佢沖咖啡畀人飲！(真實對白)
人靚咗，自然惹整容傳聞，姚子羚被指割眼隆鼻，佢例牌否認：「我出道 baby fat，家瘦咗，輪廓突出晒，如果我有整，我第一時間整走上唇條疤痕啦！」強調索樣靠化妝及黐雙眼皮膠紙。

30歲姚子羚（ Elaine）， 02年參加「 TVB8全能主持比賽」得到冠軍入無綫。其後幾年密密拍劇，直至去年《公主嫁到》執到支好籤，飾演妓女楚翹，風騷彈出，帶挈姚子羚坐穩二線花旦之位。剛完成古裝片《紫禁驚雷》，又跳番民初街，與剛回巢 TVB的周麗淇和黃浩然等連夜趕拍《我的如意狼君》。

 

大晒事業線

姚子羚真人又瘦又白，連監製都詐型，佢話：「監製話我太瘦，叫我增肥，但我日食幾餐都唔肥。」谷唔肥可以轉玩谷胸，擁 32B美乳的她，穿上 tube dress輕易夾出 3吋事業線。佢話新年要有突破，「人大咗成熟咗，希望大家見到成熟啲嘅我。（做性感 icon？）都唔介意。」

「佢靚仔又完美」

事業坐二望一，但感情真空，早前被蘇民峰批她兩年後奉子成婚， dry足近一年的她笑說，「我梗唔想啦！我好傳統 o架，要結婚先生 BB。（會同圈中人拍拖？）又未試過喎！不過要我揀，陳豪絕對係筍盤！佢人又型又 nice，最好係佢做男主角開早收凌晨，但都好準時，份人冇脾氣，仲永遠冇 say no，仲會沖咖啡畀全廠人飲。（佢 single，你有機會喎！）我高攀唔起佢啦！喺我心目中，佢靚仔又完美，我唔係佢鍾意嗰啲類型 o架。（你又知？）唔知喎！我真係冇諗過。不過我都鍾意男友大我 5至 10年。」咁筍盤豪 39歲，絕對係你杯茶啦！

 

放大圖片

係就趁熱飲！設計對白
請飲迷魂啡︰陳豪出名專一，日前佢仲話收入激增一倍，嚟緊會投資咖啡生意和買物業，加上佢又最鍾意請飲咖啡冧死女，難怪姚子羚勁冧佢。《蘋果日報》圖片

 
放大圖片

拍戲生滋貓
姚子羚同陳豪曾合作拍《唐伯虎點秋香》和《公主嫁到》（圖），《公》劇姚飾演妓女色誘駙馬，姚更大讚陳豪教佢做戲。《蘋果日報》圖片

 
放大圖片

借力升呢
姚子羚曾經喺《 2010無綫節目巡禮》中同咪神高海寧開胸鬥波，佢話好姊妹高海寧冇 sex appeal，反而內心好 pure好簡單，真係估佢唔到喎！

 
放大圖片

再拍周麗淇
家姚子羚（左）忙拍《我的如意狼君》，仲同曾喺《最美麗的第七天》（上圖）合作過嘅周麗淇（右）再次合作。《忽然 1周》圖片

 

花旦戰場

去年 12月，廖碧兒瞞住正印陳豪，被雜誌影到搭上過億身家的李嘉誠姨甥林忠豪，「碧豪戀」 6年情玩完。前女友被指釣金龜，形象插水，陳豪仍向傳媒幫前度講好說話。絕種好男人回復單身，自然多女埋身，唐僧肉邊個先嗒到？

姣珊上門

有讀者報料去年 12月 4日晚目擊貌似徐子珊戴住口罩，鬼祟由陳豪調景嶺港鐵站上蓋都會駅嘅住所離去。事後徐子珊暗示：「鍾意飲咖啡！」故弄玄虛。

趙希洛放電

「碧豪戀」告終，失戀陳豪忙拍新劇《心戰》時，有指前藝人梁小玲女兒趙希洛因「近豪想食」，拍對手戲時頻頻向陳豪放電。

放佘食豪

上年先後多次有報道指佘詩曼介入，令「碧豪戀」凍過水，詩曼自與鄭嘉穎分手後，連續兩部電視劇《天與地》及《公主嫁到》都係同陳豪合作，而日久生情。

arrow
arrow
    全站熱搜

    stinglife 發表在 痞客邦 留言(0) 人氣()

    E-mail轉寄