娛樂八掛大放送★

08年劉嘉玲與梁朝偉結婚後，即決心戒煙、戒酒兼戒蒲，並積極調理身體為梁家繼後香燈，可惜肚皮完全冇動靜。
今年底便滿45歲的嘉玲，對上周二（18日）在記者會親證未有身孕，更口口聲聲表示不會跟風生仔，一切順其自然。其實嘉玲先前找過何永超醫生做胚胎植入，可惜至今仍未有喜，各方好友替她緊張，廣求生仔秘方。
最近，嘉玲獲君如贈送一帖其姑婆祖傳的中藥生仔秘方，希望作最後一擊，執番個尾彩。記者求證君如，她未有否認，說：「總之我有俾好close嘅朋友試啦。」

已經進入收成期的嘉玲，演藝事業、生意投資和愛情等方面都非常如意。惟獨女人的生育事業，卻遲遲未能完成。
嘉玲與偉仔結束20年愛情長跑結成夫婦，當然希望趁還有機會為偉仔生個BB，令到這段婚姻更加美滿。「人生就係咁奇怪，唔同階段需要唔同嘅嘢。嘉玲同偉仔一路都冇諗過要BB，但結咗婚之後覺得有埋BB都會幾好，所以開始改變生活習慣，兩個人依家除咗生活正常，仲成日做運動，做足準備生BB。」知情者說。
之前不斷有傳嘉玲為了生仔，找過生仔聖手何永超醫生，可惜嘉玲試咗好多不同方法，前後花咗超過50萬都未能成功。其間又到印度找十七世大寶法王噶瑪巴祝福，可惜仍遲遲未有「聲氣」，令到身邊朋友都開始替她着急。
好友君如為圓老友媽咪夢，將自己正在嘗試、由姑婆轉交給她的祖傳中藥生仔秘方，交給嘉玲「博一鋪」。「君如今年都45歲，所以呢排成日都話自己要停工造人，仲話俾自己3個月至半年時間，唔得就會放棄。其實佢收到條家傳秘方，依家試緊，如果得個女，就可以多個伴。佢見嘉玲恨生仔，試咗好多方法都唔得，反正條藥方主要係中藥補身，調理身體，俾佢試吓都無妨。」君如好友說。
記者致電君如，希望她能公開秘方與讀者分享，但她透過助手拒絕，並回應說：「梗係唔得，食落肚嘅嘢點可以隨便公開。(係咪俾嘉玲試緊？)總之我有俾好close嘅朋友試啦！」

為生仔飲少啲
上周三(19日)下午3點多，記者發現素顏殘爆嘅嘉玲在中環東方文華酒店coffee shop，與狄龍太太陶敏明和兩名女友人茶敘。四人有講有笑，其間嘉玲還試玩ipad平版電腦。至5時多嘉玲離開前，友人突然雅興大發點了一瓶香檳。只見為生BB而錫身的嘉玲，隨量只喝了少少便放下，非常節制。之後她獨自走到酒店內的名店購物。離開時記者上前訪問和影相，起初表現愕然的嘉玲定神後，邊行邊向記者說：「呢間酒店唔影得相！」最後，她登上一早停在酒店門外的保母車離去。

中醫調理博生B
圈中女性由於工作關係大多生活顛倒，好容易捱壞身子，如果想博生B，大多會先搵中醫幫手執好副偈。

陳慧琳御醫貼滿海報
雖然一直盛傳Kelly係靠老友李克勤介紹，搵葉展生中醫調理身子。但據知真正幫到Kelly一索得男嘅係佢嘅御用中醫趙少萍。這位中醫大有來頭，曾任香港中醫學會會長，Kelly幫襯對方超過10年，並治好困擾她多年的經痛問題。而她位於灣仔的診所，更貼滿Kelly的簽名海報。

盧淑儀、關詠荷靠生仔神醫
讀中醫的盧淑儀，05年開始睇診所位於銅鑼灣的中醫葉展生調理身體，06年結婚不久就有喜兼一索得男，今年再接再厲繼續生男丁，令葉展生獲「生仔神醫」外號，連已有一女的45歲關詠荷都搵葉展生調理身子，博下一胎可以生番個仔湊成個「好」字。

徐子淇信高學歷中醫
千億新抱徐子淇雖然有老爺李兆基冬蟲草補身，不過熱愛小朋友的子淇亦有繼續搵中醫調理，望能為李家開枝散葉組大家庭。她幫襯的中醫李文慧診所位於銅鑼灣，擁有澳洲皇家墨爾本大學健康科學（中醫）學士及浸大中醫文憑，她以婦科最出名，連今年9月將生第二胎的張燊悅都是其客仔。

殘爆熊貓眼
素顏嘉玲上周三（19日）與好友茶敍都悉心打扮，但可惜珠光寶氣也難掩她殘爆黑眼圈。

錫身少飲
為生BB嘉玲戒煙戒酒，但朋友盛意拳拳開了香檳，嘉玲只好俾面呷了一啖。

速戰速決
嘆茶至5時多，嘉玲與友人道別後，即戴上墨鏡獨個兒走到名店shopping，而且很快便有收穫。

嘉玲和偉仔因工作不時分隔兩地，令造人的機會和時間減少。

有好嘢梗係益老友！（設計對白）

shopping完畢嘉玲穿過酒店大堂離開，而酒店保安見有記者影相，即識做地上前阻擋。

登上保母車的嘉玲才露出笑容，揮手道別。

中醫趙少萍

中醫葉展生

中醫李文慧

劉嘉玲生子最後一搏 吳君如贈祖傳秘方

劉嘉玲素顔頂著大黑眼圈外出
08年劉嘉玲與梁朝偉結婚後即調理身體打算爲梁家後繼香燈，可惜肚皮完全沒動靜。

今年底便滿45歲的劉嘉玲，上周親證沒有懷孕，更口口聲聲表示不會跟風生子，一切順其自然。其實劉嘉玲先前找過何勇超醫生做胚胎植入，可惜至今仍未有喜，各方好友替她緊張，廣求生子秘方。

最近，劉嘉玲或吳君如贈送一帖其姑婆祖傳的中藥生子秘方，希望做最後一搏。記者向吳君如求證，她沒有否認此事。