擺明賺錢買花戴嘅 Iris，私底下亦愛逛 MK執平嘢，佢話：「好似呢套粉紅色衫，我之前喺旺角買嚟開 P， 99蚊咋，仲連頭箍，好抵！」
23歲 Iris家住淺水灣億元獨立屋，父親從事金融生意，身家估計達 5億。其閏中密友亦非常猛料，有賭王四房長女超盈，以及林建岳幼子林孝能等。
剝剩底衫褲
家底豐厚嘅 Iris，本在 London College of Fashion修讀 Fashion& Textile，去年為爭取時間與患癌爺爺相處而停學返港，回港後曾在 Sanrio當設計師，月薪 8千 5，其後貪玩做 model，賺錢買花戴。 Iris話：「除咗影 bikini，我仲做埋瘦身代言人，去 event一陣就有一萬幾千，我幾個月都賺咗成 8萬蚊，咁大個女第一次搵咁多錢，唔使下下靠屋企嘛！」堂堂有米千金，剝剩底衫褲，父母終於有怨言：「嗰排咁啱有新聞話 o靚模去富豪飯局〔本刊影到 Iris未轉會時的同門 o靚模 Cat（陳雅詩）去尖沙咀出席疑似富豪飯局〕，父母怕人哋誤會我有份做『囡囡』，就叫我露少啲。」
唔想一味 cheap剝，今年一月， Iris轉會簽約施念慈做 DaDa師妹。經理人應承她改形象之餘，今年 4、 5月仲提早暑假前出寫真集。 Iris話：「我唔怕性感，但要健康同 elegant，唔想剝 cheap晒！」。洗底後， Iris為本刊首次以高貴形象示人，唔 cheap吖！
撐超盈
Iris藐超雲：唔識佢喎！
幾年前一齊在英國留學， Iris就同比自己細 3年嘅賭王四太長女何超盈成密友，近日超盈捲入家族爭產戰， Iris亦有慰問對方，佢話：「我哋呢排各有各忙少見咗，上一次見係聖誕節 gathering，嗰時超盈又要準備考試好忙，少咗聯絡。不過呢件事（爭產）發生後，我作為佢朋友，當然會 support佢，有 SMS佢，佢話『冇事喎！ OK！』咁我就冇再問，始終人哋家事，我唔方便理。（咁你怕唔怕屋企將來會發生同類事情呀？）嘩！我屋企點同佢比呀！佢係大家族，我只係中上家庭咋，點會爭產。由細到大，父母都有幫我儲錢，我出世到家啲利是錢每年都畀晒媽咪管，屋企就幫我買儲蓄保險，同埋有基金（價值幾多？）我冇問呀！屋企人想我有儲錢習慣，唔想我亂使囉！」所以 Iris希望今年做模嘅收入能回饋父母，唔係一味攤大手板攞家用，乖女喎！
留言列表
{{ article.title }}
