趙碩之、戴夢夢和文恩澄等前晚到尖沙嘴出席慈善晚宴，她們公司的老闆林建名包了兩圍酒席，但他卻飛往上海睇世博，夢夢馬上叫齊同事和相熟唱片監製出席，以免浪費。

Yumi甩底 放大圖片

（左起）文恩澄、戴夢夢和趙碩之代老闆林建名出席慈善晚宴。

當晚夢夢擔任表演嘉賓，問她為何不性感現身，反被同場大晒心口事業線的趙碩之搶鏡？夢夢笑說：「我都冇身材，要性感有趙碩之，佢有身材，況且我又要唱歌，如果太性感會唔自在。」趙碩之表示起初都擔心衣服太性感，後來覺得適合才繼續穿上。原先師妹尹蓁晞（ Yumi）都會出席晚宴，最後卻甩底，未知是否掛住拍拖？夢夢說：「唔係，家嗰個係男朋友，只係佢病咗啫。」採訪：胡比攝影：陳志嵐


趙碩之前晚例牌騷胸，依然吸引不少現場目光。

趙碩之冇刻意騷胸

趙碩之、戴夢夢及文恩澄前晚出席獅子會慈善舞會活動，碩之的低胸OL造型搶盡「峰」頭，她謂：「因為今日（前晚）條裙高腰又黑色，我想搵件Sharp色啲嘅衫襯番，着咗先覺得好似好低V咁！」

趙碩之解「峰」，每次出現都予人驚喜。

問夢夢為何打扮密實？她表示因要上台唱歌，不方便太性感：「我成日都話要將性感責任留番畀碩之，我太性感會唔自在，着咁高嘅高踭鞋已經好擔心會跌親。」原定到場的尹蓁晞因病缺席，夢夢說：「佢體質纖纖成日都唔舒服。（掛住溝仔？）唔係，佢唔會溝仔，都已經係男朋友啦！」

夢夢跟文恩澄（左）不及碩之搶鏡。