天經稱今次演唱會在屯門大會堂舉行，坐滿先得 290人，媽媽完全冇參與亦冇出錢，亦唔會搵佢做嘉賓。
搜尋氣
楊天經裙腳仔好自豪
陳寶珠錫到燶嘅獨子楊天經， 37歲人結埋婚，由 01年入行至今一直未有代表作，最叻只係做足 5年的《體育世界》主持。「陳寶珠個仔」是大眾最佳「裙腳仔」代表。
難得楊天經高呼裙腳無罪，但最令人吊詭的，除了他與寶珠姐的母子情好得咁誇張外，最奇怪係從未出過唱片的天經，最近竟宣布年底舉行處男演唱會，又係阿媽揸主意？
天經扮巨星
我都經歷過同媽媽關係好惡劣的時期，嗰陣 17、 18歲喺加拿大讀書好反叛，慶幸反叛期唔長，最多係成日走堂同 friend玩，不過都已經激到佢好嬲，試過有一次嗌大交，我諗住搬去朋友度住一排，點知佢自己搬走咗先，之後自己反省番，先識去孝順媽媽，我知出面好多人話我係裙腳仔，介意點都會有，反而近年都盡量避免一齊出席活動，但佢哋唔清楚我內心， 7歲父母離婚、 12歲爸爸離開咗我，自此同媽媽相依為命，佢身兼兩職，為我做好多嘢，我冇可能唔孝順佢！
楊天經曾講過搵女朋友最重要同媽媽相處得來，去年 5月與拍拖 3年的圈外女友吳文珊結婚，天經話媽媽同老婆相處融洽，好錫對方，寶珠姐更當正老婆係親生女看待。《蘋果日報》圖片
楊天經偶像係劉德華，在去年劉華演唱會上，天經曾與媽媽一齊擔任華仔嘉賓。
其實十幾歲時我已一心入娛樂圈，媽媽係好反對，亦因此同佢嘈過，後來佢見到我嘅努力同決心才支持，入行佢都冇出手幫我，係我自己由低做起，我拍劇爆騷嘅錢，都夠養起自己及畀家用，我好自豪㗎！
搞呢次演唱會，係主辦單位嘅意思，因為早前喺姨媽（馮素波）嘅 show中做嘉賓，所以先有呢個 idea，今次個 show都係唱八、九十年代舊歌，梗係包括我偶像劉德華、張國榮嘅歌，話晒都係第一次，都有壓力及緊張，不過我好有信心！
08年開始被調去《體育世界》做主持，天經話自細鍾意運動，尤其足球，一做就做咗 5年，不過始終都係想拍劇為先，所以最近離開 TVB走去 CTI拍劇。
喺 TVB六年做極都係閒角，但楊天經都好珍惜每次機會，佢話至今最滿意是在《學警狙擊》中的奸角「辣雞」。
留言列表
{{ article.title }}
