有個阿爸叫謝賢，有個阿媽叫狄波拉，有個阿哥叫謝霆鋒，曾經有個阿嫂叫張柏芝，謝婷婷一出現，便予人名人富二代的印象。
其實，婷婷慢熱，不似父母兄長般charming，一出場，自動聚焦。
她不算野心勃勃，但講到工作、家庭及人生，一樣充滿熱誠，讀心理學，訓練心思複雜、理性、謹慎，還多一份懂事。
入行以來，除了家人，口邊掛着的便是安志杰。
盛傳明年結婚，她坦言，婚事要三思，「我唔明，點解有啲情侶拍拖多年，一結婚就散？呢個問題好困擾我。」
我都唔明，30大關當前，好多女仔唔理三七廿一結婚當買保險，呢個時候，婷婷才開始思考婚姻的真締，證明條件優厚，談情歲月歎得就歎，啱吖！做女，幾時都happy過做人老婆。

　
Profile
　
Jennifer Tse
出生日期：1982年9月7日（處女座）
出生地：香港
身高：5呎6吋
體重：107磅
語言：廣東話、英語及法語。
學歷：加拿大英屬哥倫比亞大學心理學系畢業
簡歷：4歲時，隨家人移民加拿大溫哥華。05年，大學畢業回港。08年，入行當模特兒。去年，簽約王晶，正式當上藝人。
主要作品：《李小龍》（11），《猛鬼愛情故事》（12）。
個人網頁：http://weibo.com/jennifertse

　呢個媽咪……呢個爹哋…… 　
話就話去年才簽約成為藝人，自08年回港，婷婷已活在鎂光燈之下，媽咪拉姑都讚個女成熟得快；去年，阿哥離婚搞到滿城是非，她一力為家人撐到底，甚有其母風範。「初返港，好多人同我講，你爹哋so勁，你媽咪so勁，兩個加埋that勁，我又唔覺得好大壓力。「呢個媽咪，比別人諗得多，成日話女仔afford唔起mistake；呢個爹哋，比別人諗得少，份人簡單，亦只想我簡簡單單。「以前，好憎佢哋將自己一套價值觀塞俾我，會同佢哋拗『人哋點講我使乜理喎！』依家，終於親身體會公眾人物嘅顧慮。「冇嬲過父母離婚；當我知道，呆咗一陣，唔識點反應，只記得睇戲有過類似劇情，於是，鎖自己入衣帽間，熄晒燈，想俾一個dramatic反應大家。「離婚係relief，父母一直處理得好好，我從來冇broken family感覺。「幾個月前，為我慶祝生日去食飯，大家坐埋一齊有傾有講，根本就似一家人，只有Uncle Kong（拉姑老公鬍鬚Kong）避席，佢一向好尊重我哋嘅聚會。」

　賺錢為遊埠　
有個明星家庭，名利不缺，正是婷婷優勢，身處娛圈，搏殺年紀理應做得就做試得就試，偏偏皇帝女想多見識世界，靠對腳，走出豐盛人生。「前幾日，我仍然話自己對婚姻冇懷疑，今日，我承認，婚姻的確困擾我。「唔係受爹哋媽咪或哥哥影響，而係身邊朋友拍拖十年，一結婚，馬上出問題，甚至散咗！一場婚禮就搞成咁？到底結婚為乜？「我跟Andy一齊三年，佢未有action（求婚），我唔會

文章標籤
全站熱搜
創作者介紹
創作者 stinglife 的頭像
stinglife

娛樂八掛大放送★

stinglife 發表在 痞客邦 留言(0) 人氣(56)