一反常態
本周二（ 4日），黎明到尖沙嘴出席「公益金便服日」活動。以往他現身公開場合，定必口水多多，大講金句，當日他卻沉默寡言，全程不在狀態。
大封面
辭去聯名公司董事 爆黎明樂基兒婚姻告急
05年鬼妹仔樂基兒撻 着木獨黎明愛火，拍拖三年，兩人 08年終在美國秘婚。熱戀期兩人秤不離砣，但年齡相差 14年難免有代溝，近年聚少離多濃情轉淡，加上生仔冇下文，一年前二人開始傳出婚姻危危乎，本刊更獨家影到樂基兒執拾細軟搬離上水愛巢。
當時黎明火速拖實老婆闢謠，但上月初，有讀者言之鑿鑿向傳媒爆料，指二人已簽字離婚，樂基兒更獨自返美國娘家治情傷。
本刊收到可靠消息，樂基兒今年三月秘密為其芝娃娃愛犬 Tiger，辦理申請移民美國手續，同時更發現黎明在上月中突然辭去夫妻聯名公司董事一職。種種跡象顯示，黎、樂婚姻再次告急。
一向率性的樂基兒，自嫁作黎家婦後，逐步淡出 model界，閒時只在藝術中心進修美術學位， 09年更索性義務幫老公旗下藝人 Janice Man做形象指導。可是，一直低調做黎明老婆的樂基兒，近半年卻一反常態，頻頻單拖亮相大小活動。今年七月，她更突然 着上透視露股罅 one piece裙回歸 ball場，一反榮升「天王嫂」後的守身作風。
直至近日，有讀者向傳媒爆料，指黎、樂已於七月初簽字離婚，而樂基兒更於六月中獨自返美國娘家。對此黎、樂二人均未作出回應，而黎明經理人陳善之當時卻答得曖昧：「經理人公司從來唔講藝人私事，亦唔會回應！」黎、樂婚變傳聞不脛而走。
拒做訪問
影完大合照，黎明隨即返回後台，攬住助手子泉傾了幾句，便極速離開現場，連訪問都唔做。
愕然回應
周一（ 3日），樂基兒到銅鑼灣出席新店開幕。本刊記者問她有關黎明辭去兩人合股的「 Pro-Science Limited」董事一職，樂基兒表現得相當愕然：「咁犀利，你哋咁都 check到？」更要求記者不要刊出她公司的名字。
咁你哋都 check到？（真實對白）
助手阻擋
本刊記者再問樂基兒與黎明的夫妻關係是否無變，她竟然答唔出，只尷尬笑了四聲。其身邊助手隨即阻止記者發問，並表示：「呢個係佢哋嘅私人事。」
通風報訊
其他傳媒訪問樂基兒期間，該名助手緊張地掩面打電話，似向黎明通風報訊。
開公司為老婆
其實自去年 10月，黎明樂基兒已傳出婚變，當時本刊拍到樂基兒執拾細軟離開上水愛巢。對於搬屋一事，敢作敢言的她說：「搬屋？ May be！」即時令分居傳聞升溫。不過對老婆千依百順的黎明，當時為番樂基兒，秘密自組昕倩有限公司，以支持老婆創業。據知情者透露：「 Gaile（樂基兒）同 Leon結婚之後，曾經講過想同朋友合夥學做生意。 Leon亦知道 Gaile一直 嘅心願係開個人畫展同埋賣自己咁多年 嘅作品，咁 啱 嗰段時間傳佢 哋感情有問題， Leon為 咗番老婆，舊年就同 Gaile聯名開 咗間公司（昕倩有限公司），主理賣畫業務。」
可是，本刊近日發現，黎明在今年七月，突然辭去這間夫妻聯名公司的董事一職，只留下股東名銜。對於正在與樂基兒傳出婚變的他，此舉動確實耐人尋味。
黎明放棄話事權
據公司註冊處的資料顯示，黎明在 7月 3日辭去他與樂基兒聯名的「昕倩有限公司」董事一職，只餘下一成公司股份。
