娛樂八掛大放送★

今年23歲嘅欣宜，減肥年資已經有7年幾，當年16歲佢226磅，肥到頸都睇唔到，肥姐為咗愛女健康，主動搵修身堂老闆張玉珊幫手，唔使一年欣宜由加大碼變成大碼（150磅），絕對係修身界奇蹟。
今年正值欣宜修身7年之癢，眼見體重有回升跡象，2月初她再次的起心肝，搵修身堂營養師幫佢度餐單，再加上做纖體機同狂跳Hip hop舞，4個月就激減25磅，由140磅減到115磅。依家欣宜面尖尖，全身贅肉唔見晒，呢個夏天仲不停以背心短裙示人。從未如此瘦過嘅佢話：「只要有恆心，鐵柱都係可以磨成針。」

最近欣宜不時把fit爆相片上載微博與大眾分享，令大家都嘖嘖稱奇，有很多女fans甚至向她查問激減方法。原來她由2月開始進食高纖餐單減肥，4個月便減掉25磅，成績驕人！

高纖瘦身餐單
專為欣宜度餐單的修身堂營養師Mylene表示，減肥一定要食得飽，而且要定時進食。這個餐單最重要是均衡飲食，每餐都有澱粉、肉及蔬菜，含豐富營養及高纖維，保證飽肚。
早餐•鮮莓高纖乳酪（新鮮士多啤梨/藍莓+低脂乳酪+2湯匙燕麥）
午餐•田園雜菜雞肉卷（用pita bread包住青椒、紅椒+生菜+蘑菇+雞肉）
•橙一個
小食 •香蕉一隻（晚上6時）
晚餐•番茄雜菜營養湯2碗連湯渣
（番茄+薯仔+西芹+牛）

定時食三餐
上周六（3日），欣宜向本刊公開她的減肥理念與方法，記者發現她真人比上鏡還要瘦。現時只有115磅的欣宜，胃腩冇咗，手腳見得人，就連塊面都明顯瘦尖，難怪有人懷疑佢打Botox瘦面。
欣宜今次再度的起心肝減肥，原因是為了健康，「生命太珍貴喇，以前我好易攰身體好差。由今年2月到依家，我日日都跟營養餐單食嘢，唔使返工就會去學Hip hop同做瑜伽，仲有做纖體機同睇中醫。我同營養師都有共識，減肥唔一定捱餓，每日都要定時食齊三餐，唔好以為唔食嘢就減到，因為當你食嘢時就會雙倍吸收。我覺得最好少食多餐，揀啲有營養又唔會肥嘅食物。我以前係癡肥，減肥係我嘅終身職業，如果要我減得好辛苦，我諗我keep唔到一世囉！以前減減吓反彈，係因為對自己太過嚴謹，唔俾自己偷食，結果成個人冇晒樂趣，一崩潰就喪食keep唔到。」

欣宜早午餐
掉轉食
欣宜自今年2月開始跟營養餐單進食，不過她會自行作出改動，每餐大前提都是低鹽、低油、低脂，如午餐她會改吃西蘭花通粉，晚餐改吃吞拿魚壽司。若遲了起牀，欣宜會先吃午餐，早餐會留待午餐時間才吃。營養師Mylene表示，早午餐掉轉是因為午餐比早餐heavy，而午餐與晚餐時間又比較接近，故起牀遲了就先吃午餐，讓身體有足夠時間消化食物。

