要照顧好多人呀！（真實對白）
劉以達義務做埋監製的工作，更要又彈又跳，他說連攝影師都要管埋：「 啲 cam唔 啱位拍唔到 啲人，我都教吓咁囉！後面無 綫 啲 band有時又夾唔到！」 啲「 band」其實係樂隊 RedNoon同 Yellow！，唔怪得達哥俾無 綫恰都唔知啦！
正視音樂
無綫《紅白》騷明恰 劉以達做埋監製嗰份
好耐冇搞大型音樂騷的無 綫，上週集齊百幾個歌手舉行《紅白鬥》大晒冷。表面懶大堆頭，其實 TVB乘機搵歌手笨，要歌手做導師兼度埋節目橋，慳錢又慳力。
被恰得最慘的是劉以達，竟然被迫同時訓練紅白組共三十幾個歌手打鼓，做埋督工卻一個仙都冇得收。連佢自己都呻：「冇錢㗎！邊有錢呀？」
上週六（ 7日）的晒冷歌星騷《 2012翡翠歌星紅白鬥》，節目長達 195分鐘媲美台慶騷，內容卻悶爆，更被網友大鬧「垃圾騷」。本刊得悉有不少歌星和唱片公司埋怨安排太混亂，直指監製麥鎮東可能太耐冇搞大騷，玩死一眾歌星。知情者說：「以前無 綫大騷係監製安排好晒 啲環節，歌手簡單 嚟綵排就得，但今次個監製好似咩都唔識咁，反而叫 啲歌手 嚟做統籌！做埋佢嗰份，好離譜！」
可能劉以達想觀眾注意首次幕前打鼓的王菀之，所以鏡頭不時影住她。
原來李蘊學打鼓已 5年，更師承亞洲鼓王 Donald Ashley，但她依然感吃力：「佢 哋夾開 band，我要學點同佢 哋相處囉，練 咗成兩個禮拜喇。」
義工大總管
據知最辛苦的是劉以達，要統籌紅白兩組包括王菀之、李蘊、張繼聰、 KOLOR和 RedNoon等廿幾個單位，共三十幾個歌手打鼓的環節。「達哥開 咗 3日會，度埋邊個打咩鼓、邊個彈結他、唱咩歌，跟住綵排都要負責指揮所有歌手，無 綫理都唔理，連車馬費都冇！」
完騷後劉以達接受訪問都忍唔住呻：「好多隊 band，好多鼓又有好多支結他，我要照顧好多人呀！收到 TVB要我搞呢個環節，要我做統籌，開 咗幾日會囉，又排 咗幾日，前晚都排 咗幾個鐘，排到凌晨落雨都要繼續。咁 TVB叫我搞咪搞囉，冇錢 㗎！邊有錢呀？」連義工都要做埋，你估《歡樂滿東華》咩！
舞台兩旁紅白組分別打鼓伴奏，但明顯 hea住打，唔齊又冇台型！
《紅白鬥》監製麥鎮東搞過《超級巨聲》和不少音樂特輯等，卻少有製作大騷，難怪要搵歌手幫拖。
紅白鬥出事
林峯扭計
話就話破冰，不過無綫慣例點都會益吓親生仔。據知由林峯和許廷鏗、胡鴻鈞合唱的 unplugged環節，林峯曾耍手 say no。知情人說：「林峯話唔想同人合唱喎，但冇解釋原因，不過樂易玲其實都好錫胡鴻鈞，於是開聲勸林峯演出，叫佢幫一幫後輩咁話，佢至肯咋。」
畀面合唱，不過林峯卻懶夾歌，胡鴻鈞當日亦說：「阿峯好多 嘢做，練 嘅時間真係唔多，佢唔 嚟綵排我 哋匿埋角落自己練囉。樂小姐對每個都好好，阿峯好照顧我 哋 㗎！」
林峯、許廷鏗（左）及胡鴻鈞（右）合唱，後面 3個大熒幕卻不斷只播放林峯的大頭 chok樣，其餘兩人變陪襯。
當宣布合唱環節得到「心頭最愛演出獎」，紅組隊長容祖兒先爆出一句：「造馬！」，到林峯撇低隊友跑到台前領獎，不顧許廷鏗和胡鴻鈞，連鄭裕玲都忍唔住講：「仲有兩位 㗎！」林峯才等埋兩人出來領獎。
隱形謝安琪
謝安琪重返 TVB舞台，死敵容祖兒當然唔多 like。《紅白騷》當晚 Joey擔任紅組隊長，開頭唸台詞提吓謝安琪，之後全程無視謝安琪，當宣布紅組勝出後，容祖兒興奮逐個隊友攬，但她先後兩次經過站在第一排的 Kay時卻當睇唔到，反而 Kay大方叫：「 Joey」，祖兒才擰轉身和她抱抱，講交戲， Kay贏咗！
Joey!（真實對白）
經過自己身邊兩次都被當隱形，謝安琪終忍唔住出口叫住容祖兒。
謝安琪叫到出口，容祖兒才扮大方和對方擁抱。
Sa走音死撐
阿 Sa蔡卓妍獨唱首本名曲〈下一站天后〉失準，返回後台時被記者指她一唱就入錯 key，阿 Sa即死撐：「今晚好差咩？工作人員話 ok。」卻忍唔住眼濕濕，用記者的手機遮住通紅雙眼：「我真係好努力 㗎！」咁要再努力 啲喇。
蔡卓妍被指唔 啱 key，即時眼紅紅自辯：「我呢排都有練歌，一星期上五日堂。」上足五日都咁呀？
阿 Sa走音，當晚音樂總監趙增熹仍力撐：「佢 喺錄音室好積極，只係唔夠時間做到最好 啫！」
阿 Sa邊唱歌邊下台同 fans握手，第一位握到手的男粉絲對住鏡頭勁 high狂嗌：「阿 Sa，阿 Sa！」成為阿 Sa表演最大亮點。
韓星失蹤
無 綫製作總監余詠珊宣布搞《紅白鬥》時，曾揚言會邀請韓星到港助陣，雖然冇講明邊位韓星，不過開騷當日卻一個都冇，只見台灣幫的炎亞綸、倪安東等戥腳，說好的韓星呢？
韓星冇影，無 綫請到台星倪安東、炎亞綸（右圖）、曹格、閻奕格、 LOLLIPOPF等撐場，反應唔錯，算有交代。
留言列表
{{ article.title }}