去年 5月，黎明與樂基兒成立「昕倩有限公司」（ Pro-Science Limited），但本刊發現兩個月前黎明突然辭去公司董事一職，只保留百分之十股權。有業界人士向本刊透露：「股東係幕後出資者，基本上唔會理間公司點營運，而公司董事就可以決策同管理公司運作。董事要辭職，可能佢同其他董事意見不合，或唔想再『孭上身』咪走囉！就算個董事持有大部分股份，但辭咗職就冇得再管間公司。」即係話，「昕倩有限公司」將由樂基兒全權管理，黎明就算仍保留股權，亦不可以過問公司的運作。
記者日前曾到該公司訪問，在大廈「水牌」中，並沒有標明昕倩有限公司，而該公司的登記地址，則正是黎明旗下的百仕活和東亞唱片製作有限公司。
返上水家
周一活動後，樂基兒到其代言的「 Philip Wain」做纖體療程。她深知當日有多間傳媒追訪，為免揣測，選擇坐七人車返回上水愛巢。但其實本刊在其上水寓所連日守候，從未見過她在該處出入。
申請愛犬移民美國
直飛台灣
上周一（ 27日），樂基兒到台灣出席代言活動。據知，早於 6月她已在美國娘家散心，根本一直冇返港，就連 8月 22日其 32歲生日亦在美國度過。《台灣蘋果日報》圖片
同一時間，本刊亦收到消息，樂基兒早於今年三月，忽然為自己的芝娃娃愛犬 Tiger辦理移民美國手續，似打算連人帶狗長駐美國。知情人透露：「 Leon同 Gaile結婚之後，最初未有 plan生 BB， Leon怕老婆悶，所以送 咗隻芝娃娃狗仔俾佢。 Gaile改佢個名叫 Tiger，之後 Leon再送多隻狗女 Phantom俾老婆，湊成一個好字。」樂基兒曾經公開講過狗仔 Tiger代表自己，狗女 Phantom代表 Leon，據知今次樂基兒只為 Tiger申請移民美國，獨留狗女 Phantom在香港給黎明照顧，甚有「分家」意味。
為生仔多次爭拗
承認申請愛犬赴美
溫馨不再
去年底，有傳樂基兒大肚，並赴美待產。本刊獨家拍得黎明赴美探身形肥腫不小的老婆。二人更在街頭溫馨擁抱，但此後卻傳出二人婚變消息。
周二（ 4日），記者走訪樂基兒位於美國三藩市娘家，對於記者連番追問，樂母終親證樂基兒為愛犬辦理移民手續，但對於二人婚變一事，卻三緘其口。「我 哋 喺今年新年買新屋 嗰陣， Gaile係幫隻狗搞過 嚟美國手續。（知唔知點解 Gaile要咁做？）佢好錫呢隻狗，想佢多 啲陪自己，不過我自己就唔鍾意狗。（ Gaile係咪 嚟緊長駐美國？）唔清楚，佢都要周圍飛做 嘢。（你幾耐冇見女婿？）新年到依家，都好耐冇見女婿啦！（你知唔知 Leon最近辭 咗佢同 Galie夫妻聯名公司 嘅董事？）唔知，佢 哋 嘅 嘢我唔知……差唔多啦，唔該晒你 哋。」此時記者再追問有傳樂基兒黎明離婚一事，樂母聞言後，只揮揮手不作回應，隨即返回家中。
拆散愛犬
《蘋果日報》圖片
07年，黎明送了雄性芝娃娃 Tiger（左）給樂基兒，她一直視如己出，悉心照顧。今年 3月，她為愛犬申請到美國居留。至於黎明於 09年送給她的芝娃娃狗女 Phantom（右）則一直由黎明照顧。
美國直擊
樂母：好耐冇見女婿！
周二（ 4日），樂基兒母親在美國三藩市接受本刊記者訪問。她親證樂基兒早前為愛犬辦手續到美國居留，並表示：「好耐冇見女婿，佢對我哋好好嘅，我都希望佢哋開心。」雖然黎明與岳母關係頗疏離，但樂母仍對他有讚冇彈。
樂也融融
周二（ 4日），樂基兒後父（左起）、母親、大妹、二妹及親戚到新屋附近的酒樓飲茶，眾人有講有笑。之後，眾人一齊返回新屋，至深夜仍未離開。
黎明送大屋
去年三月，黎明以四千萬港幣在美國三藩市 Ruby Hill買下豪宅給樂基兒一家居住，大屋連花園和車房約有一萬二千呎。近日又傳他送遊艇和名車老婆，箍煲果然招數多多。
狗狗移民要驗身
