正常情況應該係男人為女人擔遮。但當日喺黑色暴雨警告之下，嘟嘟體貼為男友擔遮，呂方仲雙手插袋，成個少爺咁。
當年今周
鄭裕玲阿四年代
喺媽咪姐嘅愛情字典入面，只有兩種，一種係愛一種係被愛。
大家一定覺得被愛嘅一定幸福啲，正如 2001年《忽周》 319期，鄭裕玲（嘟嘟）被目睹喺黑色暴雨警告下，阿四上身主動為男友擔遮，而男友呂方竟然悠悠閒雙手插袋，大安旨意行街。邊個愛邊個被愛，好明顯啦。
事實上，兩人自 1992年拍拖，嘟嘟為男友籌謀事業，默默背後支持。好不容易搵到人伴老，點知 08年兩人突然分手，結束 16年戀情。
猶幸嘟嘟夠硬淨，之後雖冇拍拖，但仍活躍娛樂圈。做主持一流，做電台亦好高收聽率，閒時仲為「至八會」搞下慈善活動，生活不知幾富足。相反呂方近年溝女就叻，事業上未見太大作為。被愛或者愛，邊一邊都冇相干，做人最基本，應該要好似嘟嘟咁自強自愛。
檔案編號:第 319期
日期: 8/9/2001
嘟嘟跟呂方當年係圈中公開嘅一對，不過面對傳媒，嘟嘟仍然好怕醜，用遮遮實自己，愛得低調。
兩人其後漫步回家，女方主動搭住男方膊頭，邊個愛邊個多啲，一目了然。
嘟嘟跟呂方嘅「長短腳之戀」維持 16年之久， 2008年兩人達成共識，宣布分手，但未有公開當中原因。
嘟嘟近年同少爺占（右一）、 Donald（左）一齊主持嘅電台節目《口水多過浪花》好評如潮，收聽率非常不俗。
單身的日子
鄭裕玲貴為「至八會」嘅「班長」，除積極參與公益活動，佢亦有提供畫作給寇鴻萍投資嘅網站售賣。
全站熱搜
留言列表
{{ article.title }}
