娛樂八掛大放送★

人氣旺盛的大陸女星張靜初，昨晚應邀出席開幕派對，坦言性感要睇場合，故此以黑色長袖樽領貼身衫作corset dress打底迎鬧市，雖然略嫌失色，但依然艷壓全場！

張靜初以絲襪衫打底，性感程度大打折扣。

大陸女影星張靜初近期大受品牌歡迎，頻頻來港搵真銀！昨晚，張靜初應邀現身時裝品牌MAX&Co.全新北京道旗艦店開幕派對，同場還有汪圓圓、余安安、趙式芝等。張靜初以一襲corset dress亮相，不過，她就保守地以黑色長袖衫打底，性感程度頓時大打折扣，不過依然成為全場焦點！對於收起性感，張靜初坦言滿意自己的配搭，自讚時尚又可愛，被問到不夠性感時？她坦言：「經常着得太多，性感要睇場合，覺得今日喺街上，着得太性感唔係適合。」

着比堅尼好正常

不過講到八月中到外地旅行，享受陽光與海灘，張靜初則無懼被偷拍，被問到會否着比堅尼？她直情反問：「喺海邊唔着比堅尼着乜嘢？之前同雜誌喺海邊影相，一行人都係着比堅尼，好正常。」向來低調處理感情生活的張靜初，被追問是否與男友同行，她避而不答，強調與媽咪同行，再被追問男友會否生氣時，她則笑而不答。

余安安細女李文騫放暑假返港，爭取時間陪媽咪。

何超儀與后海大鯊魚即場夾band，大讚對方係有型嘅band。

超儀rock友上身

擔任表演嘉賓的何超儀，與中國著名樂隊后海大鯊魚即場夾band，氣氛熱鬧。超儀更自爆與夫婿陳子聰一樣，都是后海大鯊魚的fans，坦言有機會合作簡直難以置信，更大讚對方：「佢哋係北京最有型嘅band。」被指服裝不夠rock，超儀笑言：「着喺我身上已經rock咗，本身我想着埋短襪仔，不過我雙腿太短，着咗會變節瓜。」此外，超儀透露今晚會出席好友吳彥祖與Lisa S.婚宴，不過暫時未有時間準備結婚禮物。

汪圓圓以一身斜膊連身裙亮相，高貴又性感。

模特兒展示品牌最新秋冬服飾。