今年初，樂基兒秘密搵香港的寵物移民公司為愛犬 Tiger入紙申請到美國。
據知狗主若想帶寵物移民，要預先在一個半月前，帶同狗牌及有效的瘋狗症疫苗卡到移民公司辦理手續。狗隻出發前一至兩星期，狗主亦要帶牠到獸醫處做健康檢查，申領一份健康證明書證明適合登機，然後再到漁護署加簽批註。
抵達美國後，狗主要向海關申報及呈上有關狗隻的健康證明，才可入境。相對其他國家，寵物入境美國手續較簡單，到埗後亦不需要隔離。
樂：咁你 哋都 check到？
據知樂基兒在六月開始，一直留在美國娘家，直至近日因要出席早前簽落的台灣和香港代言活動，才公開亮相。周一（ 3日）她在銅鑼灣出席活動時，其身邊助手一見本刊記者訪問，十足如臨大敵，多次出口阻撓。
記者：記樂基兒：樂
記：係咪申請 咗 Tiger去美國？
樂：佢仲 喺香港。
記：我 哋知道 Leon最近辭 咗 Pro-Science（昕倩有限公司）董事一職，點解要咁做？
樂：咁犀利！咁你 哋都 check到？
記：之前有報道指你同 Leon搞離婚？
樂（露出尷尬笑容）：我 哋離婚 嘅話，你 哋都查到啦！
記：咁你 哋夫妻關係係咪冇變？
樂（反應甚大地乾笑四聲）：哈哈哈哈！
此時樂身邊的男助手，緊張地上前阻撓，表示「私人問題唔會回應」。
記： 嚟緊你會唔會返美國？
樂：唔會， 嚟緊會 喺香港，因為有好多 嘢做！
雖然樂基兒表明短時間內不會離開香港，但本刊收到消息，她日內會飛返美國，直至本月 20號，才會再返香港出席活動。至於黎明，周二（ 4日）出席活動時，全程表現沉默。當影完大合照到記者訪問時，他即返入後台，並且急急腳離開，不肯接受記者訪問。據知，黎明有見樂基兒難得留港幾天，即趁機出招箍煲。樂基兒會否回心轉意，就要睇睇黎天王牙力。
撇女夜蒲
近月黎樂兩公婆鮮有出外晚膳，反而今年 6月，黎明撇低樂基兒，與關之琳、鍾鎮濤兩公婆到銅鑼灣食飯嘆紅酒，食足 3小時。
忽然性感
近半年，樂基兒頻頻出席活動，今年 7月，她忽然着上 see through裙及露股罅，一改以往黎明嫂的保守作風。《蘋果日報》圖片
最後一露
去年 12月黎明開演唱會，當時樂基兒已傳出懷有身孕，不過一直避席冇露面。直至尾場，她才在後台現身，與黎明、許晉亨夫婦齊齊影合照，而此次亦是兩夫妻最後一次孖住露面。
三傳大肚離婚
08年，黎明、樂基兒在美國低調結婚後，夫妻關係一直是傳媒的焦點。結婚 4年，離婚及大肚傳聞竟同樣傳了三次之多。夫妻關係長期處於不穩定狀態。
傳大肚
09年 9月黎明與樂基兒被踢爆已在美國註冊。女方出席活動時肚凸凸，惹來大肚疑雲，她卻表示：「條裙好窄，可能今日食多咗嘢。」
10年 7月有傳樂基兒瞞住老公停服避孕藥成功懷孕，她還穿起鬆身裙及平底人字拖肚凸凸行街。事後她出席活動時出口術說迷上滑浪，澄清自己冇大肚。
11年 12月有指在美國度假的樂基兒脹爆有孕，但黎明在活動中卻說：「新年唔講大話，樂基兒未懷孕。」
《 FACE》圖片
傳離婚
10年 7月有傳樂基兒與黎明因生 BB問題爭拗不休而鬧離婚。當時樂基兒笑住答：「雜誌寫咩都冇所謂，如果我同黎明要離婚我會答，但呢個唔係事實，我哋一向感情都 OK。」
11年 9月有傳樂基兒以老闆娘身份空降「 Amusic」公司擔任創意總監，與黎明因意見不合鬧翻。不過黎明隨即發聲明，否認離婚一事。
11年 11月盛傳章子怡介入二人婚姻，同時樂基兒亦被拍到執拾行李離開上水愛巢，令二人離婚傳聞急速升溫。 
留言列表
{{ article.title }}
