御用 stylist Titi Kwan同化妝師阿 Zing，為老友王菲專登重新打造 5套服裝及眼妝，其中以呢一款飄逸女神贏盡掌聲，而王菲當晚亦 high到不斷撥起裙襬。
全球監控
夜鬼童童迷上網　王菲微博執女
2011年03月09日
神級天后王菲上年復出巡唱賺人仔，上週五（ 4日）終來港開騷慰粉絲。雖然移師到赤臘角嘅亞洲國際博覽館，一貫「三冇作風」（冇握手、冇嘉賓同冇 encore）之下，就算最貴門票盛惠$980，一樣 5場全爆。
天后靚媽來港掘金， 14歲囡囡竇靖童偏偏野性難馴，趁後父李亞鵬同阿媽王菲唔喺身邊冇王管，實行晚晚上網玩微博。撞正微博精王菲，童童在週日晚（ 6日）被靚媽「人贓並獲」訓話：「還不碎（睡）覺？明天不上學啦？」原來微博除咗係潮人玩意，仲係潮媽嘅 CCTV（閉路電視）﹗
自上年 10月 29日展開《王菲巡唱 2010》起，王菲南征北討吸金，由北京、上海唱到今年 1月底嘅台北，終於駕臨香港。
哎吔爸爸同菲媽喺香港，山高皇帝遠管唔到， 14歲童童同時下年青人一樣鍾意通宵上網玩電腦，仲繼續玩微博戶口「 Jingers」。雖然阿媽喺香港掹唔到電線制止，但潮媽識得微博遙遠「聲控」，夠醒喎！ 
22:39 
22:44 
22:44

童童唱 Justin Bieber
盡得媽咪真傳嘅童童，表演慾愈來愈強，除咗有興趣組 band玩打鼓，近日仲操曲練歌參加學校嘅歌唱比賽。佢係微博度問大家應該揀外國 o靚界歌手 Justin Bieber定 Cody Simpson嘅歌參賽之餘，仲大呻練歌練到聲啞。


童童音樂口味聽慣外國歌，仲鍾情 o靚界偶像 Justin Bieber（右圖）同 Cody Simpson！

港騷豪畀你
王菲在港成仙，當然感恩圖報。香港站個唱不但額外加開 2場，更加插十首經典廣東歌（如〈約定〉、〈償還〉、〈給自己的情書〉等）之餘，仲重新打造 5套髮型服飾，夠晒皇恩浩蕩﹗最緊要緊貼民情，本港門票最貴僅售$980港紙，相比同樣位置，內地索價則近$3,000人仔，天后同財爺齊齊鬥豪﹗


北京站王菲着住長褲背向觀眾向 live band鞠躬，然後用紅色喇叭仔唱〈開到荼靡〉，估唔到嚟到香港着住短褲嘅佢一樣跟到足，變相晒 pat兼露襪頭，夠晒香艷。


開場以「冬」為主題，上年喺北京站 Titi Kwan用小童芭蕾舞襪設計嘅帽成為話題，今次喺香港就改咗以水晶蜘蛛網頭罩上陣，各有各精采！
「圍脖精」母女


準時八點十五分開場，李亞鵬在王菲經理人陳家瑛（右）陪伴下準時進場撐太座，兩公婆唔喺北京，難怪童童變甩繩馬騮啦！

另方面，同時中晒微博毒嘅王菲，以「 veggieg」之名大講家事私事閒事，早前連內地「微博女王」姚晨都踢爆話：「 Zing（王菲御用化妝師）向我們控訴：『我快瘋了，整個換妝時間就 30秒，阿菲竟然還能插空發微博﹗』」
有其母必有其女，之前被本刊影到變 TB四眼波牛嘅童童，最近竟刻意扮靚，轉戴隱形眼鏡，在微博上載靚女相。在北京讀國際學校嘅童童，見媽咪同後父遠在香港開騷理唔到，大膽到週日（ 6日）近 12點仲上網玩微博，仲留言：「 YouTube！！！！！終於等到這一天啦！！」即時被當晚開完騷嘅王菲捉到正：「還不碎（睡）覺？明天不上學啦？」仲引嚟塘邊鶴多嘴笑：「老娘老爹不在家，孩子家中稱霸王~想幾點碎（睡）就幾點碎（睡），一點兒也不著急﹗」作反童童即時心虛補鑊：「 Oops！ hehe我先碎（睡）了哈， GoOdNiGht的縮（說）！」唔使見面，王菲執女都可以心連心！
長情女神
人人以為王菲怕老公李亞鵬呷醋而唔敢唱舊愛謝霆鋒作品〈迷魂記〉，但其實佢首場已靜雞雞唱咗由舊愛 04年作曲嘅〈 MV（ My Valentine）〉。有指當時正同霆鋒藕斷絲連嘅王菲正搭上李亞鵬，今時今日再唱番〈 MV〉，相信王菲相當感觸。 
唱霆鋒
「如果/想說日後如果/情歌/別離在望才看清楚」

益竇穎
王菲同前夫竇唯離婚近 11年，雖然兩人不相往來，但就好照顧哎吔妯娌竇穎，搵佢嚟幫手做巡唱和音，有錢齊齊搵，而首場當晚，廣東話生疏晒嘅王菲起初唱廣東歌時一時甩 key忘詞，好在一班和音救番，竇穎（右）都有出力 o架！
繼續搶錢
完成 5場香港站，王菲將會再折返內地幾個城市再開騷，而嚟緊 6月嘅成都站更因為只有幾千個座位，門票最高賣到$3,999人仔成終極天價，貴過今月 9日到上海開騷嘅美國殿堂級樂隊「 The Eagles」最高收$2,580人仔！以天后一場歌酬收 650萬，嘩！賺死！

王菲開唱隔空向愛女訓話 鄭伊健倒貼240萬力撼

神級天後王菲上周來港開唱慰籍粉絲，場場爆滿。而她14歲的女兒窦靖童趁王菲和李亞鵬都不在身邊無王管之際，晚晚上微博不睡覺。同樣是微博精的王菲就當衆訓話：“還不碎(睡)覺？明天不上學啦？”原來微博除了是潮人玩意，還可以變監控系統！

而在同一時間開唱的鄭伊健，面對一場收650萬歌酬、制作超班的王菲演唱會，他也將個唱加碼，索性將240萬的歌酬做補貼用在制作費上，錢都不要。

arrow
arrow
    全站熱搜
    創作者介紹
    創作者 stinglife 的頭像
    stinglife

    娛樂八掛大放送★

    stinglife 發表在 痞客邦 留言(0) 人氣()

    E-mail轉寄