娛聞樂
扮一姐狂插黎諾懿 朱慧敏主角變大茄
原定 180集的處境劇《愛•回家》，上周突宣布狂加至 300集，全劇演員士氣振奮。
不過有人歡喜有人愁，原本攝正靚位做女主角的朱慧敏，因囂張扮一姐插對手黎諾懿懶音多多，又主動教對方做戲，搞到神憎鬼厭。
本刊收到消息，今次《愛》劇加集數，朱慧敏將會由主角淪為大茄，反而原本得十集戲份、飾演黎諾懿舊愛的朱璇，就由串星變主角，取代朱慧敏與黎再續未了緣。看來今次朱慧敏囂出禍！
上周三（ 29日），無綫製作部總監曾勵珍帶領《愛•回家》眾演員開記者會，宣布此劇增至 300集。正當全劇藝人為今次「添食」歡呼時，在劇中飾演第一女角的朱慧敏，卻淚灑人前說：「呢套劇我俾 咗好大壓力自己，擔心做得唔好，又傳出唔少負面新聞。」事實上，朱慧敏忽然「梨花帶雨」，似乎係擔心自己由主角被貶做閒角多啲。
唔係個個可以扮阿姐㗎！﹙設計對白﹚
《愛•回家》上周平均收視 25點，以處境劇來說，成績已算不俗。可惜朱慧敏和黎諾懿鬥氣寃家假戲真做，結果女方因老點黎諾懿，由主角淪為大茄，打回原形。
老點黎諾懿
31歲朱慧敏， 04年奪香港小姐亞軍入行， 05年因與梁榮忠「車震」一事拖累，往後經常演邪牌壞女人茄角，今次水鬼升城隍，多得曾勵珍睇起她。
不過開劇之初，朱慧敏經常在片廠教黎諾懿和其他對手做戲，確立一姐地位，因而犯眾憎。有工作人員透露：「 Queenie（朱慧敏）一向好有原則，要其他演員跟晒佢 嗰套。其實諾懿最慘，明明拍劇資歷深過 Queenie，但拍對手戲 嗰陣， Queenie成日當眾話佢做戲浮誇，要收斂啲，又窒佢多懶音。開頭諾懿都同佢有傾有講，不過後尾見 Queenie好似人身攻擊咁，冇再睬佢。」
哭訴壓力大
上周三（ 29日）曾勵珍宣布《愛•回家》再加 120集，個個藝員笑晒口，唯獨朱慧敏狂喊，揚言自己拍劇壓力大。往後遭狂削戲的她，身心應該輕鬆好多。《蘋果日報》圖片
朱慧敏多次被拍到與 EO2成員 Eddie拍拖撐枱腳甚至沙灘推油，不過為保漸有起色事業，朱慧敏堅稱對方只是普通朋友。《 Face》圖片
監製爆朱顧形象
據知今次多加的 120集，個個演員都會狂加戲，反而朱慧敏的主角身份卻凍過水。「其實諾懿有同過監製（徐遇安）反映，話自己同 Queenie唔夾。咁監製、編劇傾分場 嗰陣，個個讚諾懿一家人 嘅屋企戲受歡迎，所以拎諾懿同 Queenie秤，佢 哋梗係放棄 Queenie啦！」
上周五（ 31日），記者就朱慧敏在《愛》劇中戲份被削一事訪問徐遇安，他親口承認，更爆朱拍劇只顧形象。徐遇安表示：「 Queenie之前做親都係 啲功能角色，今次 孭咁重戲，佢俾 咗好大壓力自己。佢最大問題係信心唔夠，好似之前我叫佢剪髮換形象，佢都諗咗好耐，佢太注重形象啦。至於戲份比重，我 哋想加番其他線，希望有新火花。」
朱璇原本在《愛•回家》只有十集戲，但因朱慧敏遭燉冬菇，原本只是串星的朱璇，變相升呢做女角。
《愛》監製徐遇安直指朱慧敏太顧形象，亦暗示她將會被削戲份，唔聽話演員果然冇運行。
黎諾懿直認朱教戲
新聞女王
朱慧敏自 04年入行以來，一直只做花瓶及壞女人角色並從無代表作，反而其負面新聞卻一籮籮。
曾勵珍狂「省」
做開奀星的朱，除了在《愛》劇教其他演員做戲，朱慧敏亦試過同導演開火，最後被高層曾勵珍開大會狂「省」兩個鐘。
炒車博同情
去年 11月朱與陳美詩到日本沖繩拍旅遊節目撞車。本來只受皮外傷的朱，返抵香港後見大批傳媒，即席問陳借了膠布貼頸博同情，訪問時更拎晒紙巾聲淚俱下，其後有指她遭無綫訓話。
車震被雪藏
05年 11月被拍得與梁榮忠在柴灣激咀後再「車震」，做小三還不認衰，事後男方被流放冇得翻身，她卻被無綫「雪藏」足足兩個多月。
留言列表
{{ article.title }}
