好心情
離開餐廳時伊健發現記者在場，但未有影響其靚爆心情，面對鏡頭依然笑笑口。
娛聞樂
赤柱飯局洩密 菲島搞潛水婚禮 伊健 Yo Yo傾唔掂數
舉行完四場個唱的鄭伊健， 8月 24日在尾場慶功宴終許下承諾，下年娶蒙嘉慧（ YoYo）。唔好以為伊健講完就算，今次佢玩認真，已 着手搞婚禮。
周日（ 2日），伊健相約好兄弟李家聲到赤柱食晚飯，席間被問及結婚計劃，他自爆有意去菲律賓小島結婚兼潛水，不過未婚妻蒙嘉慧似乎唔太贊成，兩人就婚禮地點傾唔掂數。
向來對婚事唔嗲唔吊的伊健既然肯認頭， YoYo好應該將就吓，萬一伊健唔 like，悔婚咪弊！
伊健飯局向好友取婚經
自伊健宣布下年結婚後，正在趕拍無 綫新劇《仁心解碼 II》的蒙嘉慧，每次有人叫她做「鄭太」，她都笑晒口好受落。
蒙嘉慧打蛇隨棍上要伊健落實結婚計劃，她希望在港大排筵席玩高調，但伊健就想低調結婚，兩人仍未達成共識。據知情者透露，「伊健向外話結婚時間同地點要保密，因為佢同 YoYo各持己見，依家仲未諗到兩全其美 嘅方法。伊健父母好開通，為求個仔肯成家立室，點搞都冇所謂，不過 YoYo屋企人唔係咁諗，想個女風風光光嫁入鄭家。」
開心嘆德菜
周日（ 2日）晚，伊健相約李家聲及多位圈外友人到赤柱嘆德國菜，兩位好兄弟對住坐，傾足成晚非常盡興。
小朋友冇代溝
雖然伊健無意生育，但見他與友人的女兒相處完全冇代溝，仲有講有笑。伊健叔叔唔止殺盡老、中、青女性，連小女孩都 冧佢喎！
睇風景
食飽飽周圍行散步，伊健與李家聲邊行邊睇風景，仲手指指對面岸 㖭！
約兄弟取經
周日（ 2日）晚上 8時左右，伊健現身赤柱美利樓的德國餐廳「 King Ludwig」，一行十人有老有嫩，當中還有無 綫資深藝員李家聲。伊健這晚心情大靚，與友人傾談得不亦樂乎，話題當然離不開他的婚事，眾人更舉杯恭喜伊健終於做老襯。
席間記者聽到友人問他婚禮安排事宜，伊健說：「其實仲未落實 㗎……諗過菲律賓小島，之前我去過 Anilao島同 Pamalican島， 嗰度 啲珊瑚靚到不得了，潛水一流，影相都好靚。不過……佢唔鍾意都冇辦法，你知啦！我好怕煩，搞咁多 嘢……唉！我 哋會再傾吓。」伊健所指的反對聲音當然是蒙嘉慧，只愛打羽毛球的她，從不喜歡參與男友的潛水活動。
YoYo飯應
早知伊健會在今次個唱對自己許下承諾的蒙嘉慧，向劇組請假捧足四場。她更不時感觸到雙眼通紅，等足七年才修成正果，難怪想喊。
成班逼婚
伊健每晚個唱都被當年一班「古惑仔」兄弟逼婚，不過他未肯在台上公開婚事，只有慶功宴上宣布。
得閒揀定婚戒
眾人傾得興高采烈，此時李家聲以過來人身份發言，「結婚係兩個人 嘅事，最緊要屋企人，我贊成唔好搞到咁大，人少少都可以好難忘。」看來李家聲早知伊健嫂想高調。
對結婚從沒概念的伊健更不時向友人取經，顯得十分緊張。說到要一早預訂結婚戒指，伊健更說：「我呢排比較得閒，都會周圍睇睇，不過最終都係要佢（ YoYo）決定。」
對於好兄弟伊健為婚禮地點煩惱，李家聲周二（ 4日）表示：「同伊健咁多年兄弟，一早當咗 YoYo係阿嫂啦！依家只係形式上唔同。我都有恭喜伊健。（伊健係咪想喺菲律賓小島搞結婚？）佢不嬲都鍾意周圍去，最緊要係佢兩口子鍾意。（有冇請你一齊去做兄弟？）如果時間許可我都會去㗎！（伊健係咪想低調？）大搞咪盞自己煩，佢一向都低調。唔鍾意做騷，簡單最好，最緊要係佢哋父母開心。」李家聲更謂伊健與他一樣不主張生育，「我哋想法一致，最緊要兩個人樂得自在，依家社會唔好，況且伊健阿哥同阿妹都有小朋友，佢唔諗喇！」至於正在日夜趕戲的準新娘蒙嘉慧，至截稿前仍未有回覆，看來她都想部劇快點煞科，可以全身投入籌備婚事，以免夜長夢多。
那些年的八兄妹
伊健當年參加無 綫第十三期藝員訓練班，與李家聲非常投契成為好友，其後兩人更與李克勤、吳婉芳等圈中人結拜成八兄妹，眾人相交逾廿年，感情依然很好。
當年李家聲結婚，八兄妹連同他們的另一半，穿上睡衣飲喜酒，親戚朋友當騷睇。
伊健與李家聲都在無 綫訓練班出身，同學還有黃澤鋒與潘芳芳。
菲島之選
菲律賓首都馬尼拉附近較出名的小島如 Pamalican與 Anilao，都是潛水勝地，不止環境優美、水清沙幼，還有種類繁多的海洋生物及七彩的珊瑚礁。小島更被喻為「海上天堂」，該處的獨立別墅私隱度非常高，是不少皇室成員及國際明星的度假勝地。
Pamalican
Anilao
霆鋒栢芝完婚地
留言列表
{{ article.title }}
