Chiling喺台上發表牛仔褲偉論時，鄭元暢扮晒小 fans偷影，仲影足 5分鐘都唔收手，明捧場暗搶鏡，高招！

近期是非纏身嘅林志玲，逃稅事件被台灣政府重罰近 200萬港紙，上兩星期出席台北花博演唱會又因為唱 live走音俾人笑到面黃。 Chiling嚟到香港一樣行衰運。
上週四志玲姐姐來港出席牛仔褲活動，壓軸登場嘅佢，上台講兩句簽個名就將酬勞袋袋平安，諗住無驚無險過到骨，點知 Chiling接受訪問時把娃娃聲太柔弱，搞到現場記者完全聽唔到佢講乜，班娛記請佢大聲少少，作慣狀嘅佢都冇反應，嬲到有無品記者鬧佢：「正×婆」！
Chiling唔合作，同樣來自台灣嘅鄭元暢亦唔好得去邊，因為行街遲到 45分鐘嘅佢，除咗上台有少少笑容之外，其餘時間淨係掛住玩 iPhone 4，有記者見佢得閒諗住同佢合照，點知元暢大大個檸檬請人食，之後繼續耷低頭玩電話！ CIA知你哋係巨星喇！

 

放大圖片
 

鄭元暢個 iPhone 4殼係美國牌子 iLuv，唔使 30蚊美金有找。

放大圖片
 

 

放大圖片
 

作狀陰聲
當日整親隻手嘅 Chiling，唔知點解講嘢要咁細聲，除咗企最前個記者聽到，其他仁兄要靠讀唇。

放大圖片
 

拜拜肉現形
早前鄭元暢去韓國參加亞洲音樂節，跳舞跳到啲拜拜肉現晒形。

 

arrow
arrow
    全站熱搜

    stinglife 發表在 痞客邦 留言(0) 人氣()

    E-mail轉寄