BB，睇電視學唱歌吓！﹙設計對白﹚丁生下旨，要千嬅戒咖喱、辣椒同海產類。兩個人去咗跑馬地街坊茶餐廳「富來」食家常小菜，千嬅一直望住牆上部電視送飯。埋單二百蚊左右，天后養胎一啲都唔貴！

唔經唔覺，楊千嬅佗B已經5個月，個肚仲特別大過人！咁都係多得丁子高日日實老婆飲飽食足、早睡早起，再加瞓埋晏覺。不過，千嬅出名坐唔定，叫佢日日匿喺屋企安胎？想天后變化石咩！所以，佢周不時老公帶自己出吓活動食吓飯，就算行個圈都開心㗎。


早幾日，媽咪姐又見到丁生丁太出巡嘞！佢哋先揸車去探朋友，之後就直落跑馬地茶餐廳開餐。兩公婆嗌兩個餸，一肉一菜，營養均衡。丁太仲望實電視送飯，提早向龍B灌輸娛樂資訊。呢啲，算唔算活動教學呢？食飽飽之後，兩公婆就手拖手返屋企，而丁生手上仲有外賣㖭！啱嘅，大肚婆係要食多啲，如果唔係千嬅餓起上嚟，又匿入廁所飲可樂、食雪糕㗎嘞！

生日大晒
2月3日係楊千嬅生日，丁子高為老婆炮製多個生日活動，仲將兩公婆嘅sweet相放上網狂晒。你睇，千嬅個花花造型幾cute！但丁生叫丁太做鬆弛熊，好大膽喎。


搞開活動嘅丁生，為鍾意紫色嘅老婆，搞咗個純紫birthday party！冧到呢，仲叫丁太做「老婆豬」㖭。

養胎電視餐
清炒正氣時菜開胃生炒骨護聲熱檸水 ####


上周五（3日）係千嬅生日，佢都大住個肚去寰亞春茗，非常俾面。平時見佢包到冚，睇呢張相先發覺佢個肚大得驚人！5個月咋，都咪話唔辛苦。


丁太落一級樓梯，丁生都扶到實。千嬅仲着到成隻糉咁，再加平底鞋，以防冷親跌親！


不過攞住個Hermes嘅千嬅，玩完一日都真係有啲攰，難怪要order外賣拎走，準備隨時補充能量。


arrow
arrow
    全站熱搜

    stacylife 發表在 痞客邦 留言(0) 人氣()

    E-mail轉寄