自小喜愛勞作的張秀文，由小學至今儲了一大堆手工原材料，還把經常使用的放在窗台，閒時就是這樣坐在牀上幾個鐘做手工。
星悅居
張秀文 宅女閨房
一個人住好處數不盡，尤其那種無拘無束的感覺，可以開大音響爆機，可以安靜看書………三個字講晒，點都得！ 2010年港姐亞軍張秀文(Sammi)早前向家人申請「獨居」，最近終於獲批。個半月前獨個兒租住馬鞍山天宇海 700呎單位。
新入伙傢俬都未買齊，但能夠有自己私人空間，張秀文已心感興奮：「冇諗過一個人住係咁爽！ 嗰種自由係你想像唔到咁正！唔使做 嘢，我最鍾意留 喺睡房做吓手作仔。屋企好多 嘢都係我自己一手一腳砌 㗎！」張秀文最大的興趣是做手工藝，都幾宅女喎！
現時張秀文晚晚跟安德尊合作節目 Amazing summer，她表示獲益良多，「大王做主持好有經驗，教識我好多嘢，拍攝氣氛仲好好㖭！」
兩年前參加香港小姐獲亞軍的張秀文（同屆冠軍是陳庭欣、季軍莊思明），剛搬進馬鞍山天宇海「獨居」個多月，因忙於夥拍安德尊主持節目 Amazing summer，大派獎金獎品，所以還未有時間為新居添置傢俬。記者入屋看到大廳布置非常簡單，除梳化、電視及一張普通餐 枱，甚麼都沒有。張秀文解釋：「難得一個人住，樣樣 嘢都要自己鍾意，傢俬當然要揀 啱先買，我唔急。早兩日買 咗個 牀頭櫃仔，買返 嚟係散件，全部由我一手一腳裝嵌，親手砌特別有滿足感。」 
張秀文與兩歲姨甥女 Jadie感情要好，當日 Jadie前來探望，兩人在客廳玩保齡球，張說：「覺得呢個新地方有新鮮感，佢最鍾意樓下會所，次次玩都唔願走！」
客廳陳設簡潔，張秀文話稍後會掛張全人手製的畫作上牆，增添色彩。「我會畫幅靚嘅風景畫，再自製畫框掛上牆，不過製作需時未動工。」
浴室感覺與外面截然不同，一串串的水晶倍添貴氣，「我自己好鍾意閃令令，水晶燈令我浸浴時感覺更加 relax，有時拍劇拍到好攰，浸個浴一流。」
即使張秀文經常下廚，廚房依然沒有一點油漬，她自言有潔癖，每次入廚後要即時清潔才安樂。
匿睡房做手工
張秀文鍾意砌櫃皆因她有鋪手工藝癮，由小學至今，就對美勞手工藝愛不釋手。屋企放滿手工材料，閒時她最鍾意在睡房閉關做手工，黐黐貼貼，一動工就停不了，飯也不願吃。「我做手工可以不眠不休，相架整六個鐘都唔會 攰，要一氣呵成嘛！最緊要唔好有人騷擾，依家自己住包冇人嘈，自由好多。」
其實除了手工藝，張秀文連廚藝亦非常了得。她在小時候已經常入廚幫手，廚藝得媽咪真傳。記者要求張秀文即場露兩手，在毫無預備下，廚房只得番茄、意大利粉及雞蛋，但她不用十分鐘就完成一碟「茄蛋意」，賣相雖然麻麻，但味道真的不錯。「煮 嘢食唔難，只要你喜歡食就自然會去學，煮個意粉難我唔到囉！依家自己住更加要學識照顧自己，唔通餐餐公仔麵咩。」香港小姐果然入得廚房出得廳堂。
窗台上有原材料、半製成品、顏料等，全部細細件，張秀文說：「細件首飾盒仔最好玩，可以整到好靚，自己設計靚過出面買好多。」
購自傢俬舖嘅牀頭櫃仔，是張秀文自己裝嵌。「睇住個圖嚟砌好似砌模型咁簡單，如果搵師傅砌要加錢，佢哋又冇咁細心，自己砌好啲！」
屋內放了不少姨甥女 Jadie沙龍，全部相框都由張秀文親手製作。
玻璃小杯放了可愛手工材料，為客廳作裝飾。
這個「 CHRISTY」牌仔係張秀文家姐的英文名，將竹籤黐埋加以上色，再用字母意粉逐粒字黐上去，完成！咁就花咗張秀文 4粒鐘。
單位平面圖
留言列表
{{ article.title }}
