上月出巡行街
懷有身孕後，黎姿深居簡出，不過上月 18日，她被發現到銅鑼灣連卡佛行街街。當日戴了口罩的黎姿穿上平底鞋，步步為營，非常小心。"
娛樂頂點
預產期 7月 孖胎驗出性別 黎姿懷龍鳳 B
本刊早前率先披露， 39歲的黎姿與丈夫馬廷強婚後努力造人，兩人終在去年年尾豪花 30萬，將胚胎植入子宮，成功懷有雙胞胎，令親友們欣喜若狂。雖然胎兒性別一直未揭盅，但原來上月黎姿到生仔聖手何永超醫生醫務所檢查時，證實所懷的是「龍鳳胎」，一胎有齊仔和女，令準爸爸馬廷強終日笑不攏嘴。
為迎接小生命，向來愛妻的馬廷強，早已請定五人星級陪月團坐鎮，務求令黎姿和 B仔 B女得到全面照顧。而黎姿心知老公喜歡小朋友，所以她打算產後再追多一胎，令老公大為感動！
黎姿婚後承諾與丈夫馬廷強努力造人，她除了改名「黎珈而」外，又找中醫調理、改善飲食習慣，扭盡六壬都希望為夫家繼後香燈。結果去年黎姿求助生仔聖手何永超醫生進行胚胎植入，試了三次後便成功懷有雙胞胎。
據知以 39歲高齡懷孖胎的黎姿，對於腹中胎兒性別一直抱隨緣心態，但她上月檢查時，醫生證實她懷的是「龍鳳胎」，令全家喜出望外。知情人士說：「馬生從來都冇俾壓力黎姿，但大家都知佢屋企係大家族，個心都係鍾意仔多啲，不過就同老婆講男仔女仔都無所謂，只要母子平安，健健康康已經足夠，而黎姿就鍾意女多啲。點知上個月醫生驗到係龍鳳胎，一次過湊成個好字，黎姿同老公知道之後勁開心，老公仲叫黎姿生完唔好再追，怕老婆辛苦，不過黎姿見老公鍾意小朋友，而且婚後答應過老公生 3個，所以佢好想 7月生完再追多個！」
黎姿生完已年過 40歲，不知以此高齡能否負荷再懷孕。本刊致電何永超醫生，他說：「就算係高齡產婦，仍然有機會生完再生，但要睇媽媽嘅身體復元狀況，一般嚟講最快要半年，若果可以隔一年先再生會仲好。」
專睇美容產品
黎姿進入連卡佛內，即到美容專櫃觀看最新產品。
黎姿 09年 1月低調下嫁商人馬廷強，雖然男方比女方大 14年，但憑細心和誠意，最終打動伊人，黎姿亦急着為他開枝散葉。
5人星級陪月團坐鎮
現時黎姿已懷孕 7個月，肚皮已像籮般大，但她早已足不出戶，專心安胎，平日除了進食參茸補品外，還會勤做運動，保持身體健康。另一方面，馬廷強就為老婆臨盆和坐月做好準備，知情人士說：「黎姿揀咗喺香港生，仲搵咗師傅擇好時辰吉日開刀生 BB。馬生好錫老婆，佢除咗喺山頂嘉諾撒 book咗個最豪華嘅病房外，仲搵咗兩個月薪 3萬嘅星級陪月員坐鎮。原本馬生已有兩個工人，佢覺得未夠，於是請多 1個工人，依家陪月員加工人已經有 5個人，加埋黎媽媽，絕對可以 24小時全天候服侍黎姿同 BB。」為了確保星級陪月員不會甩底，馬生早在年頭已經和兩位陪月員簽了兩個月約，相當細心。
3月日本補祝結婚周年
黎姿為了細佬黎嬰開心，上年年尾特意取消結婚周年紀念旅行，留港舉行除夕倒數派對。直至今年 3月中才和老公馬廷強到日本旅行補祝。
幫老婆攞手袋
馬生向來錫老婆，雖然自己行動不便，但在許可情況下，他也願意為太太拿手袋，超級細心。
徐子淇和黎姿份屬好友，去年 8月子淇為細女晞兒舉行百日宴，黎姿也有俾面出席。相信黎姿為龍鳳胎設宴，子淇必會現身到賀。
山頂嘉諾撒醫院私隱度高，所以圈中很多女星如陳慧琳、郭可盈及陳慧珊都在此生仔，而黎姿亦已 book定該院豪華病房生 B。
遙控美容生意
雖然粗身大細的黎姿現時要安心養胎，但對細佬黎嬰創立的醫學美容診所「 CosMax」依然非常緊張。知情者說：「佢深信細佬終有一日可以親自主理公司，所以都好關心醫學美容診所生意，之前佢叫老公投資二千萬擴充營業，除咗舊有嘅療程之外，又出埋美容產品，雖然一套賣成萬幾元，但顧客反應好好，生意直線上升。雖然黎姿好少返公司，但佢有得力助手睇住，日日都用電話向佢匯報一次，等佢可以放心安胎。」嫁到好老公，有仔又有女，幸福少奶奶莫過於此！
擴充後生意好
黎姿深信黎嬰終有一日能重掌美容診所的運作，所以去年擴充美容診所，更以自己做生招牌，令生意額提升。
