娛樂八掛大放送★

無綫與四大唱片公司反面，至今未能破冰，眼見班歌星始終「養唔熟」，六嬸方逸華亦樂得肥水不流別人田，自家谷「行」親生仔林峯上天王位，連拍MV都改制分AB餐，林峯、徐子珊等無綫親生仔女，MV拍攝成本可以多啲鬆動啲，唔似其他歌手，只獨沽一味，提供舞台一個。
此外，無綫近日亦更改合約，歌手可以亮相其他電視台，放生出路！

拍歌AB餐
六嬸自主政無綫以來，一直對花錢拍MV捧歌星做法有微言，認為公司資源應該集中用來捧自己友諸如林峯、胡杏兒、徐子珊之類，「依家拍歌已經分A、B套餐，藝員唱嘅可以花多啲錢拍，其他歌手咪企喺《勁歌》個景度唱，當拍咗MV！六嬸仲諗住利用埋劇集嘅片尾，用嚟播藝員拍嘅MV！」
林峯的山寨版「神探伽俐略」《談情說案》，和馬浚偉的《蒲松齡》將會是在劇集片尾播MV的首個試點；「劇集播出嘅時間，全部係黃金時段，平均收視起碼廿幾點，谷歌造勢最有效，其他歌手嘅MV喺凌晨《無間音樂》度播，收視最高得一點，有幾多人睇，大家心照喇！」知情者說。加上林峯七月會開演唱會，八、九月亦連上兩部電影，完全配合到。
除了有知名度的藝員歌手。六嬸還打算力谷新簽的《超級巨聲》成員，最近更暫停跟唱片公司傾出唱片事宜，打算將一班新丁捧紅後才吊高來賣；為此，六嬸已下聖旨要求各綜藝節目盡量用「超聲」，不要單靠外援，「依家出碟賺唔到錢，無綫係想谷紅班『超聲』，綜藝節目多咗班生力軍，做騷又有錢落袋，第日仲可以開高啲價，簽俾唱片公司。」唱片公司高層透露。

怕影響續牌
雖然無綫凡事計到盡，不過數月前亦不動聲息修改歌星合約，放寬歌手亮相其他電視台。據知，容祖兒、泳兒、側田、Hotcha等歌手續約時已採用新制。
「因為今年初亞視將無綫份歌星約上呈做壟斷證據，班高層驚會影響未來續牌，所以唔再寫明唔准乜、唔准物，依家佢哋就算亮相亞視、有線，都唔算違約。」知情者說。
不過有唱片公司高層卻表示：「份約係冇寫明，但如果我哋決定上其他台，就要後果自負，有冇得上節目，主導權始終喺無綫手。」

無利可圖
以往無綫製作過不少為人津津樂道的經典MV，但原來這是一盤「支出大、回報小」的生意，由於MV音樂版權屬唱片公司，無法賣埠賺錢，最多是將MV版權轉賣給唱片公司出卡拉OK，但近年唱片公司傾向自己製作，這種蠅頭小利，也買少見少。

無綫鋪路捧林峯做天王，五至九月連續以劇集、演唱會和電影力谷，隨時到年尾有力挑戰最受歡迎男歌星之位。

無綫親生仔黃宗澤拍MV，有景有dancers，待遇比其他齋企齋唱當拍MV的歌手好得多。

歌星「養唔熟」，梗係捧番親生仔女！（設計對白）

貴為天后的容祖兒，在無綫拍新歌MV，也只棟篤企在《勁歌》布景前唱歌，認真慳皮。

徐子珊和胡杏兒是無綫上位花旦，拍劇機會多，再加上跳得唱得，多了這批藝員生力軍，難怪六嬸認為即使少用歌星，也不怕做騷沒有吸引力。

去年免費電視牌照中期檢討公聽會，無綫慘成箭靶，加上被指控壟斷電視行業，所以要修改歌星的條款，免未來續牌再生枝節。

「超聲」幫剛剛簽約TVB，近日幾乎所有綜藝節目都見到他們的蹤影。

目前大部分唱片公司製作MV不假外求，連官恩娜也不例外。

TVB力捧林峰做樂壇天王 放寬歌手出鏡限制

TVB與四大唱片公司翻臉後決定力捧親生子林峰做樂壇天王
TVB與四大唱片公司翻臉，至今未能破冰，眼見一班歌星始終不是自己人，六嬸方逸華也樂于肥水不流外人田，自家力捧親生子林峰上天王位，連拍MV都改制分AB餐，林峰、徐子珊等TVB親生子女拍攝MV的成本可以松動一些，不似其他歌手，只提供舞台一個。

此外，TVB近日也更改合約，歌手可以亮相其他電視台，放生出路。