泳兒縮胸足秤JC騷腰玩鞭

混血名模Jessica C.（JC）憑警鐘胸力戰模，昨日她又遇上新勁敵，與身材同樣驕人的靚聲王泳兒同場，正面交「峰」！泳兒雖收起事業線，但明顯「斤量」十足，更自爆最近縮胸！



JC（左）與泳兒同場交「峰」，各擅勝場。

泳兒昨日偕JC及洪卓立出席在新都會廣場舉行的《星級潮遊派對》，兩女齊以熱褲背心示人，不賣身材只賣靚聲的泳兒，為免身材成焦點，特意在緊身背心內打底，雖比起大騷小蠻腰的JC密實，但依然有睇頭！

唔介意變平胸

至於JC則在現場邊跳邊揮舞皮鞭，十分投入，她亦展示身上的肌肉，並透露常吸收蛋白質及做Sit Up，腰圍有24吋：「呢排拍戲成日要打排球，我想拍完都Keep住打，因為平時做Model好少時間做運動。除咗打排球，我都會跑步。（跑步會令個胸變平喎？）其實全身都會減磅，我唔介意。」另外，洪卓立大讚JC漂亮，但沒有買她的寫真，更自稱小時候對性感寫真並不好奇。

名人組

JC露出小蠻腰手執皮鞭，既性感又狂野。

泳兒實力爭勝降Cup鬥JC

當不少o靚模都力谷事業線博上位之際，警鐘胸模Jessica C.與泳兒兩位有料之人卻異口同聲表示喜歡結實身形，即使做運動以致胸部跌Cup大縮水都不介意。而泳兒與洪卓立在活動後即趕下檔，出席英皇新秀大賽面試。

Jessica（左）與泳兒在台上各展魅力。

Jessica C.（JC）、泳兒及洪卓立昨日為新都會廣場的星級潮遊派對擔任嘉賓，洪卓立由三個model伴上台，即時硬晒軚企定定。而Jessica與泳兒齊齊以背心熱褲上陣，不過泳兒在背心內打底，相比起穿露臍背心大騷小蠻腰的Jessica，就顯得略為密實。

Jessica身材均勻，大騷24吋纖腰。

Keep住24吋腰

Jessica表示她的腰圍是24吋，她說：「我依家想結實啲，鍾意啲結實嘅身形，以前我就鍾意纖瘦啲。」說罷即展示身上的肌肉，並續說：「我會食好多蛋白質同狂做sit up。（你點keep住24吋腰？）早餐前做sit up，加速新陳代謝。呢排拍戲成日要打排球，我想拍完都keep住打，因為平時做model好少時間做運動。除咗打排球，我都會跑步。（跑步會令個胸變平喎？）其實全身都會減磅，我唔介意。」

洪卓立由三個model伴住上台，即時硬晒軚。

羨慕魔鬼身材

同場的泳兒被問可會擔心外界拿她跟Jessica比較，她大方地說：「一定有比較啦，自己好羨慕佢嘅身材，佢係真正嘅魔鬼身材，腰好幼上圍又豐滿，我會用欣賞角度睇，如果我係男士都會流鼻血。（做咩今日咁密實？）之前出活動都着過Deep V，想收埋先，唔想長期暴露出嚟，會怕醜。（唔騷吓條事業線？）搵個適合嘅機會先，我依家練緊舞，遲啲畀驚喜大家。」

泳兒又透露最近勤做Gym瘦五磅，現在只有八十多磅，身邊朋友都覺得她胸部縮水，她卻不介意：「我想結實啲，唔介意全身減磅，太大負荷都係障礙，輕盈些跳舞更好。（個胸縮水喎？）唔介意，我又唔係sell呢啲。」

Jessica C.

年齡：22歲

三圍：33C-24-35

身高：170cm

體重：50kg

撒手鐧：警鐘胸

泳兒

年齡：27歲

三圍：34D-23-33

身高：162cm

體重：40kg

撒手鐧：靚聲

文：名人組

自製 Bra Top肋骨全現Jessica C.跑步谷肌保警鐘胸

甜心混血女模 Jessica C.昨日與泳兒穿短牛鬥露腿，出席卡通人物活動，不過 Jessica C.出奇招自製卡通 bra top搶鏡。 Jessica C.透露近日為拍戲練打排球收身，肋骨盡現，之後會跑步 keep瘦，笑言不怕因此令警鐘胸縮水。

警鐘胸混血模 Jessica C.與泳兒和洪卓立昨日齊齊現身葵芳新都會廣場，出席以卡通貓 Felix the Cat為主題的派對活動。 Jessica C.與泳兒齊齊以短牛熱褲示人，不過 Jessica C.將卡通 tee改為 bra top，更見性感，成功搶鏡，洪卓立獲大會安排在 Jessica C.及女模特兒面前獻唱，但顯得有點靦腆，被記者取笑「硬晒軚」。

放大圖片

Jessica C.見到 Felix the Cat，童心未泯合照。

放大圖片

身材不俗的泳兒，在保守的卡通 tee下埋沒了事業線。

早餐前 Sit Up 放大圖片

洪卓立與眾模特兒合照，非常不自然。

問 Jessica C.纖瘦不少，肋骨略為明顯，她笑說：「近來打排球上癮，結實了，肋骨乍現。以前自己很想好瘦，最好像支竹般瘦，現在相反想強壯一點，現在食早餐前會做 sit up，之後食多點蛋白質促進新陳代謝，所以現在都做多了運動，可以催谷肌肉。」記者笑言跑步會瘦胸，不怕警鐘胸消失， Jessica C.說：「跑步可以練身形，是全身平均瘦。」此外，泳兒大讚 Jessica C.魔鬼身材，她說：「佢腳又幼，上圍又勁好性感。」

泳兒刻意密實

記者謂泳兒也是有料之人，為何收起性感，她說：「唔可以成日咁性感，家練緊快歌，適合時都會令大家眼前一亮。」採訪、攝影： Jessica Ngan


Jessica C.自製卡通 tee bra top，封了警鐘卻凸了肋骨。

陳偉霆瘀爆蜘蛛網上身

陳偉霆、洪卓立、鍾舒漫及泳兒昨日為「英皇新秀歌唱大賽面試」擔任評判，四人大爆當年參加新秀時的瘀事，陳偉霆謂：「我都未唱歌，老闆（楊受成）已經問我『做咩着成咁』，因為我着咗個蜘蛛網喺身，嗰時冇乜自信仲以為好型，嗰刻真係淆晒底！」泳兒自嘲「誤信」媽媽的衣着風格，以藍色眼影、橙色衫配喇叭褲面試，她直言：「我自己都唔想再睇番嗰個樣！」鍾舒漫因為面試時遲到而想放棄，幸好工作人員拉她去面試。至於評審準則，他們認為最重要是歌藝，其次是有沒有觀眾緣，洪卓立說：「我會睇埋係咪好浮誇，我最怕人作狀！」

右起：洪卓立、陳偉霆、鍾舒漫與泳兒大談當年參加新秀賽瘀事。