女人最忌買錯胸圍戴錯bra！（設計對白）當日周麗淇飾演心情麻麻嘅madam，幫同事趙希洛去內衣店揀bra，但就睇到鞱鞱憎憎，最終咪乜都買唔到囉！

周三（8日）朝早，媽咪姐去朗豪坊行街街，竟然撞到周麗淇、朱慧敏、王君馨同「長腳蟹」呂慧儀成班女人喺間內衣店入面團團轉，仲有講有笑鬼咁happy，原來佢哋拍緊無綫劇《女警愛作戰》。


晨早十一點未夠，呢幾位女藝員已經化好晒妝等埋位。其間朱慧敏同王君馨不知幾老友鬼鬼，手上拎住幾件內衣都仲雞啄唔斷講女人經，而人妻呂慧儀就企埋一邊扮靚靚等埋位，似乎唔係好啱嘴形。主角周麗淇呢，一早到場準備，同其他演員無乜兩句，匿埋專心背稿。由此可以證明，四個女人都未必係一個墟㗎！ ####


未正式埋位，朱慧敏同王君馨（圓圖）細聲講大聲笑，唔知話題同手上面嘅bra有冇關係呢？


朱慧敏同王君馨明顯係friend底，幾時都黐埋一齊。反而「長腳蟹」呂慧儀（右一）匿埋撥頭髮發呆，都幾悶吓！



arrow
arrow
    全站熱搜
    創作者介紹
    創作者 stinglife 的頭像
    stinglife

    娛樂八掛大放送★

    stacylife 發表在 痞客邦 留言(0) 人氣()

    E-mail轉寄