媽咪姐

終極爆《天梯》劇情 張翼兩仔爺等天收

2012年10月12日 ~~ 第898期 忽然1周

由李添勝監製嘅新劇《天梯》,媽咪姐晚晚都追!仲收到風,嚟緊劇情去到高潮位。
蕭正楠會子承父業,壞事做盡!其中一幕係蕭正楠搵番強姦陳茵媺嘅流氓,仲以此要脅陳茵媺,要佢幫手陷害張可頤。另一幕就講蕭正楠想燒「賀正堂」嘅貨倉,搞到佢哋冇晒藥材,血本無歸!好在張可頤知道佢會搞事,一早偷龍轉鳳,俾個「吉」貨倉佢燒,之後仲拉埋佢去坐監,醒呀!而「大查櫃」張翼知道個仔失敗後,再次中風呆咗。

講開又講,媽咪姐覺得張翼真係好演技,可惜無綫唔識欣賞,搞到佢要投靠王維基。監製李添勝都表示可惜:「張翼拍完《天梯》,我都同公司講要快啲搵佢傾續約,點知公司話:『人哋(張翼)已經簽咗王維基啦。』咁仲有咩辦法?」


添哥好想張翼留低,但無綫手腳慢,留唔住人,大家遲啲要轉台先睇到呢個好戲之人嘞。


蕭正楠想一把火燒晒「賀正堂」嘅藥倉,令媽咪姐諗起《巾幗梟雄》嘅大少敖嘉年,燒咗四奶奶嘅米倉。好彩,今次蕭正楠失敗,連張翼都再次中風。

強姦陳茵媺嘅流氓好快又會再出現,仲成為蕭正楠要脅陳茵媺嘅棋子。





創作者介紹
創作者 stinglife 的頭像
stinglife

娛樂八掛大放送★

tvb4life 發表在 痞客邦 留言(0) 人氣()