對細佬黎嬰寄予厚望的黎姿，早年不斷努力銀，供細佬到外國讀書，之後更打本給細佬開設醫學美容診所，助他大展拳腳。
好友回應
對於好友黎姿懷有龍鳳胎，蔡少芬於本周二（ 4日）出席《獎門人》節目錄影時沒有否認，只避忌說：「我冇嘢講，多謝關心！多謝關心！」
無綫製作資源部總監樂易玲被問到可知黎姿肚中是龍鳳胎？她說：「我近排好忙，就算係好朋友都要有時間先聯絡，所以我唔知道。但如果同佢見面，相信到時佢會話我知。」
老公請定 2位星級陪月員
黎姿龍鳳胎未出世，老公馬廷強已為黎姿 book定兩個星級陪月員。馬生請的星級陪月員月薪竟達 3萬元。本刊訪問了陪月界紅人蘭姨，她說做陪月員要有三張證書，分別為陪月、烹飪及家務助理：「我哋每日要煮五餐飯俾產婦，盡快幫佢補身，又要照顧 BB，真係幾忙 o架。」據知陪月員月薪由$9,300到 3萬不等，如果要星級陪月員過夜，薪金可達 4、 5萬，而且半年前就要 book定。
今年二月底榮升媽咪級的名媛鄭詩韻，早前亦花 3萬請了另一個星級陪月員麥德蘭，她覺物超所值，「佢除咗煲湯水我飲，仲好細心咁教我哋湊 B，因為佢本身攞咗好多證書，講每樣都好科學化同專業，我覺得好抵。」
說到名人圈的星級陪月員，還有狄娜生前助手伍小姐（ Candice），她的撒手鐧是為產婦設計獨有補身兼修身餐單，所以就算唔過夜，每月 3萬酬勞亦大把人輪候。
蘭姨（左）說自己最拿手煲補身湯水，令產婦可盡快復元。
鄭詩韻與老公陳鴻業雖是新手父母，他們請了另一位星級陪月員麥德蘭幫手，湊仔不用一鑊泡。
46歲的麥德蘭（右）婚後一直相夫教子，直至三年前婚變，獨力撫養一對子女，接受再培訓局陪月員證書課程後，再進修 9個育嬰幼兒護理及營養課程，現時已成陪月界的大紅人。
何永超：人工受孕可提升誕龍鳳胎機會
何永超醫生
有「生仔聖手」及「不育救星」稱號的生殖科名醫何永超指，輔助生育比起自然懷孕，誕龍鳳胎的機會高很多，他說：「因自然懷孕有龍鳳胎嘅機會只有約 1%。如果係輔助懷孕，即人工受精或打排卵針，誕孖胎嘅機會就大大提升至 15%至 20%，而喺呢 15%至 20%當中，有一半機會係龍鳳胎，只有約四分之一機會為孖仔或孖女。」
有報道指若誕過龍鳳胎，兩年內再懷孕的話，再誕龍鳳胎的機會亦會較高，他否認：「我冇聽過，第一胎同第二胎生龍鳳胎機會率應該一樣。」
黎嬰着手出勵志書
黎姿 33歲細佬黎嬰 07年不幸遇上嚴重交通意外，一邊眼更失去視力，更在死亡邊緣掙扎。不過，黎姿 3年來試盡各種中、西醫方法為細佬醫治，終令他奇蹟地逐漸康復。
據知黎嬰近日除了開始學行外，頸部肌肉更可活動。近日他更仿傚曾去信要求安樂死、四肢癱瘓的斌仔（鄧紹斌）寫勵志書。他在頭部戴上一頂特製的帽，帽上裝有一支按鍵操控桿，當黎嬰控制頸部肌肉，操控桿便可上下移動，在電腦按鍵寫出心底話。知情人士說：「佢一日唔可以寫太多，因為好攰 o架。佢亦唔心急，慢慢嚟當儲稿。心願係有朝一日可以出書，同其他人分享佢經歷人生巨變嘅心路歷程，佢家姐黎姿會全力支持。而屋企人見佢諗嘢咁正面積極，個個都好開心。」
黎嬰車禍後昏迷三個月甦醒，生命力非常頑強，現時更憑意志逐步過着普通人生活。
斌仔（鄧紹斌）四肢癱瘓仍可出版著作，新作《總有一次失敗》日前更打入第廿一屆中學生好書榜十大。
黎姿懷龍鳳胎預産期7月 星級陪月團坐鎮
黎姿
39歲的黎姿與丈夫馬延強婚後努力造人，兩人終于在去年底豪花30萬，將胚胎植入子宮，成功懷有雙胞胎，令親友們欣喜若狂。雖然胎兒性別一直未有透露，但原來上月黎姿去檢查時，證實所懷的是“龍鳳胎”，一胎有齊兒子和女兒，令准爸爸馬延強整日笑不攏嘴。
爲迎接小生命，向來愛妻的馬延強早已請好五人星級陪月團坐鎮，務求令黎姿和兒女們得到全面照顧。而黎姿心知老公喜歡小朋友，所以她打算産後再多生一胎，令老公大爲感動！
留言列表
{{ article.title }}
