佗仔七個月的甘比，周一（ 3日）挺着巨肚，親自接秀樺返學放學。今年 4歲的秀樺猶如小淑女，面對鏡頭依然保持儀態。
上流滙
12月生龍仔 甘比操愛女做優材
甘比挺肚出巡
大劉劉鑾雄與女友甘比的寶貝女劉秀樺出世後，甘比一直為她悉心鋪路。甘比懷有第二胎後，索性力谷秀樺做優材生，訓練她獨立。
大劉好錫秀樺，去年底就被拍得親自抱秀樺返學，不過現時大劉有官司纏身，作風只好低調，將湊返學任務交俾甘比。
秀樺開學首日冇扭計，於是甘比就帶她到跑馬地食乳酪雪糕獎勵一下。
位於跑馬地的乳酪雪糕專門店「 Yogo」主打材料健康，不過甘比貴為大肚婆，這類生冷食品應盡量少吃。
甘比帶秀樺返大宅換便服，之後再湊她到銅鑼灣學朗誦。當日兩母女前後都有保鑣和女傭傍實，認真架勢。
一小時後，秀樺朗誦班完結。甘比便帶她見婆婆，三婆孫到時代廣場超市行街，場面溫馨。
谷女自立
甘比 08年生完秀樺後，便獲大劉相贈億八歌賦山道豪宅。據知大劉現正物色遊艇，獎勵甘比生仔。
周一（ 3日）中午，甘比親自接正在維多利亞學校讀 K2的秀樺放學，返完大宅休息一陣後，便帶秀樺到銅鑼灣上興趣班。據知該校主攻朗誦和戲劇，秀樺於暑假便開始報讀。事實上，自秀樺出世後，廿四孝媽咪甘比全力服侍愛女，風雨不改管接管送。直至甘比年初再懷第二胎，為了分配好時間，方便日後湊第二胎，甘比開始安排愛女返興趣班，時間表亦排得密密麻麻，秀樺一星期返足 6日。「甘比唔想個女咁黐身，個幾月前已經帶佢去學朗誦、話劇咁，等佢接觸多 啲其他嘢、獨立 啲。遲啲細嗰個出世後，甘比就冇乜時間放喺秀樺度，所以希望秀樺有自己圈子。」身邊密友透露。
證實佗仔
懷有 7個月身孕的甘比，腹中塊肉是男或女一直成謎。據知甘比已證實佗仔，為劉家繼後香燈，與有一仔一女的呂麗君比絕對唔輸蝕。早前甘比更 book定山頂明德國際醫院等生。「佢 5月 嗰陣 book咗明德醫院 嘅私人套房，仲請定三個看護，可以 24小時貼身照顧。」身邊密友透露。據知，今次懷有龍仔的她，得寵指數與日飆升。當年她誕下女兒劉秀樺（ Josephine）後，獲贈 1億 8千萬歌賦山道豪宅外，寶貝女亦獲價值 7400萬、 7.03卡「 Star of Josephine」稀有無瑕疵藍鑽作紀念，非常誇張。今次懷有慈姑椗的她，當然同樣重重有賞。早前，她更獲大劉御准選擇價值成億的私人遊艇，作為生仔報酬。
甘比佗男丁成為劉家焦點，但呂麗君的一對仔女依舊得寵，無論女兒返學（上圖）或抱仔開餐，都有多名保鑣傍實。
兩萬蚊成材
秀樺讀的「小霹靂互動學習中心（ Little Dynamites）」位於銅鑼灣禮頓道某商業大廈，佔地約二千呎，設有多間獨立教室。甘比為令秀樺成材，安排秀樺每天放學後也要上堂，主力學習語言技巧和培養獨立思考，學費連埋教材，每月要兩萬。
學習中心曾獲多個獎項，更放於正門當眼處。
中心裝修簡單為主。
留言列表
{{ article.title }}