禁食最愛瀨尿蝦
今次欣宜除了公開她的營養餐單，更大講她的飲食之道。她說：「如果要出席慶功之類嘅飯局，我會準備一碗滾水，淥走啲油。我呢啲肥人食嘢係講抵唔抵食，抵唔抵唔係睇價錢，我7年冇食過我最鍾意嘅椒鹽瀨尿蝦，因為一隻瀨尿蝦嘅卡路里足以令你放棄成餐飯。如果突然好想食朱古力，我會揀一塊黑朱古力，因為最唔肥。好多三唔識七嘅人走嚟問我點減，我會問佢係咪真係想減，我話有志者事竟成，好似我呢啲size嘅人，只要有恆心，鐵柱都可以磨成針。我依家最滿意自己上半身，鎖骨同膊頭都好骨感，對腳係最難減，因為細個開始學芭蕾舞，肌肉好難收。冇人係完美o架，我學識接受自己嘅全部。」
要減肥，排毒都好重要，欣宜話佢以前完全唔飲水，進行減肥療程後知道排出毒素身體好呢個原理，現時每日堅持飲8杯水，「專家話每日三餐後都有得排便就最理想，但相信好難做到。依家我水不離身，如果一日都去唔到一次大便，我會狂灌水，等體內嘅便便可以盡快排出。我知道有人會選擇灌腸，但我真係接受唔到囉！」
由於做訪問，午餐時間已過，欣宜突然情緒波動語帶掹o曾話：「我未食lunch，好肚餓唔想再講。我要走喇！」然後又跟女助手說：「下次最好預備午餐俾我！」說完便匆匆離去，原來欣宜真係唔餓得！

欣宜肥變索
03年開始，欣宜keep住減肥，成功過又反彈過，到依家欣宜終於可以同個肥字講byebye。

微博騷瘦腿
欣宜經常自拍放上微博，最近她將自拍的腳部大特寫放上微博，即時有唔少女fans問佢點樣減。

喊住感激張玉珊
欣宜是肥姐的心肝寶貝，從小欣宜要吃甚麼肥姐都滿足她。早前張玉珊與欣宜一起接受內地傳媒訪問，欣宜表示6歲時曾嘔吐大作送入醫院，醫生說她的膽固醇指數與30歲女士一樣高，但當時她仍是小孩，肥姐認為未有減肥需要。欣宜16歲時，肥姐終於主動去搵張玉珊，張玉珊更大爆當年肥姐曾親身試過減肥療程：「當時肥姐話要知道減肥安唔安全，佢要自己試先，結果一星期減咗7磅，之後佢先放心俾欣宜試。」這件事原來欣宜並不知情。欣宜有感張玉珊多年來的支持，兩人感動到一齊喊。

NOW　115磅
經過4個月修身大作戰，欣宜成功減去25磅，麒麟臂冇咗，鎖骨顯現，着起花裙仔信心十足。

今年2月140磅
今年2月，欣宜上無綫《勁歌金曲》時體重仍高達140磅。

欣宜有時會以燕麥片加豆奶做早餐，係就係寡啲，佢話：「我依家每餐都食得好開心，因為我知道自己食得健康，我享受食物，唔係單一為減肥。」

欣宜會自己煮西蘭花通心粉（上圖）做午餐，因為夠高纖。而晚飯就會揀Lean（低脂肪的）吞拿魚壽司（下圖）。

喪跳舞
除咗跟營養餐單，欣宜亦堅持勤做運動，佢話：「唔使返工我會去跳Hip hop舞，瘦咗都要啲肉結實，體形會靚好多。」

欣宜掛住減肥，甚少與男友Mark Ryan見面，更有傳兩人已分手。記者問欣宜男友可有讚佢瘦咗又索咗，佢話：「錫我嘅人從來唔過問我減肥嘅嘢。」似默認與男友情未變。

鄭欣宜4個月狂減23斤 高纖瘦身餐單曝光

今年23歲的鄭欣宜減肥年資已經有7年多，當年16歲她205斤，肥到連脖子都看不見，肥姐沈殿霞爲了愛女健康主動找修身堂老板張玉珊幫忙，不到一年鄭欣宜由加大碼變成大碼(136斤)，絕對是減肥界奇迹。

今年正值鄭欣宜減肥7年之癢，眼見體重有回升迹象，2月初他再次下決心，找修身堂營養師幫她設計餐單，再加上做纖體機同狂跳Hip hop舞，4個月就激減23斤，由127斤減到104斤。現在的鄭欣宜面尖尖，全身的肥肉都不見了，還不停以短裙示人。從未如此瘦過的她說：“只要有恒心，鐵柱都可以磨成針。”