𠵱家談情說愛咩？真實對白
入主商台後，陳總招兵打仗，先撬傳媒好友梁泰來做外事部總監，又急召多年戰友王喜開咪，仲力捧「商台孫耀威」杜光庭拍王喜， 3個愛將拱照陳總。
真面目
後宮佳麗 急召王喜開咪愛將爭寵 陳總：你估選妃嬪咩
貪污醜聞後陳志雲經歷過人生低潮，脫罪後離開無 綫，今年 3月入主商台擔任行政總裁後，招兵買馬搵主持，先撬愛將梁泰來入宮做高層兼開咪主持《 1圈圈》踢走查小欣，近日再急召王喜拍住 30歲嫩口新寵杜光庭做晚間新節目《起來大龍鳳》，踢走莊思敏同《盛女》 Bonnie，將商台變成「迷雲台」。
三歡鼎立，問陳總邊個最得寵？佢笑笑口話：「你估選妃嬪咩？我哋台前台後冇大冇細！」
據知陳總為了重振商台聲威先後找了自己的愛將做主持，先有梁泰來主持早上節目《 1圈圈》踢走查小欣，最近更找兩肋插刀的王喜拍住雷霆 881的新寵杜光庭做《起來大龍鳳》，實行早晚夾擊。週一（ 22日）陳總大搞記招，親自碌人情咭搵詹瑞文、容祖兒、鄭裕玲晒冷幫王喜造勢，錫到出晒面。
忠臣孖新寵
冇正式開咪 20年嘅王喜，與陳總新愛將杜光庭一齊主持週一至週五晚《起來大龍鳳》，愛將助陣踢走埋莊思敏添。
商台孫耀威
年約 30歲嘅喇沙仔杜光庭（ Daryl），曾在加拿大多倫多大學讀書， 07年入商台做主持，又出過書，個樣仲有啲似孫耀威，才色兼備。
週一（ 22日）陳總特意為王喜開咪前造勢，曾傳係陳總新歡嘅梁泰來見二人一齊接受訪問，亦離遠 𥄫到實。
2010年 3月爆出無綫高層貪污醜聞後，一眾迷雲黨紛紛與志雲劃清界線，反而王喜力撐涉案的陳志雲，不但陪出庭為他阻擋記者兼擔遮，更自言肯賣樓撐志雲打官司，超有義氣。
借機捧新寵
由無綫到商台，曾被鄧健泓稱為「 Honey」陳總，一直多「黨員」，據知除梁泰來外，深得陳總歡心的新寵，是新上位的雷霆 881 DJ杜光庭，有幸拍住王喜開咪。知情人士說：「杜光庭喺 881做咗好多年，一直冇俾人捧過，自從陳總入嚟之後，就睇中佢，覺佢做節目有 passion。最近仲搵王喜拍住佢，順勢帶起埋佢！」
至於去年 8月與無 綫不歡而散的王喜，其後到 now主持《王喜十三條》及為 CTI拍綜藝節目《追龍捲風》，亦有回內地拍劇，據知王喜由知道陳總執掌商台後，一直恨為恩師再效力。「其實 6月時商台都有叫王喜開咪，王喜已經心思思，今次王喜肯返 嚟開咪，係陳志雲親自邀請之外，亦都畀 咗好大自由度佢，佢可以繼續返大陸搵人仔。」
祝你節目長壽，好似我隻腳咁長！真實對白
據知週一的記招，由陳志雲親自「碌咭」，難怪連祖兒都要撐場，仲要幫王喜按摩，更送自己隻新碟給王喜，寓意節目長壽，真係群星拱照。
群星拱照王喜
陳志雲為歡迎王喜而大晒冷，除容祖兒外，詹瑞文同鄭裕玲畀面出席。
曾傳同王喜不和的樂易玲，會擔任第一晚節目電話嘉賓，大講娛樂圈潛規則，不成文規定。《壹週刊》圖片
差佬出身的王喜， 92年加入商台， 98年主持《大無畏》，當年未做立法會議員又未出櫃的慢必（右）亦是其拍檔之一。之後王喜亦在 2002年擔任查小欣《查篤撐》節目的客席主持，相隔 10年終於凱旋回歸。《蘋果日報》圖片
「點夠王喜爭？」
安插 3大愛將先後入宮，問陳總驚唔驚爭寵，他說：「大家都係工作，唔係選後宮妃嬪，你估談情說愛咩？我 哋台前台後冇大冇細。今次宣傳係外事部搵，係 Joey同 Mani先由我搵，我個個節目都好重視，多宣傳係好事。」
本刊在記招上亦追問梁泰來、杜光庭及王喜三人是否爭寵，梁泰來直言：「我點夠王喜爭？我識陳總 6、 7年，王喜識陳總 10幾年。」而杜光庭說：「我本身唔識王喜，識 咗覺得好健談，好多 嘢都識，可以教到我好多 嘢。」
忠心王喜則話：「邊有爭寵，我寧願搵多 啲人仔好過，我同人仔關係好 啲。」
被炒莊思敏
寸新寵大眼袋
逐個 Out
《盛女》 Bonnie 10月
《盛女》 Bonnie被蘇施黃話又懶又蠢，最後都要 out。
林曉峰 6月
6月林曉峰突然不做商台，而節目亦即時調到午夜時段。
留言列表
{{ article.title }}
