錫到咁肉緊，不過美儀姐話最激係場自摸戲。「 嗰場戲講我自摸完，再同松哥嘈，仲打佢，幾激㗎！」
真面目
色慾中女 《名媛》餓太最爆 41歲江美儀狼吞 33歲吳卓羲
TVB台慶劇《名媛望族》本週首播，單睇劇名就知係一班女人鬥餐死。不過無 綫今次加重口味，劇中劉松仁 4位靚太，唔只爭產爭老公，仲個個變成餓狼。
早前披露飾演四太 嘅楊怡要咬松哥嘴唇，原來未算激，最激原來係飾演三太 嘅江美儀，第 3集着性感內衣引松哥，之後再同細佢 8年嘅吳卓羲激吻。入行超過 15年 嘅美儀姐話：「我仲有場自摸戲添……呢套劇我都幾激！」 30年代餓女分分鐘激過《 Desperate Housewives》真人版羅霖。
美儀姐帶住我做！真實對白
我自摸最激！真實對白
江美儀（ 41歲）， 喺劇中激咀卓羲（ 33歲），美儀姐話：「其實我哋刪減 咗 啲細節，原先設定我哋騎完馬，就 喺馬房度搞，但我哋改 咗 喺廠拍囉。」
台慶劇之一的《名媛望族》週一（ 22日）首播，故事主要講述飾演 30年代大狀的劉松仁同 4位老婆之間的故事，爭產爭老公嗌交戲分當然唔少得，但最令人期待，係幾位太太 嘅情慾戲分，視后大熱之一的楊怡，於第 9集同松哥激到咬唇，但都不及 41歲江美儀飢渴。
江美儀自摸誘松哥
王浩信劇中飾演松哥細仔，雖然冇情慾戲，不過有場戲講佢被松哥連摑 11巴，亦相當搶戲。
美儀姐於劇中飾演松哥三奶，第 3集已經有場着住性感內衣色誘松哥場面。
為演得傳神，美儀姐事前更專登搵排舞師練艷舞，不過仲未算激，她說：「我之後同卓羲咀添，錫 咗成分鐘。拍 嗰陣大家都好專業，好快就拍完。」
雖然江美儀係劉松仁三太，但去到《名》劇後段，因為失寵寂寞，便跟飾演流氓、單戀劉松仁媳婦朱晨麗的吳卓羲搞上。江美儀仲話：「我仲有場自摸戲添！講阿松哥有 咗楊怡後，冇咩再掂我，我咪好悶囉。（接拍前知唔知咁激？）唔知㗎，拍拍吓，劇本飛到落 嚟先知，我又覺得合理 嘅，呢套劇我都幾激，但我唔知最後有冇 cut到，因為都好大膽吓。」唔知有冇摸到當年李嘉欣《墮落天使》咁放呢？
卓羲食埋馬明老婆
率先爆
楊怡最後勝利
《名》劇背景為 30年代的香港，當時正值華洋文化衝擊，女性開始爭取地位，改變男尊女卑現象。而故事圍繞法律界名大狀鍾卓萬（劉松仁飾）跟 4位太太 嘅情史，劇中松哥開頭大把女，但最後同 4位太太各散東西 冚家散，最後松哥重新追過四太楊怡。
三太江美儀勾佬
江美儀 喺劇中最銷魂，但自從同卓羲偷食被揭發後，最後離開鍾家，孤獨終老。
元配韓馬莉病死
喺劇中飾演大婆嘅韓馬莉，由於松哥有多位太太的關係，所以被松哥忽略，有場戲仲演活松哥搞完江美儀唔肯搞佢嘅寂寞，最後病死，病死前松哥向佢認錯。
二太陳玉蓮跟佬走
陳玉蓮原先係松哥最愛，但楊怡 嘅介入令佢死心，最後同飾演海味商人的黃智賢走佬。
松哥翻溝四太楊怡
楊怡為松哥第 4位太太，但因松哥之後搭上 JJ（賈曉晨），令楊怡傷心走佬，最後松哥要重新追求楊怡。
馬明戴綠帽
《名》劇主線係 4位太太爭寵，而另一條線係飾演劉松仁大仔，亦係大律師的馬國明，與太太朱晨麗及情敵吳卓羲的三角情仇。首次拍劇的上屆港姐冠軍朱晨麗 喺劇中主動引馬明洞房，更要同吳卓羲偷情。
劇中朱晨麗以為卓羲已死，之後嫁 咗畀有錢仔馬明，開頭馬明仲因尊重太太，而冇同朱晨麗發生關係，最後朱晨麗亦發現，原來松哥係佢 嘅殺父仇人。
卓羲 喺劇中假死，之後就扮傻仔混入松哥一家進行大報復，佢先搞三奶江美儀，再搞埋已為人妻 嘅朱晨麗。
着阿姐〈熱咖啡〉舊衫
美儀姐 喺第 3集着性感內衣引松哥，原來套衫係 94年汪明荃唱〈熱咖啡〉時 嘅戰衣，存放 18年繼續着， TVB夠晒慳。
12年
94年
《蘋果日報》圖片
抄美劇《靚太》
《名》劇重口味勁講性，又有唔少阿太偷食場面，其實有啲似美劇《 Desparate Housewives》（《靚太唔易做》），當然美劇尺度大膽好多啦！
留言列表
{{ article.title }}
