好寸咩？（設計對白）
擁有 34D的 Barbie，憑天賦本錢，今年殺入書展，推出噴血寫真誘宅男。
Barbie去年港姐面試時，樣子清秀，但事隔大半年，明顯眼變大，臉變尖。
唔認整樣
大條歪理
打算在今年暑假出寫真，挑戰周秀娜等「肉女」，廿五歲的 Barbie說：「因緣際會啦，我已經跳過呢個階層（指 o靚模），底線？下回分解。」
至於入行目的， Barbie繼續發揮無厘頭本色，「我為咗投資自己，賺到錢出漫畫，我想做『中國宮崎駿』。」然後即席畫出她一直構思中的漫畫人物，再發表其投資理念，「我以前讀投資管理，老師同我講最好嘅投資，就係投資自己，我賺到第一桶金，會用嚟出漫畫，其實我有好多嘢想做，好似編劇、導演啦，最想做棟篤笑，其實我都有喜劇細胞，講嘢都幾搞笑。」
過往的寸嘴行為， Barbie承認對自己有負面影響，「我俾經理人鬧過好多次，當初無諗過一句說話會成為標題，我會改，點改？講嘢速度唔好咁快，唔好兜圈，唔好讚自己。」唔知大家明唔明佢噏乜，我就唔明！
天馬行空
寸嘴 Barbie講說話九唔搭八，她筆下的漫畫人物，據心理學家萬家輝分析，反映她是個自我中心好強的人。「呢個女仔好進取，充滿幻想，要得到人注意，當無人留意佢，佢會唔開心，重視外表緊要過實力，又無好好做好每件事。佢亦好自我，喺自己世界幻想，得佢自己明，都幾天馬行空，唔會理人點睇，好執着，但自信心又不足。」
至於將 Barbie的姓氏「廖」字，分拆成「 广羽人三」作為筆名，萬家輝分析說：「將自己嘅姓分拆，可見個姓對佢好重要，有可能佢同家人關係未必相處得咁開心。」
全站熱搜
留言列表
{{ article.title }}
