三者，在愛情的世界裡不被愛的那個才是第三者。
•你說你不是個隨便的人，沒想到你隨便起來，根本就不是人。
『犀利人妻』插曲-郁可唯-指望
全站熱搜
留言列表
{{ article.title }}
