《金枝 2》人人自危
苟芸慧：我有聽過切胸殺手
苟芸慧上週身在橫店拍攝《金枝慾孽 2》：「我有聽過，切波（胸）殺手吖嘛……我覺得好驚，我 哋拍完劇好少出去，係都係一大班同事一齊。」
封面
《金枝 2》人人自危 《白髮魔女傳》 2女遇害 橫店女星屠夫姦殺切胸
北上開戲大勢所趨，男女港星紛紛搶賺人仔，長駐各大小影視基地一 啲都唔出奇。
今次真係北漂漂出事，最多中港台電影電視劇取景、《金枝慾孽 2》都拉隊拍攝 嘅老牌影城橫店，竟然驚現女星屠夫。有傳正在趕拍，由吳奇隆有份投資兼做男主角的《白髮魔女傳》內兩位內地女演員被姦殺切掉雙乳再肢解、殘肢分布橫店小巷河床。最離譜係兇手未搵到，當局怕趕客亦低調處理，搞到一眾身在橫店日夜趕戲 嘅女星人心惶惶。
橫店女星大恐慌
五月開始，橫店陸續傳出有女星連環被殺多個版本消息。記者上週趕到當地，明查暗訪，得知大部分港星都對事件略有所聞，連正在當地開拍《四大名捕》的香港導演陳嘉上，對本刊查問都直認：「知道係有幾單案，所有演員，尤其女仔都唔可以單獨出去！」奈何官方報紙零報道、公安保安亦無任何公布，港星惟有戒出夜街、杜絕消遣、必要時外出搵齊同事助手互傍自保。
傳身為遇害「橫漂」老闆吳奇隆，神色匆匆不願詳談：「我唔知呢啲嘢……我冇聽過，我唔知喎！」
陳婉婷：我唔驚喎！
伍詠薇：唔會出夜街
龔嘉欣：好驚呀
伍詠薇、龔嘉欣拍攝完結伴返回酒店時說：「未聽過呀，但係好恐怖囉……其實 喺外地拍戲一定會小心 啲、少 啲外出，出街都一定會搵男同事陪，可以做保安仲可以幫手攞 嘢吖嘛！」
梁嘉琪：夜晚要着長褲出街
採訪當日記者巧遇外出的梁嘉琪：「都聽過少少，同事叫我 哋女仔出街唔好着短褲，我平時唔出街，今日都係過對面街買支水 啫，十分鐘路程囉。」
陳嘉桓：工作人員叫我唔好坐三輪車
多次到過橫店拍戲的陳嘉桓話一早有工作人員告誡唔好坐三輪車代步：「橫店一到夜晚連燈都冇，街係黑、連廁所都係黑，好恐怖好似鬼城一樣！」
「橫漂」肢解
由於官方沒有報道，女星受害事件出現多個版本、眾說紛紜，本刊記者向當地演員、司機及酒店職員、保安交談後，得知流傳最廣、可信度最高的一個版本。
據知五月初的一個晚上，由吳奇隆擔任製作人的電視劇《白髮魔女傳》當天拍攝完畢，演員與工作人員如常在橫店市中心大街晚飯消遣。其中兩個俗稱「橫漂」（即內地臨時女演員）消遣後，乘當地最普遍的代步工具三輪車準備折返劇組下榻酒店「影都賓館」，雖只幾分鐘車程，但從此二人失去蹤影。
第二天，一袋二袋用超級市場膠袋盛載的女性殘肢在橫店街邊、小巷以及河邊找到，據悉受害者有兩位，均被強姦、肢解，而胸部更被切下不知所終，兇手極度殘忍變態。
據說兩位橫漂女星就是在橫店最旺的大街消遣後乘搭三輪車遇害，但圖中三輪車司機就話不知情。
而全線《白髮魔女傳》工作人員下榻的「影都賓館」職員亦表示不知情。但據悉《白髮》台前幕後早有共識對外封口。
去年十一月，陳嘉桓在橫店拍攝《笑功震武林》，見唔到殺手，但就唔好彩遇着兩隻餓狼。
好難想像身為監製，戚其義對橫店瘋傳的殺手傳聞竟然毫不知情：「有 啲咁嘅事？冇呀，我未聽過喎。」
低調處理
