煎 Pang話戴唔同手鏈表達唔同心情，媽咪姐嗰日問佢心情點，佢話戴得五顏六色嘅鏈，心情梗係靚爆鏡。
小特搜
箍住你
人靠衣裝，但齋以名牌或者性感打扮嘅藝人都未必可以取悅觀眾，突出自己。
部分藝人就識得用手鐲同手鏈配搭服飾，「箍實」觀眾目光。原來手鐲並非女藝人專利，男星對手鐲嘅瘋狂程度亦不容忽視。
陳展鵬 mix& match
泰國購入約港幣 150元
「我鍾意戴鏈同銀器。你知啦，我哋冇女星咁多 accessories，惟有買鏈襯下衫冇咁寡。我最鍾意戴幼鏈，一次戴幾條 mix& match，有啲層次感。」
陳法拉崇銀系
美國購入約港幣 400元
陳法拉精打細算，專攻 1千蚊樓下手鈪配襯靚衫出席活動，佢仲話屋企有廿幾隻手鈪珍藏。
「我好少戴頸鏈或手錶，反而對手鈪情有獨鍾！我每次出 trip都會周圍搜購新款手鈪，特別係銀色或粗身款式。其實我覺得買鈪唔需要太貴，好似呢隻鈪喺美國買嘅，都係幾百蚊港紙，但質地好好，戴足幾年都冇問題。」
楊思琦水晶系
朋友送
慳妹楊思琦專攻幾百蚊嘅手鏈，最貴一條值幾千蚊，只會喺登台時候用到。
「呢條金髮水晶鏈係朋友多年前買俾我，佢話可以帶嚟好運，所以我成日都戴住。其實我以前好鍾意戴鏈，不過我好大頭蝦，做嘢擺低咗又唔記得拎番，大大話話都冇咗十幾條。」
許廷鏗優皮士
日本購入約港幣 600元
外表斯文嘅許廷鏗，笑言行街愛睇手鈪多過睇衫，估佢唔到。
「我成日都買鈪嚟襯衫，最鍾意皮做嘅，戴起嚟斯文啲！好似我戴緊呢隻喺日本買，最特別係有兩條帶疊住，有特色唔係咁易同人撞款，又可以襯埋我今日戴嘅皮帶錶。」
林子善訂情鈪
尖沙嘴購入約港幣 700元
林子善透露以往有戴水晶鏈習慣，不過易碎又易花，又要日日清洗難打理，所以最後都放棄咗。
「我鈪不離手㗎，尤其係純銀嘅鈪。手上呢隻鈪係我女友舊年送俾我。有次我想買 T字頭嘅手鈪，但女友見到成幾千蚊，唔想我嘥錢，咪帶我去其他舖頭揀咗呢隻鈪，款式差唔多，都只係 6、 7百蚊，你話我女友幾精明。」
據玄學家麥玲玲師傅表示，佩戴合時嘅飾物，可助提升運氣，相反則會破壞運勢。
春季：木旺金，宜配金銀、白水晶飾物，忌綠色。
夏季：火旺水，宜配珍珠、貝殼飾物，忌紅色。
秋季：金旺木，宜配綠寶石，忌白、金色。
冬季：水旺火，宜配紅寶石、鑽石，忌藍色。
留言列表
{{ article.title }}
