孤獨排街症
上月 20日，本刊發現陳敏之到伊利沙伯醫院排隊睇街症。素顏的她戴上眼鏡及口罩，玩手機打發時間。
滾熱辣
伊院輪街症 陳敏之免疫病煎熬
去年憑《怒火街頭》妓女角色貞貞出位的陳敏之，一場裸跑戲深入民心，亦因這齣劇付上沉重代價。除了拍狂奔戲時跌斷鎖骨外，陳敏之更患上急性腎炎，成個人腫晒，要停工養病，有傳她患上免疫系統失調的紅斑狼瘡症。
休養半年冇收入，作為全家經濟支柱的陳敏之，去年尾急復工搵錢。當大家以為她的病已經完全康復，其實有隱憂。 7月 20日，本刊發現陳敏之戴眼鏡、口罩到公立醫院輪街症。當日她神色凝重，攞完藥便靜雞雞走人，睇 嚟個病都幾手尾長！
快速抹鼻
陳敏之十分謹慎，只在抹鼻涕時才肯脫下口罩，清潔完畢就火速戴回口罩，不欲被病人認出。
除罩攞藥
候診加睇醫生搞了一小時，陳敏之攞藥嘅時候終於忍唔住，除咗一陣口罩唞唞氣。當日看來，她的面龐比出鏡時明顯浮腫。
去年憑《怒火》攞「最佳女配角」的陳敏之，今年食住《東西宮略》奸妃個勢，豬籠入水。繼 10年與男友 William（雷偉信）聯名，以 497萬購入將軍澳清水灣半島後，最近又蠢蠢欲動再入巿，打算在同區買樓俾媽咪。
搵錢緊要，但身體更重要，搏殺格的陳敏之，高峰期一年拍四劇。但自從患上免疫系統失調而併發腎炎後，她開始轉型，以登台及出活動為主要工作，今年只拍了一部劇集《法網狙擊》，以防腎炎再復發。
《怒火 2》企圖用 JJ飾演的錢心心代替在上集被石修殺死嘅陳敏之（飾何利貞），不過網民一致想睇「索腿天后」。
低調玩電話
7月 20日晚十一時許，記者發現陳敏之獨個兒戴住口罩到公立伊利沙伯醫院的內科部登記，之後便到院方安排的病房外長椅等候。現場所見，陳敏之全程低頭玩電話，甚有與世隔絕 feel。其間有病人在候診區大吵，陳敏之才八卦地抬頭望一眼。當她發現有病人似認出她時，便把頭髮放散遮住面容，然後又再低下頭玩電話。
等了約半小時，一名護士走到陳敏之身邊，在她耳邊說了幾句說話，只見敏之不停點頭，然後護士拍一拍她膊頭，敏之便跟隨護士走進 23號醫療室，逗留大約半小時後才離開。與其他病人至少等一個鐘才叫名入醫療室，看來她有優惠。
藥費慳唔少
《壹週刊》圖片
據醫護人員爆料︰「陳敏之今次係返門診部覆診及攞藥，佢個病好反覆，免疫系統失調，手尾好長，所以每隔兩個月要返 嚟驗血， check住肝酵素同發炎指數，控制個病。佢依家全程 喺度醫同攞藥，呢個病要長期食藥，如果睇私家醫生，藥費會好貴。」
求證陳敏之，一提到她患紅斑狼瘡，她反應頗大。
陳︰我有腎炎已經係 10年發生嘅事，依家已經好番晒，亦唔需要再食藥，去覆診只係正常嘅保健。
記︰係唔係外界傳嘅紅斑狼瘡？
陳︰之前已經回應過，唔係呢個病！只係免疫系統問題。病唔係罪 嚟！你依家見到我瘦番咁多，就知我好番晒。我之前拍《法網狙擊》咁多爆破同動作戲，如果有病點捱得住！我依家做運動瘦咗好多。
記︰你今年拍劇少 咗，暫時得一部？
