喺娛樂圈，「矮仔」形象搞笑又玩得，得閒仲會講吓道理㖭！不過最近有記者朋友同媽咪姐講：「呢啲，表面嘅啫！」事緣「矮仔」同某幾間傳媒嘅高層不和，大家一直都無偈傾。不過，做娛樂圈嘅，點都要靠傳媒去宣傳， 所以佢就算幾唔妥嗰幾間傳媒，都唔敢唔請佢哋出席自己嘅工作活動。之不過呢，就會將啲怨氣發洩喺啲無辜嘅人身上囉！


好似新年期間「矮仔」出席團拜活動，大派利是，同佢無偈傾嗰幾間傳媒都有派記者到場。不過，嗰幾位記者知「矮仔」唔妥自己公司，所以都無諗住攞利是。只係咁啱有唔知情嘅行家見到「矮仔」好似「盲亨」上身，喺嗰幾個記者面前「掂」行「掂」過，無俾利是，就好熱心嗌住佢：「咦？佢未有（利是）喎！」於是「矮仔」惟有死死地氣返轉頭，攞咗幾封利是，塞落嗰位熱心記者手上，好晦氣咁話：「咁你幫我俾佢哋啦！」要講嘅係，佢全程眼尾都無望過嗰幾位無辜受氣嘅記者一眼， 塊面仲黑過嚿炭㖭！其實，「矮仔」同傳媒高層結怨啫，關啲小記者乜嘢事呢？俾利是俾得咁唔情願又無禮貌，好「小家」囉！ ####

arrow
arrow
    全站熱搜
    創作者介紹
    創作者 stinglife 的頭像
    stinglife

    娛樂八掛大放送★

    stacylife 發表在 痞客邦 留言(0) 人氣()

    E-mail轉寄