所謂「橫漂」，即是長期在橫店打躉、等待拍攝機會的四五線自由演員，由於知名度有限、又孤身作戰，背後冇助手亦冇經理人公司代為主持公道，遇害消息遭低調處理，劇組方面亦以大局為重，極速另覓人選替補兩位受害演員角色，並在劇組內部取得共識，對內不提、對外不認。
記者向影城保安詢問，保安紛紛拒絕承認真有其事；至於在當地打滾多年的職業司機，甚至告誡記者：「不要再問了……你們再問會惹麻煩的。」連《白髮魔女傳》投資人兼男主角吳奇隆面對記者提問，亦神色閃縮：「我唔知呢啲嘢。（係你哋劇組嘅人喎？）我冇聽過，我唔知喎！」說完快步走人。
Baby嘉玲有排驚
嚟緊劉嘉玲和 Angelababy會一齊到橫店拍攝徐克的 3D電影《狄仁傑前傳》，到時出入都要小心啲啦！《蘋果日報》圖片
《金枝 2》喊驚
北上發展十多年的譚耀文剛與老婆仔女度假返回橫店：「我未聽過殺手呀，不過就聽過有女演員同男演員嗌交跳 咗落湖。我上 嚟拍戲十幾年一向小心，貼身有一個助手一個司機幫手。」
至於由無 綫金牌監製戚其義監製，傾盡蔡少芬和鄧萃雯等花旦及小花的重頭劇《金枝慾孽 2》，正正在五月進駐橫店日夜趕拍。
記者向監製戚其義、各位男女演員提起，個個都口吻一致說未有聽聞。惟獨梁嘉琪承認傳聞：「同事有叫我哋唔好單獨行動，同埋夜晚出去要着長褲！」至於已返港、扮宮女的鬼妹仔苟芸慧就最熟知傳聞：「係呀！我有聽過人 哋講起，『切波（胸）殺手』吖嘛……好恐怖呀……我唔會出夜街，同埋一定去邊都搵埋 啲男同事陪囉！」好在《金枝 2》大隊已於週日（ 8日）歸港，但又輪到另一批港台女星有排驚囉！
「橫漂」證實
目前在電視劇《笑傲江湖》中擔演小角色的兩位「橫漂」女演員表示，橫店的「橫漂」酬勞分為兩種，沒有對白的日薪人民幣 150、有對白則 250：「我們聽過有橫漂被殺的事，但不認識她們倆。」 
知道有幾單案，女仔唔可以單獨出去
剛在橫店拍完電影《四大名捕》的導演陳嘉上則表示：「我 𠵱家 casting緊新戲嘅演員，有聽過呢件事，真係要叫大家小心 啲。」
農民變橫店李嘉誠
橫店位於浙江，是中國內地首批大興土木搭建實景的大型影視城及旅遊區，內地影城眾多，僅得 5%長拍長有有錢賺，橫店就係其中一個。
唔講唔知，董事長徐文榮做農民出身， 1975年開設蚊型螺絲廠開始起家，生意遍及製造、地產及旅遊業。 1995年，中國殿堂級大導演謝晉拍攝《鴉片戰爭》物色外景場地來到橫店，本來嫌當地樹木不足打消念頭，徐文榮即晚動用財力人力移植大片樹林成功留住大導演，亦動起建造影城、開發旅遊業之念頭。
董事長徐文榮
《金枝 2》女星唔敢單拖
即使日光日白去對面馬路買支水，苟芸慧及梁嘉琪亦安全至上，結伴同行。
葉翠翠等女演員行稍遠一點路程去大街買日用品，就叫埋韋家雄及男性工作人員同行。
齊齊在橫店拍《金枝 2》的壯男，韋家雄話冇聽過殺手傳聞，黃德斌就話：「若果真有其事當局一定要正視，一班同事都要再小心 啲。」
一人有一個故事
橫店女星殺手案情眾說紛紜，每個人都有一個版本。
版本一：三個「橫漂」女演員被深夜屠夫綁走姦殺，然後分屍。
版本二：五個 KTV小姐齊齊失蹤，疑似被集體擄走肢解。
版本三：打工仔揭發女友是小姐後盛怒殺人，再用賓館床單包裹棄屍，有傳此「情殺」版本的出現，旨在擾亂視聽。 
留言列表
{{ article.title }}