陳︰其實我 10月會開套時裝劇，會拍 3個幾月，其間會去多倫多同溫哥華登台。 啲工作排到下年中。你 哋咪話我減產休息呀！
急性腎炎有排醫
據勞永樂醫生表示，腎炎普遍來說幾個星期至幾個月就可以痊癒，而急性腎炎就要醫治半年至一年，令病情由急性變為慢性腎炎，才可作根治。
勞永樂醫生說：「紅斑狼瘡症令病人的免疫系統出現問題。病情較輕的患者，常見是皮膚、關節出問題；而情況較嚴重者，就會影響內臟功能，急性腎炎就係其中一個紅斑狼瘡症患者常見的併發症。」
11年 6月下巴尖
11年 12月圓下巴
今年 7月面浮腫
掃貨減壓
6月 25日，陳敏之傍晚到中環行街。盛裝現身的她，精神似乎麻麻哋，面龐亦見紅腫。
當日陳敏之走入一家內衣店，逛了一會雖然冇幫襯，但 shopping點都係女人最大的減壓方式！
之後她又到附近探《戀愛季節》班，同梁烈唯傾得好開心。敏之雖然有病在身，但睇得出佢的個性樂觀積極，人緣亦甚佳。
買樓俾媽咪
今年陳敏之有《東西宮略》、《回到三國》及《當旺爸爸》三套劇見街，不過三套都係去年的存貨。陳敏之今年拍過嘅劇，現時只有《法網狙擊》（圖），比以往一年二、三套劇工作量大為減少。《 Face》圖片
記︰你轉睇公立醫院，係咪為 咗慳錢？
陳︰我不嬲都唔大使，加上個病都好番，只係 keep住 check吓身體，咪睇公立囉。我係一家支柱，細佬明年至理工畢業，而且最近我 喺將軍澳物色單位俾媽咪，遲 啲供兩層樓更加要慳！
記︰之前身體捱出問題，你有乜體會？
陳︰病唔係最可怕，最可怕係病 嘅時候冇人 喺你身邊。患病休養初期都好驚，怕零收入捱唔住，好彩 啲廣告商好好，冇離棄我。過 咗呢一關，我發覺一家人一條心，冇 嘢捱唔過。媽咪除 咗全天候服侍我，我細佬仲買 咗鬆弛熊俾我，目的係叫我 relax啲，令我好感動。
記︰聽講你最近有意買樓俾媽咪，仲睇過新樓盤峻瀅？
陳︰係！但暫時未睇到合適單位，我鍾意媽咪住近我，我之前買 嗰度（清水灣半島），都係貪近 TVB，多 啲時間 瞓覺，俾自己休息多 啲。
記︰有冇諗過疊埋心水同男友結婚生仔？
陳︰同男朋友好穩定，但結婚未咁快，始終都係工作行先。
女星飽受折磨
一直以來都有娛圈女星被紅斑狼瘡症折磨，幸好她們憑 着個人意志，一直堅持與病魔對抗。
《壹週刊》圖片
周海媚
98年，有傳周海媚因患上紅斑狼瘡症而銷聲匿跡，休息兩年後再轉戰內地。近年為 TVB拍《學警狙擊》及《蔡鍔與小鳳仙》時，再傳她因為壓力令紅斑狼瘡復發。海味從未承認患紅斑狼瘡，每次被問及病情，都採取迴避態度。 
《蘋果日報》圖片
毛舜筠
毛舜筠驗出患有紅斑狼瘡症後，由友人介紹到國內求醫，服藥一段時期後將病治癒。後來她公開感謝得到丈夫及親友支持，才可康復過來。 
張文瑛
74年港姐冠軍張文瑛，在 80年發覺患有紅斑狼瘡症，需長期服藥，藥物導致手震。但她從無自暴自棄，勇敢面對疾病。 
袁麗薇
袁彩雲胞姊、 99年工展小姐冠軍袁麗薇受到紅斑狼瘡症影響，令關節腫脹痛楚，一度無法工作，需要在家養病。 
留言列表
{{ article.title }}
